Die heerlike bederf van eiesoortige landelikheid

2012-09-01 15:36

Ek en sewe vroue word in luuksheid en soos wafferse Hollywood-sterre by Scuci in Parkview, Johannesburg, met ’n Range Rover Evoque en ’n Jaguar V8 opgelaai. Ons eindbestemming is die De Hoek Country Hotel in die Magaliesburg-omgewing.

Ek weet nie of dit die sagte rit, die landskap of die goeie geselskap is nie, maar die pad tot by De Hoek snel verby en kort voor lank ry ons oor ’n indrukwekkende brug wat uit ’n ou staalhyskraan gemaak is.

Die hotel is ’n merkwaardige meesterstuk van sandsteen en binne is dit net oregon-dennehout, pragtige materiale en handgemaakte mahonie-meubels.

Ons word hartlik verwelkom deur Michael Holenstein, mede-eienaar, bestuurder en ook uitvoerende sjef. Michael het al wêreldwyd bekendheid verwerf as sjef.

Die hotel bestaan uit 20 luukse suites, elk met ’n eiesoortige landelike gevoel, wat uitkyk op die pragtige tuine. Ons word meegedeel ons het sowat ’n halfuur om lipstiffie aan te smeer en ons kamers van nader te beskou – daarna is dit tyd om ons staal te wys in boogskiet.

Ek het nog nooit voorheen boog geskiet nie en is kinderlik opgewonde oor dié vooruitsig. Ek besluit om eers die ander Sex and the City-dames (soos ek na my en my metgeselle verwys) se tegnieke te beloer voordat ek dit probeer. Met ’n kristalglas gevul met jenewer en kinawater word daar heerlik gekuier en elke boogskiet-poging word toegejuig. Wat kan nou lekkerder wees as om met ’n drankie in die hand goeie (vroulike) geselskap te geniet? Ek voel soos ’n miljoenêr.

Voëlsang verhelder die middag en ons sien hoe die son in die weste sak en die hemel in rooi en oranje omtower.

Later sit ek voor die kaggel in een van die vele sitkamers. Die atmosfeer is romanties en die strelende musiek maak my nostalgies.

Michael, Jan (die voedsel-en-drankbestuurder) en ’n paar kelners kom binne en ons kry elkeen ’n voorskoot met ons name daarop geborduur. Ek kyk skepties rond en weet as dit van my afhang om vanaand se ete voor te berei, gaan ons verbrande kos eet of geen kos kry nie.

Michael sê laggend hy en die sous-sjefs gaan vir ons ’n kort kookdemonstrasie in die kombuis aanbied. Gewapen met die voorskoot en sjefhoedjie stap ek die kombuis in en maak of dit die natuurlikste ding onder die son is.

Die kombuis is enige sjef se droom met die nuutste toerusting waaraan jy kan dink. Om eerlik te wees, ek het nie ’n benul waarvoor die helfte van die toerusting gebruik word nie. Michael en sy sous-sjef Robert steek ons aan die werk sodat ons eerstehands kan leer hoe sekere disse gemaak word.

Ons maak Chinese rolletjies (spring rolls) en pasta, wonderlike soetighede vir nagereg en ons sien ook hoe om ’n hoender te ontbeen.

Tussenin word hartlik gesels, stories uitgeruil, lekker gelag en vir die een foto ná die ander geposeer.

Ons word vergoed met die heerlikste en sappigste watertand-disse. Die personeel het moeite gedoen en die eetkamertafel met die beste servies, kristalglase en blinkgepoetste eetgerei gedek.

Die volgende oggend geniet ons ’n heerlike ontbyt wat met vonkelwyn en vrugtesap daarmee saam bedien word.

Daarna word elkeen met ’n rug- en nekmassering gepamperlang en ek voel hoe die styfheid uit my spiere vloei.

Ons gaan vir ’n toer deur die hotel en ek kan sien waarom De Hoek ook bekend is vir sy konferensiegeriewe.

Die rustige omgewing en die pragtige konferensiekamers sal enige korporatiewe groep tot hoër hoogtes en innoverende denke neem.

High tea is definitief ’n hoogtepunt en dis veral die wortelkoek wat my laat teruggaan vir ’n tweede stukkie. Met die son wat sak, sit ons en teug aan ’n skemerkelkie op die patio.

Ek staar die niet in en ek weet: Hier sal ek vir dae kan ontspan, die omgewing indrink en die gasvryheid en uitstaande diens van die personeel kan waardeer.

De Hoek bied al hierdie dinge in luuksheid om jou soos ’n koninklike te laat voel.

Goed om te weet

* Daar is 16 superieure suites met en suite-badkamers wat groot genoeg is om in te verdwaal.
* De Hoek is bekend om vyfgang-kersligetes.
* Die Point Room is die private eetkamer en maak ’n draai in die Gimbal-biblioteek.
* Daar word boogskiet, boule en kroukie aangebied.
* Daar is heelwat bergstaproetes wat dit ’n voëlparadys maak en voëlkyk-liefhebbers sal in hul element voel.
* Kinders ouer as 12 jaar is welkom.
* Vervoer van en na Johannesburg en Pretoria kan gereël word.
* GPS-koördinate na hoofingang: 25 57.217 S en 27 32.453 O.



De Hoek
014 577 9600
www.dehoek.com
Navrae kan gedoen word op die webwerf.

Margaret Mentz het De Hoek Country Hotel op uitnodiging besoek.

Lees Rapport se kommentaarbeleid

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 15-25°C Sunny. Mild. Pta: 5-22°C Sunny. Mild.
Jhb: 3-17°C Sunny. Refreshingly cool. Bfn: 3-20°C Sunny. Mild.
Dbn: 10-21°C Mostly sunny. Cool. PE: 13-22°C Sunny. Mild.
7-dag-voorspelling...

Betrekkinge - Vind jou droomwerk

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!