Land vol juwele

2012-10-05 14:49

Afrika word wakker met die son wat naby Okaukuejo in die Etosha- nasionale park verrys.

Lesersfoto’s Stuur vir ons jou foto's  ·  Stuur vir ons jou foto's

Wanneer sy aan Namibië dink kom die grootsheid en uitgestrektheid van die Namib by haar op. Dié land bied besoekers die kans om op ’n ontdek­kingstog te gaan – van die ongerepte natuur tot avonture vol adrenalien. Die Namibiëse Toerismeraad het hul bemarking van dié unieke land meer opwindend gemaak en met Rondrits gedeel. Hier is ’n paar redes waarom jy Namibië jou volgende bestemming moet maak, skryf Margaret Mentz.

Daar word soms na Namibië verwys as ’n rowwe diamant, maar hierdie land bied besoekers soveel interessante en uiteenlopende aantreklikhede dat dit ongetwyfeld deur mense met ’n bietjie meer tyd op hande ontdek kan word.

Dié Afrika-skoonheid wemel van die wild wat selfs die ywerigste reisiger wat glo hy het al alles gesien, sal verras. Van die kleinste miskruier wat energiek sy gang gaan onder die warm Namib-son tot die majestueuse woestyn-olifant wat sy pad stadig deur ’n skynbaar verlate woestyn vind – Namibië se natuurlewe is beslis ’n bate wat die moeite werd is om eerstehands te ervaar en ontdek.

Die staatsbeheerde reservate en wildtuine van dié land beslaan sowat 18% van die landoppervlak van 824 268 km² en is hoofsaaklik in die noorde en weste van die land geleë.

Die land spog met 23 regeringsparke en -reservate en ’n hele 161 wildreservate in private besit. Dit bied toeriste die geleentheid om ’n verskeidenheid wild te besigtig en van nader te leer ken.

Daar is volop wild om te sien. Namibië is tuiste vir die Groot Vyf en groter wildsoorte wat gesien kan word sluit in kameelperde en jagluiperds.

Namibië spog met agt inheemse soogdierspesies insluitend swartrug-rooibokke, muise, nagmuise en vlermuise, terwyl die Namib-woestyn ook gasheer is vir ’n groot aantal duinbewoners soos akkedisse, waarvan daar 30 inheemse spesies is.

Namibië is bekend om die Etosha- nasionale park, een van die bekendste besienswaardighede en geleë in die noorde van die land. Dié park is een van die grootste wildreservate in Afrika en beslaan 22 912 km².

In die hartjie van die park is die Etosha-pan, ’n unieke vlak pan van ongeveer 5 000 km² waar diere kom water soek. Van die 887 voëlspesies wat in Suider-Afrika gelys is, kom 676 in Namibië voor. Die Caprivi is bekend as ’n voëlkykparadys met meer as 70% van die ­voëlspesies in hierdie gebied.

Swakopmund is seker een van die grootste toeriste-trekpleisters in Namibië. Met sy baie duine is dit die ideale speelplek vir avontuurlustiges met aktiwiteite soos sandduinplankry, vierwielfiets, visvang, sandski of 4x4-saamtrekke. En as dít nie genoeg is nie, kan toeriste op ’n kano vaar in die Caprivi, grot-skubaduik in die Arnhem-grotte of rotsklim in die Spitzkoppe-omgewing.

Daar is ook Walvisbaai met sy walvisse en dolfyne en bootritte in die hawe, die pragtige hemelruim in die Gamsberg, Sossusvlei se pragtige omgewing en die Visrivier-canyon se staproete.

Met die Oranje-, Kunene- en Okavango-riviere op Namibië se voorstoep wag daar opwinding en pret op enige besoeker, om nie van die magiese Skedelkus te praat nie. Namibië moet ongetwyfeld op jou lysie van moet-sien-plekke wees.

* Vir meer inligting kontak die Namibiese Toerismeraad by 011 702 9602 of 021 422 3298. Stuur ’n e-pos na namibia@lloydorr.com of namibia@saol.com. Daar is ook baie inligting beskikbaar op die webwerf www.namibiatourism.com.na.

Lees Rapport se kommentaarbeleid

Lewer kommentaar op hierdie artikel
1 reaksie
Lewer kommentaar
Kommentaar 0 oorblywende karakters

binne rapport

Weer
Ksd: 17-25°C Sunny. Mild. Pta: 5-23°C Sunny. Mild.
Jhb: 4-18°C Sunny. Mild. Bfn: 1-21°C Sunny. Mild.
Dbn: 8-22°C Morning clouds. Cool. PE: 12-25°C Sunny. Pleasantly warm.
7-dag-voorspelling...

Betrekkinge - Vind jou droomwerk

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!