Flip Buys

ANC bly klou aan linkse resepte

2013-01-05 23:21

Die geskiedenis staan nie stil nie. Gister se bevryders kan vandag se oorwinnaars wees en selfs môre se verdrukkers.

Die ANC word as die bevryders van Suid-Afrika beskou, maar het soos oorwinnaars begin optree. Dié klemverskuiwing het sy oorsprong in politieke taalgebruik, maar dit het vinnig tot daad oorgegaan.

Dit was nie lank ná oudpres. Thabo Mbeki se bewindsaanvaarding nie dat ons toenemend gehoor het van die “grondwetlike regstaat” en die “nasionale demokratiese revolusie”.

Die towerwoord was nou skielik “transformasie”; die resep rassewetgewing en die hoofbestanddeel die groeiende gebruik van staatsmag om dié regeringsbeleid te verwesenlik.

In die Mbeki-era het die ANC gemengde seine uitgestuur soos om ’n markvriendelike ekonomiese beleid met die instelling van ’n welsynstelsel op te volg. Later het dit duideliker geword die ANC wil terugkeer na sy sosialistiese wortels, weliswaar sonder om dit té vinnig té hard by die naam te noem.

By die onlangse ANC-konferensie was dit meer van dieselfde. As mens verby die politiek-korrekte taalgebruik van hul beleidsbesluite kyk, sien jy dit is bloot kodetaal vir die voortsetting van onwerkbare linkse resepte.

Die kern bly die groeiende rol van die staat, die voortsetting van beleidsrigtings wat die staat verswak en die groeiende onverdraagsaamheid teenoor sakelui en kultuurgemeenskappe wat hulself nie wil laat inlyf by die meerderheid nie.

Dit is vir talle verstommend dat die ANC steeds ’n diepgaande verbintenis met sy linkse wortels het, gegewe die mislukking van hierdie ideologie in Oos-Europa. Miskien is dit omdat die ANC nie soos sosialistiese partye in daardie wêrelddele die Koue Oorlog verlóór het nie, maar hulself oortuig het hulle het in Suid-Afrika gewén. Dit is sekerlik een van die redes waarom hulle soos oorwinnaars begin regeer het.

Die groot vraag is of die ANC in die toekoms na die finale fase van verdrukkers kan oorgaan. Dit is nie onmoontlik nie en het al met ander partye uit dieselfde ideologiese stal gebeur. Inteendeel, die ANC kan sy ambisieuse doelwitte nie bereik sonder om tot verdrukking oor te gaan nie.

Die bepalende dryfkrag vir linkse partye se totalitêre neigings is die radikale grondslag van hul ideologie – naamlik gelyke uitkomste. Dié doelwit van gelykmaking eerder as gelykheid noop linkse partye gewoonlik om hul politieke mag kragdadig te gebruik om hul ingrypende doelwitte te bereik.

Die slagoffer is vryheid – die media, regbank, sakelui en minderheidsgroepe.

Die eerste tekens van hierdie totalitêre neigings lê in die groeiende strewe na die sentralisering van mag. Die tweede teken is dat die private sektor en burgerlike gemeenskap hulself toenemend tot die howe moet wend om hul basiese regte te beskerm.

Suid-Afrika is ver van ’n Zimbabwe af. Hier is veel meer selfstandige magsentrums en ons is verder ontwikkeld.

Dit bly egter belangrik dat almal onthou die prys van vryheid is voortdurende waaksaamheid. Sosialisme vereis immers verdrukking.

Lees Rapport se kommentaar beleid

Lewer kommentaar op hierdie artikel
9 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 10-21°C High level clouds. Mild. Pta: 8-22°C Sunny. Mild.
Jhb: 5-17°C Sunny. Mild. Bfn: 4-16°C Sunny. Cool.
Dbn: 14-23°C Morning clouds. Mild. PE: 11-23°C High level clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Spesiale aanbiedinge vir Moedersdag!

Bederf Ma met dié ongelooflike spesiale aanbiedinge wat haar hart sal laat vermurwe. Koop nou!

Parfuumwinskopies vir Moedersdag!

Bederf Ma met spesiale parfuumwinskopies en geskenkpakke vir Moedersdag. Aanbod geldig solank voorraad beskikbaar is. Koop nou!

Oefen sonder dat dit ’n plaas se prys kos

Tot 30% afslag op alle toerusting vir joga, om jou fiksheid te verbeter en jou spiere sterker te maak. Aanbod geldig solank voorraad beskikbaar is. Koop nou!

RYOBI-gereedskap

Gee uiting aan jou innerlike DDS-geesdrif met RYOBI-gereedskap. Koop nou!

Gewilde nuwe flieks

Frozen, The Hobbit: The Desolation of Smaug, Thor: The Dark World, Leon Schuster: Schuks! Your Country Needs You en nog baie meer. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!