160 minute van vasbyt

2013-01-27 00:04

Victoria Azarenka met die Daphne Akhurst-gedenk­beker nadat sy Li Na in die eindstryd van die Australiese Ope verslaan het . Azarenka ná haar sege. | Foto: Daniel Munoz/Reuters

Lesersfoto’s Stuur vir ons jou foto's  ·  Stuur vir ons jou foto's

Vuurwerk, beserings, woede-uitbarstings, trane, ’n yslike sestien deurbrake op afslaan, onvoorspelbaarheid deurgaans en 160 minute van volgehoue drama.

Eindelik – eindelik! – het twee vroue ’n Grand Slam-eindstryd gelewer waaroor die wêreld nog vir baie jare kan praat.

Die wêreld se voorste speler, Victoria Azarenka, het haar Australiese Ope-titel gister in Melbourne suksesvol verdedig toe sy ’n reuse-stryd teen China se Li Na ná drie aksie-belaaide stelle en 160 dramatiese minute geklop het.

Belarus se tennistrots was baas met 4-6, 6-4, 6-3 in ’n stryd waarin sy teen Asië se beste tot nog toe én Australië se raserigste tennisliefhebbers te staan gekom het.

Melbourne het Donderdag teen die blondine gedraai toe sy in haar halfeindstryd ’n nege minute lange mediese ruskans gevat het, en het gister vierkant agter Li gaan staan.

Dié vriendelike Chinees het hul harte gesteel toe sy twee jaar gelede hier in die eindstryd verloor het, maar steeds daarná geglimlag en grappies gemaak het.

Die skare se duidelike teenkanting het Azarenka geskud in ’n merkwaardige eerste stel waarin sy al drie haar eerste ­afslaanpotte verloor het, maar ook twee van Li se eerste drie gewen het.

Van die tien potte in dié stel het net drie volgens afslaan verloop, met Li ’n kort kop beter omdat sy beter beweeg het en meer in haarself geglo het.

Merkwaardig genoeg het die tweede stel ook begin met ’n deurbraak op afslaan – dié keer het Azarenka albei Li se eerste afslaanpotte geneem.

Toe die Chinees boonop in die vyfde pot skeeftrap, het dit gelyk of die geluksgodin uiteindelik breër vir die verdedigende kampioen begin glimlag, maar tot haar krediet het Li geen teken van probleme gewys nie – en twintig minute later Azarenka se afslaan gesteel.

Toe sy haar eie egter weer direk daarna inboet, was die stel verby en die tafel gedek vir ’n opwindende bepalende stel.

Dit het steeds gevoel asof die wedstryd Li s’n was om te verloor – maar net totdat sy ’n voorarmhou in haar eerste afslaanpot wild die paviljoen ingemoker het om Azarenka vir die eerste keer in die wedstryd voor te sien gaan.

En toe breek Li onmiddellik daarna wéér terug...

Net toe dit begin voel het asof ons nou alles gesien het, het Melbourne die vuurwerk vir hul Australië-dag-feesvierings van stapel gestuur en moes die twee vroue in die hitte van ’n wipwaentjie-wedstryd gaan sit en koud word.

Met die hervatting van die spel het Li haar enkel boonop wéér verswik en haar kop teen die grond gestamp, wat tot nog ’n lang vertraging gelei het.

Die Chinese ster was daarna nie weer dieselfde nie en het vyf van die volgende ses potte verloor.

Sy het egter in ’n groot mate net haarself te blameer vir dié nederlaag.

Sy het dubbel soveel wenhoue as Azarenka geslaan (36 teenoor 18), maar 57 ongedwonge foute gemaak (teenoor die kampioen se 28) en net sewe van 18 deurbraak-geleenthede laat tel.

Lees Rapport se kommentaarbeleid

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 17-25°C Sunny. Mild. Pta: 5-23°C Sunny. Mild.
Jhb: 4-18°C Sunny. Mild. Bfn: 1-21°C Sunny. Mild.
Dbn: 8-22°C Morning clouds. Cool. PE: 12-25°C Sunny. Pleasantly warm.
7-dag-voorspelling...

Betrekkinge - Vind jou droomwerk

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!