Charl verjaag Augusta-spook

2012-12-16 03:32

Charl Schwartzel met die wentrofee van die Thailand-ope, wat hy met 'n yslike elk houe gewen het. Foto: SAK CHAI LALIT/AP

Lesersfoto’s Stuur vir ons jou foto's  ·  Stuur vir ons jou foto's

Die wêreld kan oor twintig jaar weer in vervoering raak oor die manier waarop Charl Schwartzel sy eerste major-titel verlede jaar verower het. 


Maar nou moet hulle ’n slag oor iets ánders probeer praat. 

Soos die merkwaardige manier waarop hy verlede week vir die eerste keer in Asië gewen het. Só het die 28-jarige Schwartzel Vrydag opgesom wat sy sege met elf houe in verlede week se Thailand-ope werklik vir hom beteken het. 

Ja, die groot wenmarge was spesiaal. 

En ja, dit was goed om ’n slag weer in die wenkampie te staan.

Maar eintlik was dit net wonderlik omdat die wêreld nou ’n slag dáároor kan praat, eerder as oor Augusta. 

“Dit was ’n lekker oorwinning, net om die ys te breek ná die Meesters-sege. 

Dis so ’n groot ding en almal het die heeltyd gepraat oor: ‘Wanneer gaan jy weer wen?’,” het Schwartzel gesê. 

“Maar wen is nie so maklik soos almal dink nie. Soms speel jy goed, maar jy wen nie. Vir my was die beste deel van Thailand dat ek weer gewen het en dat ons almal nou die Meesters-ding agter ons kan sit en aangaan. Dis amper twee jaar later, so kom ons los dit nou. Die wêreld kan oor 20 jaar te kere gaan oor die Meesters-wen, maar nou – kom ons maak nou nuwe herinneringe.” 

Charl se sege was glad nie onverwags nie, ná hy in sy drie toernooie voor dit onderskeidelik vyfde, derde en tweede geëindig het. 

Die wenmarge het die hele wêreld egter onkant gevang – en is selfs meer verrassend wanneer hy vertel dat hy glád nie tevrede was met hoe hy die bal daar geslaan het nie. 

"Verlede week was aaklig. Ek het die bal glad nie goed geslaan nie, maar was gelukkig dat die gholfbaan my gepas het,” sê hy. 

“Ek weet nie of dit die moeë lyf was nie, maar my tydsberekening was heeltemal uit. Die geheim was dat ek by die regte putjies die skoonvelde gemis het. Ek kon in elk geval nie die setperke van die syfer 5-putjies bereik nie, so dit was nie so ’n groot probleem om daar die skoonveld van die bof af te mis nie.” 

Schwartzel sê dis belangrik om te onthou dat ’n speler se ongemaklikheid met sy swaai nie as ’n reël ’n swak telling sal oplewer nie. 

“Dis net, hoe beter jy die bal slaan, hoe groter is jou selfvertroue en hoe meer in beheer voel jy. Verlede week moes ek sonder daardie gevoel van beheer speel.” 

Schwartzel se gemiddelde telling oor sy laaste tien rondes is om en by 4 onder – klinkklare bewys dat hy tans op die kruin van die golf ry. 

Maar één ding wat hy die afgelope jaar geleer het, is dat dit maklik kan verander – hy kan nie verklaar wat die ribbesering wat sy jaar in Junie op sy kop gekeer het, veroorsaak het nie, maar hy weet dit het ’n paar van sy planne omvergewerp. 

Dalk is dit waarom hy nie te ver vooruit wil dink nie. 

Vir die vraag oor sy doelwitte vir die volgende twaalf maande het hy nie Vrydag ’n antwoord gehad nie. 

“Ek wil nie eens dink oor my doelwitte vir die volgende twaalf maande nie. Ek wil net aanhou speel sonder enige verwagtinge. 

“In jou agterkop weet jy wat jy wil bereik. Ek wil net in die oomblik bly. As ek die beste speel, sal ek wen en sal die geldlyste en die wêreldranglys vir hulself sorg. 

“Jy kan ’n tree vooruit gee en sê jy wil bereik wat Rory (McIlroy) het en albei kante van die Atlantiese Oseaan die geldlys wen en bo-aan die wêreldranglys wees. 

“Ja, natuurlik wil ek dit doen, maar dit kan nie my doelwit wees nie.”

Lees Rapport se kommentaar beleid

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 19-24°C Sunny. Mild. Pta: 10-24°C Sunny. Mild.
Jhb: 9-19°C Mostly sunny. Mild. Bfn: 8-24°C Sunny. Mild.
Dbn: 15-26°C Morning clouds. Mild. PE: 14-26°C Mostly sunny. Warm.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Gewilde nuwe flieks

Frozen, The Hobbit: The Desolation of Smaug, Thor: The Dark World, Leon Schuster: Schuks! Your Country Needs You en nog baie meer. Koop nou!

25% afslag op topverkoperboeke!

The Real Meal Revolution van Tim Noakes, Jeffrey Archer se Be Careful What You Wish For, Man’s Search for Meaning van Victor E. Frankl en nog baie meer titels. Koop nou!

Baie eiers in een mandjie!

Speletjie-pakkette: 2 Super Hits-speletjies vir R99, 3 Disney-speletjies vir R99 en nog meer + eksklusiewe pakkette vir toebehore – slegs beskikbaar op kalahari.com. Terwyl voorraad beskikbaar is. Koop nou!

Tot 30% afslag op toestelle & huisware

Bespaar tot 30% op toestelle en huisware dié Paasfees. Aanbod geldig solank voorraad beskikbaar is. Koop nou.

Storieman Omnibus 6

Storieman 6 van Leon Rousseau. Beskikbaar 30 April. Plaas jou voorafbestelling nou!

gobii se 7” Kleur LCD e-leser nou R399

Kry kalahari.com se topverkoperproduk vir slegs R399 en kry gratis e-boekkoopbewyse ter waarde van R120. Koop nou!

Besoek www.kalahari.com vir miljoene boeke, musiek, DVD's, games & meer!