Die keiser is kaal

2013-01-20 02:15

Lance Armstrong kort nadat hy sy sewende Tour de France-titel verower het. Foto: Reuters

Lesersfoto’s Stuur vir ons jou foto's  ·  Stuur vir ons jou foto's

Die waarheid het wel op die lappe gekom, maar Lance Armstrong sal die nagevolge van die opkikkerskandaal, wat in Oktober verlede jaar oopgevlek is, vir ’n baie lang tyd nog voel.

Hy het in ’n TV-onderhoud met Oprah Winfrey erken dat hy verbode middels, waaronder EPO, testosteroon en bloedoortappings, gedurende sy professionele fietsryloopbaan gebruik het.

Maar Armstrong het homself dalk ook in die spervuur van meer as een regsgeding geplaas.

Die wêreld hou asem op om die sien of dié 41-jarige Yank van meineed aangekla sal word en soos die Amerikaanse naelloper Marion Jones destyds dalk tyd in die tjoekie sal moet deurbring.

Dit is nog onseker of die Amerikaanse regering sy ondersoek na Armstrong, wat in Februarie verlede jaar afgelas is, sal hervat.

Die lys van mense wat van dié beleërde fietsryer geld eis, is steeds aan die groei – en al spring hy tronkstraf vry, kan Armstrong, met ’n netto waarde van sowat $125 miljoen, se bankrekening heeltemal leegloop.

Floyd Landis, een van Armstrong se voormalige US Postal Service-spanmaats (USPS), het in 2010 ’n regsgeding teen Armstrong en die USPS-spanbase aanhangig gemaak.

Hierin voer hy aan dat Armstrong-hulle die bepalings van hul borgskapkontrak geskend het deur verbode middels te gebruik en bedrog gepleeg het teenoor USPS, wat ’n geskatte $30 miljoen (sowat R267 miljoen) betaal het om die span te borg.

Armstrong-hulle kan glo meer as $90 miljoen (sowat R800 miljoen) opdok, indien hulle aanspreeklik gevind word.

Die Britse Sunday Times en SCA Promotions het albei ook reeds aan Armstrong se deur kom klop.

Die Britse koerant het in 2006 ’n lastersaak teen Armstrong verloor en buite die hof geskik.

Hulle het £300 000 (R4 miljoen) aan Armstrong betaal en eis nou dié bedrag met rente terug.

Die koerant eis ook hul regskoste en £1 miljoen (R14 miljoen) van Armstrong.

“Ons het Lance Armstrong se onderhoud met belangstelling dopgehou en kennis geneem van al sy erkennings oor die gebruik van verbode middels,” het ’n woordvoerder van dié koerant gesê.

“Ons saak is nou nog sterker as ooit en ons sal dit met mening voortsit.”

SCA Promotions, ’n versekeringsmaatskappy, eis $12 miljoen (R106 miljoen) van hom.

Ook húlle het ’n saak teen Armstrong in 2005 verloor en moes hom eindelik ’n bonus van $7,5 miljoen betaal.

Hulle moes ook ’n verdere $4,5 miljoen aan prysgeld opdok.

Armstrong het in dié verhoor onder eed gelieg en gesê hy het nooit verbode middels gebruik nie.

Jeffrey Tillotson, ’n regsverteenwoordiger vir dié maatskappy, het reeds aan Amerikaanse media bevestig hulle oorweeg dit om hom vir dié bedrag te dagvaar en is van plan om dit uit te lig dat hy onder eed gelieg het.

Armstrong het in die tweede deel van Winfrey se onderhoud, wat gister om 04:00 in Suid-Afrika op die internet was, gesê die opkikkerskandaal het hom sowat $75 miljoen (R666 miljoen) aan kommersiële geleenthede en verlore borgskappe gekos.

Van sy voormalige borge waaronder Nike, Trek en Oakley kan ook nog sake teen hom aanhangig maak.

Lees Rapport se kommentaarbeleid

Lewer kommentaar op hierdie artikel
1 reaksie
Lewer kommentaar
Kommentaar 0 oorblywende karakters

binne rapport

Weer
Ksd: 14-24°C Sunny. Mild. Pta: 5-23°C Sunny. Mild.
Jhb: 4-18°C Sunny. Mild. Bfn: 2-21°C Sunny. Mild.
Dbn: 8-22°C Morning clouds. Mild. PE: 12-26°C Sunny. Pleasantly warm.
7-dag-voorspelling...

Betrekkinge - Vind jou droomwerk

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!