Giniel in sy skik

2013-01-20 02:08

’n 11de Dakar-titel vir Frankryk se Stephane Peterhansel.

En ’n beter plasing as in 2012 vir die Suid-Afrikaner Giniel de Villiers.

Dís die uitslag waarop die moordende uithouren gister voor die 14de en laaste skof – met ’n spesiale sneldeel van 346?km – in Santiago, Chili, afgestuur het.

Die Fransman, in sy BMW-vervaardigde Mini, het vanjaar se uithouren oorheers – en die algehele voorsprong van ’n raps meer as 40 minute waarmee hy gister weggespring het, is meer as genoeg om hom van die louere te verseker.

Danksy daardie buffer het hy reeds in die laaste drie dae sake rustiger begin vat en net gesorg dat hy binne die top-10 renjaers van elke skof se tye klaarmaak.

“Dis nou onnodig om kanse te waag,” het Peterhansel gesê.

En hy is reg. Nes De Villiers (Toyota Hilux), wat ’n voorsprong van byna 45 minute oor die derde geplaaste Rus Leonid Novitskiy (Mini) geniet, moes die Fransman net gister se laaste skof sonder voorval en in ’n redelike tyd voltooi om onder die voorlopers te bly.

De Villiers het gister se 14de skof begin met die wete dat hy beter as in 2012 se tydren gaan vaar.

Hy was verlede jaar algeheel derde in die Hilux.

Daarom het hy ook die laaste twee skofte rustiger gevat en nie kanse gewaag wat sy algehele plasing in gevaar sou stel nie.

“Dis nie ’n skof waarin jy aanval as jy in ons posisie is nie. Die kans om ’n fout te maak en jou plek prys te gee is groter hoe waaghalsiger jy is,” het De Villiers ná die voorlaaste skof aan dakar.com gesê.

Die Suid-Afrikaner sal breed glimlag as hy vandag by die titel-seremonie in Santiago met die “silwermedalje” beloon word.

’n Tweede plek is nie te versmaai nie, veral as jy nie ’n enkele skof vanjaar gewen het nie.

“As ons algeheel tweede kan eindig, sal dit baie goed wees. Dan het ons minstens op verlede jaar se derde plek verbeter. Ons was vanjaar baie nader aan ons mededingers as in 2012,” het De Villiers gesê.

In die motorfiets-afdeling was die Fransman Cyril Despres (KTM) gister nog op koers om sy titel suksesvol te verdedig.

Hy sou egter alles in die laaste skof in die stryd moes werp, want die naaste aanspraakmaker, Chili se Francisco Lopez Contardo (KTM), was net 8:15 minute agter hom.

Suid-Afrika se Riaan van Niekerk (KTM) was op koers om die tydren minstens onder die voorste 15 jaers klaar te maak.

In die vierwielmotorfiets-afdeling was Sarel van Biljoen (E-ATV) 22ste geplaas voor die begin van die laaste skof.

Teen druktyd was die laaste skof nog aan die gang.

Lees Rapport se kommentaarbeleid

Lewer kommentaar op hierdie artikel
0 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 12-16°C Scattered clouds. Cool. Pta: 13-27°C Morning clouds. Pleasantly warm.
Jhb: 8-21°C Sunny. Mild. Bfn: 3-17°C Sunny. Mild.
Dbn: 16-23°C More sun than clouds. Mild. PE: 12-17°C Afternoon clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!