LJ uit aflosspan; SA hoop op Sunette, Caster

2012-08-04 23:16

Sunette Viljoen, die wêreld se nommer 1.

Lesersfoto’s Stuur vir ons jou foto's  ·  Stuur vir ons jou foto's

Daar is reeds vier medaljes in die sakkie vir Span Suid-Afrika op die Olimpiese Spele, maar dit beteken nie die spanlede wat vandeesweek hul kans op Olimpiese glorie kry, sal verskoon word as hulle laat slap lê nie.

Die land is honger vir meer ná ’n week vol vreugde oor die heldedade van Cameron van der Burgh, Chad le Clos en die liggewig-roeispan van Matthew Brittain, Sizwe Ndlovu, John Smith en James Thompson.

Nou is dit die beurt van Caster Semenya, Sunette Viljoen, die 4x400-aflosspan, die kanovaarder Bridgitte Hartley, die fietsryer Burry Stander en BMX-waaghals Sifiso Nhlapo om te wys van watter stoffasie húlle gemaak is.

Die negende dag van Olimpiese aksie skop vandag af met die vroue-marathon, waarin René Kalmer, Irvette van Blerk en Tanith Maxwell in die Groen-en-Goud in aksie is.

Daar het die land ’n teoretiese kans op ’n medalje, maar die ware geleenthede begin eers Dinsdag kom, wanneer Viljoen se spiesgooi-kompetisie begin.

Sunette het in Junie haar persoonlike beste tot ’n yslike afstand van 69.35 verbeter en tel met reg onder die gunstelinge vir spiesgooi-goud.

Sy het verlede jaar brons in die wêreldkampioenskappe gewen om te wys dat sy gemaklik is met die groot oomblik – en het in Londen opgedaag met konstante verbetering oor die afgelope vier jaar.

Sunette behoort Donderdagaand in die eindronde haar aanslag op goud van stapel te stuur.

Semenya se groot toets begin Woensdag, in die eerste ronde van die 800. Dié 21-jarige het haar staal al keer op keer gewys, met goud en silwer in die laaste twee wêreldkampioenskappe, wat vir groot optimisme oor haar kanse sorg.

Maar sy het vanjaar nog glad nie beïndruk nie, sodat daar ook ’n stewige dosis onsekerheid oor haar potensiaal is.

Die eindronde van die 800 vind aanstaande Saterdag plaas.

’n Vraagteken hang oor die medalje-kans van die SA mans-4x400-aflosspan, wat verlede jaar op die wêreldkampioenskappe ’n silwermedalje gewen het. Een van dié span se grootste sterre, LJ van Zyl, het gister per SMS laat weet dat hy uit die span “gedrop” is.

Dít, nadat hy nie die eerste ronde van die Olimpiese 400-hekkies kon oorleef nie.

Die SA span is nou Shaun de Jager, Ofentse Magawane, Oscar Pistorius en Willie de Beer. Sonder LJ kan die SA span sukkel.

Hartley is die wêreldrekordhouer in die K1-kanovaart oor 500 m en het dus ’n realistiese kans in dié nommer, wat Dinsdag begin.

’n Ewe goeie aanspraakmaker is Burry Stander, wie se kans op glorie in die bergfietsry volgende Sondag plaasvind, en Sifiso Nhlapo, wat in BMX-kringe beskou word as ’n gunsteling vir sukses in Vrydag se eindronde.

* Kliek hier vir vandag, Sondag 5 Augustus, se Olimpiese program en die Suid-Afrikaners wat vandag in aksie te sien is.

Lees Rapport se kommentaar beleid

Lewer kommentaar op hierdie artikel
4 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 18-24°C High level clouds. Mild. Pta: 12-26°C Sunny. Pleasantly warm.
Jhb: 10-22°C Sunny. Mild. Bfn: 10-25°C Mostly sunny. Pleasantly warm.
Dbn: 19-27°C Morning clouds. Mild. PE: 17-23°C Morning clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Gewilde nuwe flieks

Frozen, The Hobbit: The Desolation of Smaug, Thor: The Dark World, Leon Schuster: Schuks! Your Country Needs You en nog baie meer. Koop nou!

25% afslag op topverkoperboeke!

The Real Meal Revolution van Tim Noakes, Jeffrey Archer se Be Careful What You Wish For, Man’s Search for Meaning van Victor E. Frankl en nog baie meer titels. Koop nou!

Baie eiers in een mandjie!

Speletjie-pakkette: 2 Super Hits-speletjies vir R99, 3 Disney-speletjies vir R99 en nog meer + eksklusiewe pakkette vir toebehore – slegs beskikbaar op kalahari.com. Terwyl voorraad beskikbaar is. Koop nou!

Tot 30% afslag op toestelle & huisware

Bespaar tot 30% op toestelle en huisware dié Paasfees. Aanbod geldig solank voorraad beskikbaar is. Koop nou.

Storieman Omnibus 6

Storieman 6 van Leon Rousseau. Beskikbaar 30 April. Plaas jou voorafbestelling nou!

gobii se 7” Kleur LCD e-leser nou R399

Kry kalahari.com se topverkoperproduk vir slegs R399 en kry gratis e-boekkoopbewyse ter waarde van R120. Koop nou!

Besoek www.kalahari.com vir miljoene boeke, musiek, DVD's, games & meer!