Pietie ruk SA gou reg

2013-01-27 00:04

Marsha Marescia die afgelope week in aksie teen België. Foto: Jaco Marais

Lesersfoto’s Stuur vir ons jou foto's  ·  Stuur vir ons jou foto's

 Die Suid-Afrikaanse vroue-hokkiespan het hul aaklige toetsreeks verlede week teen België reeds in die asblik gegooi en vergeet – alles danksy die selfvertroue-inspuiting wat die terugkeer van hul twee grootste supersterre hulle die afgelope week besorg het.

Fabian Gregory, die Proteas se hulpafrigter, het Vrydag behoorlik geborrel oor die verskil wat die hotklou-doelskieter Pietie Coetzee en inspirerende kaptein Marsha Marescia aan die land se hokkietrots gemaak het.

Waar hulle die jaar sonder Coetzee en Marescia afgeskop het met ’n toetsreeks-nederlaag van 4-0 teen België, het hulle die Kaap daarna laat jubel deur Ghana met vier doele te verslaan en die Belge danksy ’n Coetzee-driekuns met 3-2 te klop.

Met haar doelhonger duidelik nog nie bevredig nie, het die Bloemfonteinse kanonpoot haar wêreldrekord aan internasionale doele Donderdag tot 253 geneem, in haar 256ste toets.

Twee dae voor dit het Marescia teen Ghana net die tiende speler in wêreldhokkie geword wat in haar 300ste toets uitgedraf het.

“Dis merkwaardig hoe haar spanmaats aansteek by Pietie se selfvertroue. Die sleutelrol wat sy en die doelwagter Sanani Mangisa die afgelope week gespeel het, het die res die ruimte gegee om ook hul peil te lig,” het Gregory gesê.

“Dit alles is goeie tekens met die oog op aanstaande maand se Investec-uitdaagtoernooi hier in Kaapstad, waar ons spanne soos Nederland, die Olimpiese kampioen, sal probeer tem.”

Die reeks teen België is gekenmerk deur ’n frustrerende onvermoë om af te rond en algehele tandloosheid by strafhoeke.

Coetzee het dit egter in die Wêreldliga-stryd teen die Belge onmiddellik verander.

“Ons het 25 strafhoeke gemis in die reeks teen België, maar toe kom Pietie en skep drie van die vyf in die wedstryd (Donderdag) om in punte. As daar een speler is wat jy laat in die wedstryd voor die doelhok wil sien met ’n kans om die doelwagter te klop, is dit Pietie. Sy floreer onder druk.”

Die Proteas het gister ná druktyd te staan gekom teen Azerbeidjan in hul voorlaaste Wêreldliga-wedstryd en durf Oostenryk vanaand aan.

As hulle albei wen, is hulle die toernooi se kampioene en kwalifiseer vir die Wêreldliga-halfeindronde in Europa in Junie.

Lees Rapport se kommentaarbeleid

Lewer kommentaar op hierdie artikel
1 reaksie
Lewer kommentaar
Kommentaar 0 oorblywende karakters

binne rapport

Weer
Ksd: 12-19°C Sunny. Mild. Pta: 9-19°C Sunny. Mild.
Jhb: 6-15°C Sunny. Cool. Bfn: 2-18°C Sunny. Mild.
Dbn: 12-22°C Mostly sunny. Mild. PE: 9-22°C Sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Tablet Asus Nexus 7'' 3G met 32GB nou R1 999

Kry die Nexus 7”-tablet met Wifi & 3G vir slegs R1 999 en bespaar R500! Aanbod geldig solank voorraad beskikbaar is. Koop nou!

Plaas ’n voorafbestelling vir die Xbox One

Die vermaaksentrum wat jou alles-in-een bied – regstreekse TV, flieks, sosiale netwerke en speletjies. Plaas jou voorafbestelling nou!

Tot 50% afslag op haarsorgprodukte!

Bespaar tot 50% op professionele haarsorgprodukte by kalahari.com. Aanbod geldig solank voorraad beskikbaar is. Koop nou!

Nuwe e-boeke beskikbaar!

Maak jou gereed vir ’n lekker leeservaring wat e-boeke insluit soos Good Morning, Mr Mandela; Laaste dans, Drienie; Die brug na Haven en nog baie meer. Koop nou!

Hisense Infinity Prime-slimfoon

Bespaar R1 000 op die Hisense Infinity Prime 1-slimfoon. Nou R1 999. Aanbod geldig solank voorraad beskikbaar is. Koop nou!