Baba, maar boelie

2012-12-16 03:17

Quinton de Kock

Lesersfoto’s Stuur vir ons jou foto's  ·  Stuur vir ons jou foto's

Vergeet van die volgende Mark Boucher, Quinton de Kock wil Suid-Afrika se éérste Adam Gilchrist wees. 


Dié 19-jarige paaltjiewagter is een van vier nuwelinge wat vandeesweek ingesluit is in die Protea-groep vir die T20-reeks teen Nieu-Seeland, wat Vrydag in Durban begin. 

Sy Lions-spanmaats Chris Morris en Aaron Phangiso en die Titans se Henry Davids is die ander “groentjies” wat hul internasionale buiging reeds op Kingsmead kan maak. 

De Kock sal die groot handskoene by AB de Villiers oorneem, nadat die Protea-keurders besluit het om dié 28-jarige Pretorianer spaarsamig aan te wend in die blitsreeks teen die Swartpette. 

De Villiers het ook die kapteinskap vir dié drie kragmetings afgestaan aan Faf du ­Plessis. 

“Dit was ’n baie groot verrassing om ingesluit te word en ek het dit glad nie verwag nie,” het De Kock vandeesweek aan Rapport gesê. 

“Ek was al vas aan die slaap toe Andrew Hudson (die nasionale keurderbaas) my gebel het en toe ek die foon neersit, was ek steeds nie heeltemal seker of ek net gedroom het nie. 

“Ek het toe maar verder geslaap en dit het eers werklik die volgende dag ingesink, met almal se boodskappe van gelukwensing.” 

De Kock se uithalervertonings vir sy Johannesburgse streekspan die afgelope seisoen het aan hom die ja-woord besorg – bó die gesoute Thami Tsolekile en ander sterk aanspraakmakers soos die Titans se Heino Kuhn en Dane Vilas van die Cobras. 

“Dis ’n groot eer om vir my land gekies te word, veral op so ’n jong ouderdom,” het De Kock, wat môre sy 20ste verjaardag vier, gesê. 

“Dis ’n baie lekker verjaarsdaggeskenk, maar nou lê die harde werk eers voor.” 

Hudson het vandeesweek gesê dié hotklou het die vermoë om uiteindelik ’n soortgelyke rol in die Suid-Afrikaanse toetsspan te vervul as wat Adam Gilchrist jare lank vir Australië gedoen het. Gilchrist (41) het in 96 toetse, 287 eendag- en 13 T20-wedstryde vir die Baggy Greens ’n amperse skrikbewind gevoer met die kolf, voor sy uittrede in 2008. 

“Ek het grootgeword met Mark Boucher in die Suid-Afrikaanse span en hy was vir baie lank ’n rots vir die Proteas,” het De Kock gesê. 

“Ek het egter my spel op dié van Gilchrist geskoei en ek probeer steeds soos hy kolf. 

“Daar sal nie weer ’n Mark Boucher wees nie, maar hopelik kan ek nou my kans gebruik om – soos hy – eendag ’n groot nalatenskap te laat.” 

Ondanks sy jeugdige ouderdom, meen dié babagesig hy sal nie oorweldig word op krieket se groot verhoog nie. 

“Dis ’n droom wat waar word om teen Nieu-Seeland en saam met ouens soos Faf, AB en Dale (Steyn) te speel, maar ek is nie iemand wat sommer deur groot name geïntimideer word nie. “Ek gaan ook niks verander aan my ingesteldheid óf die manier waarop ek speel nie. Dit het my gekry waar ek nou is en ek sal aanhou om myself te wees met die handskoene én met die kolf.” 


Lees Rapport se kommentaarbeleid

Lewer kommentaar op hierdie artikel
3 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 14-20°C Morning clouds. Mild. Pta: 6-22°C Sunny. Mild.
Jhb: 6-17°C Sunny. Mild. Bfn: 0-21°C Sunny. Mild.
Dbn: 10-24°C Partly cloudy. Mild. PE: 14-18°C More sun than clouds. Mild.
7-dag-voorspelling...

Betrekkinge - Vind jou droomwerk

Financial Adviser

Randburg
Sanlam Life Insurance Ltd
R10 000 - R50 000 Per Month

Electrical Engineer

Vanderbijlpark
True Talent Recruitment Solutions
R50 000 - R55 000 Per Month

Telesales Consultant

Table View - Parklands
Your Move Personnel
R6 000 - R6 500 Per Month

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Tablet Asus Nexus 7'' 3G met 32GB nou R1 999

Kry die Nexus 7”-tablet met Wifi & 3G vir slegs R1 999 en bespaar R500! Aanbod geldig solank voorraad beskikbaar is. Koop nou!

Plaas ’n voorafbestelling vir die Xbox One

Die vermaaksentrum wat jou alles-in-een bied – regstreekse TV, flieks, sosiale netwerke en speletjies. Plaas jou voorafbestelling nou!

Tot 50% afslag op haarsorgprodukte!

Bespaar tot 50% op professionele haarsorgprodukte by kalahari.com. Aanbod geldig solank voorraad beskikbaar is. Koop nou!

Nuwe e-boeke beskikbaar!

Maak jou gereed vir ’n lekker leeservaring wat e-boeke insluit soos Good Morning, Mr Mandela; Laaste dans, Drienie; Die brug na Haven en nog baie meer. Koop nou!

Hisense Infinity Prime-slimfoon

Bespaar R1 000 op die Hisense Infinity Prime 1-slimfoon. Nou R1 999. Aanbod geldig solank voorraad beskikbaar is. Koop nou!

Soos gesien op TV – Nuwe gobii-slimfone vanaf R999!

’n Kamera aan die voor- en agterkant, tweeledige SIM-verrigting en 200MB se GRATIS Cell C-data elke maand vir 12 maande, is maar net ’n paar van die eienskappe van dié slimfone. Kry joune nou! Koop hier.

Besoek www.kalahari.com vir miljoene boeke, musiek, DVD's, games & meer!