Dale boul arme Pakistan pê

2013-02-03 00:57

Dale Steyn in aksie tydens die wedstryd Suid Afrika teen Pakistan Eerste toets dag een. Wanderers Foto: Christiaan Kotze

Lesersfoto’s Stuur vir ons jou foto's  ·  Stuur vir ons jou foto's

Wat ’n Paki-slae is hierdie nie besig om te word nie.

En al medisyne wat daar vir Misbah-ul-Haq en sy Pakistani’s beskikbaar is, is ’n dubbele dosis Steyn vir hul pyn.

Gisteroggend was die besoekers daar uit die subkontinent nog stert in die lug, maar toe loop hulle hul vas in die Phalaborwa Express en soos handomkeer is die gang van hierdie eerste toets verander.

Met die sneltrein Dale Steyn, wat die merkwaardige syfers van 6/8 geneem het, is Pakistan (49) vir hul laagste toetstelling tot nog toe in die bietjie meer as 60 jaar wat hulle al toetskrieket speel, uitgehaal.

Skielik het die beskeie 253 wat Suid-Afrika in sy eerste beurt gekry het, baie blink vertoon en al kon Graeme Smith met ’n voorsprong van 204 lopies die opvolgbeurt afdwing, het hy dit nie gedoen nie.

Die sout is nog dieper in die wonde gevryf met die kolf en die 207/3 wat Suid-Afrika in sy tweede beurt het, het die voorsprong gerek na 411.

Die kans dat Pakistan daarby gaan uitkom, is omtrent so goed soos die Southern Kings s’n om die Super-reeks te wen.

Dit was ’n oggend wat jy moes ervaar om te kon glo.

As daar iemand op dié aardbol rondstap wat gewonder het hoekom Steyn nou eintlik die nommer een ter wêreld is, het hyself daardie antwoord verskaf.

Sommer in sy eerste boulbeurt van die oggend het hy Mohammad Hafeez (6) die eerste van AB de Villiers se ses slagoffers agter die paaltjies gemaak.

En hopelik is diegene wat Thami Tsolelike bo De Villiers in die groot handskoene wil sien, se monde nou ook eens en vir altyd gesnoer. AB was briljant en twee van sy duikende vangskote van wêreldgehalte.

Binne agt balle het Steyn drie keer toegeslaan om Pakistan 12/3 te hê.

Vir 48 aflewerings was dít die telling met oorlewing al waaraan die kolwers kon dink.

In sy eerste skof het Steyn 3 vir 8 in ses beurte geneem, maar sy tweede skof ná ete was nog meer indrukwekkend. Daar het hy 2.1 beurte afgestuur en nóg drie paaltjies geneem sonder om ’n lopie af te staan.

Slegs twee kolwers, Azhar Ali (13) en die kaptein, Misbah (12), kon dubbelsyfers kry.

Hul vennootskap was 24 lopies om die vierde paaltjie, en toe Azhar ’n haas onspeelbare bal van Jacques Kallis (2/11) in De Villiers se handskoene laat beland het, is die groot ineenstorting ingelui.

Die laaste sewe paaltjies het net 13 lopies opgelewer.

Misbah het ’n baie twyfelagtige beslissing teen hom gekry, met nie eens die gloeikol (hot­spot) wat met sekerheid kon sê of hy aan die bal geraak het nie.

Selfs De Villiers het nie agter die paaltjies geappelleer nie, maar nadat Billy Bowden hom nie uit gegee het, is dit verwys en die TV-skeidsregter, Steve Davis, het ná lang oorweging besluit om die beslissing te wysig. Dit was tot groot misnoeë van die Pakistan-afrigter, Dav Whatmore, wat soos ’n missiel uit sy stoel geskiet het.

Die sooibrand wat die etenstyd-telling van 40/7 die besoekers gegee het, het ’n veldbrand geword toe hulle in ’n japtrap ná ete heeltemal omgedop is.

Vir die res van die dag was lopies, eerder as paaltjies, aan die orde, met Smith (52), De Villiers (63*) en Hashim Amla (50*) wat die besoekers laat verlang het na Karatsji en La­hore.

Lees Rapport se kommentaarbeleid

Lewer kommentaar op hierdie artikel
2 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 14-21°C High level clouds. Mild. Pta: 11-30°C Sunny. Pleasantly warm.
Jhb: 12-26°C Sunny. Pleasantly warm. Bfn: 13-31°C High level clouds. Pleasantly warm.
Dbn: 15-28°C High level clouds. Warm. PE: 13-21°C Afternoon clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!