Smith uit

Kaapstad – Die Proteas se aanvangskolwer Graeme Smith is uit die twintig20-span weggelaat vir Suid-Afrika se reeks teen Nieu-Seeland.

Intussen is die Cape Cobras se Justin Ontong vir sy briljante spel in die Supersport-reeks en plaaslike eendagbeker beloon met 'n plek in die die Proteas se eendag- én t20-span.

Krieket SA (KSA) het Woensdag die spanne vir Februarie se toer na Nieu-Seeland bekendgemaak. Die toer bestaan uit drie toetse, drie eendag en drie t20-wedstryde.

Nog 'n Cobras-speler, Richard Levi, is gekies om saam met Hashim Amla die aanvangskolwer in die t20-span te wees.

Jacques Kallis en Dale Steyn sal kans kry om te rus tydens die t20-wedstryde, maar speel wel in die toets en eendag-reeks.

Proteas se toetsspan:

Graeme Smith (Cape Cobras, kaptein), AB de Villiers (Titans), Hashim Amla (Dolphins), Mark Boucher (Cape Cobras), Marchant de Lange (Titans), JP Duminy (Cape Cobras), Imran Tahir (Dolphins), Jacques Kallis (Cape Cobras), Morne Morkel (Titans), Alviro Petersen (Highveld Lions), Robin Peterson (Cape Cobras), Vernon Philander (Cape Cobras), Jacques Rudolph (Titans), Dale Steyn (Cape Cobras), Lonwabo Tsotsobe (Warriors)

Proteas se eendagspan:

AB de Villiers (Titans, kaptein), Hashim Amla (Dolphins), Johan Botha (Warriors), JP Duminy (Cape Cobras), Faf du Plessis (Titans), Jacques Kallis (Cape Cobras), Albie Morkel (Titans), Morne Morkel (Titans), Justin Ontong (Cape Cobras), Wayne Parnell (Warriors), Robin Peterson (Cape Cobras), Graeme Smith (Cape Cobras), Dale Steyn (Cape Cobras), Lonwabo Tsotsobe (Warriors)

Proteas se t20-span:

AB de Villiers (Titans, kaptein), Hashim Amla (Dolphins), Johan Botha (Warriors), Marchant de Lange (Titans), JP Duminy (Cape Cobras), Colin Ingram (Warriors), Richard Levi (Cape Cobras), Albie Morkel (Titans), Morne Morkel (Titans), Justin Ontong (Cape Cobras), Wayne Parnell (Warriors), Robin Peterson (Cape Cobras), Rusty Theron (Warriors), Lonwabo Tsotsobe (Warriors)

* Volg Rapport op Twitter en Facebook