Blikore, Leeus op wenpad

Kempton Park. – Die seëvieriende Jong Leeus moes gister 52 minute wag om hul eerste drie te druk en sodoende ’n rustyd-agterstand van 3-6 teen die Valke hier in hul Vodacombeker-wedstryd uit te wis.

Die Leeus het uiteindelik vyf drieë gedruk in hul sege van 34-13 oor die Valke.

Die wedstryd het nooit hoë hoogtes bereik nie, maar vir die wenspan het Justin Wheeler (flank) en Shandré Frolick (heelagter) wel uitgetroon.

* Punte:

Jong Leeus 34 (3): Drieë:Chris Jonck, Johan van Deventer, Justin Wheeler, Wigan Pekeur, Jannie Boshoff. Doelskoppe:Ruan Boshoff, Jonck (2).Strafdoel:Ruan Boshoff.

Valke 13 (6): Drie:Nico Engelbrecht.Doelskop: Jacques George.Strafdoele:Dean Anderson (2).– Pieter Jordaan

;In Bloemfontein het die Vrystaat gister die Boland in die laaste tien minute van hul Vodacombeker-kragmeting getroef om hul kragmeting met 37-29 te beklink.

’n Drie deur die slot Rudi Mathee sewe minute voor die einde en ’n strafdoel deur Louis Strydom (plaasvervanger-losskakel) in die doodsnikke was genoeg om die besoekers van enige ligapunte te ontneem.

Die Boland lyk na ’n span wat vanjaar ’n krag gaan wees en dit gaan nie maklik wees om hulle op hul tuisveld in Wellington te klop nie.

Die Vrystaat het veral in die eerste helfte gevaarlik gelyk wanneer Ashley Johnson (agtsteman) en sy agterlyn aan die hardloop gegaan het, maar afronding het hulle in die steek gelaat.

Die tuisspan kon makliker baas gewees het indien hulle ’n betroubare stelskopper gehad het. Tussen Sias Ebersohn (losskakel), George Whitehead (heelagter) en Strydom het hulle 16 punte verbrou.

* Punte:

Vrystaat: 37 (19) Drieë: Ashley Johnson, Skipper Badenhorst (2), Rudi Mathee. Doelskoppe: George Whitehead. Strafdoele: Whitehead (3), Louis Strydom (2).

Boland: 29 (9) Drieë: PJ Vermeulen, Jaquin Jansen. Doelskoppe: Dean Grant (2). Strafdoele: Grant (5). – Jóhann Thormählen

- Rapport