Beserings ry Bulle

2013-02-24 07:32

Pierre Spies, kaptein van die Bulle, probeer vergeefs om ’n afskop te bemeester in sy span se sege oor die Stormers op Loftus Versfeld. | Foto: Duif du Toit/Gallo

Lesersfoto’s Stuur vir ons jou foto's  ·  Stuur vir ons jou foto's

Diepte dié het hulle. En daarin sal die Bulle moontlik al in die komende week moet delf.

Só sê Frans Ludeke, hoof­afrigter van die seëvierende Bul-span, wat die Stormers Vrydag-aand op Loftus Versfeld met 25-17 (rustyd 9-0) geklop het.

Dít was albei spanne se eerste Superrugby-wedstryd vanjaar, en met Morné Steyn aan die spits het die tuisspan die erg teleurstellende Kaapse besoekers op hul herrie gegee.

Maar daar is ’n paar skeetbekommernisse ná hierdie fisieke wedstryd, waarin Ludeke meen verdediging aan iedere kant die oorheersende faktor was.

Dewald Potgieter (mediale knieligament), Werner Kruger (enkel) en JJ Engelbrecht (heupspier) is reeds voor rustyd van die veld af, maar ook Deon Stegmann (dyspier) het na dese bietjie pyn ervaar.

“Dit is te vroeg om te sê of hierdie spelers uit is, want jy sit gewoonlik vir die eerste twee dae met bloeding en swelling,” het Ludeke gister gesê. “Maar ons het baie diepte en dit kan dalk nodig wees dat ek reeds in die tweede ronde, teen die Force, op daardie knoppie druk.”

Potgieter is Vrydag deur Arno Botha vervang en het saam met Pierre Spies en Stegmann ’n bedrewe lostrio gevorm. Ludeke glo ook Jacques Potgieter se liesbesering behoort tot die verlede en hy kan die span aanvul.

Voorts behoort Akona Ndungane (enkel) Saterdag teen die Force te kan speel. En as hy reg is, sal Lionel Mapoe waarskynlik in sy voorkeurposisie van buitesenter uitdraf en Swys Venter van die bank af speel.

Die Bulle het dus meer as genoeg spelers van gehalte om moontlike gate te vul. En boonop het die span heelwat selfvertroue ná ’n werklik knap wedstryd teen die Stormers.

Steyn het ’n goeie taktiese wedstryd gespeel en die Kapenaars in hul eie gebied vasgepen. Hy het ook met al sy skoppe pale toe geslaag, terwyl Elton Jantjies vier strafdoele gemis en ewe twyfelagtig verdedig het.

“Albei spanne het kanse in goeie dele van die veld geskep,” meen Ludeke. “Maar nie een kon daardie kanse werklik in punte omsit nie. Die groot verskil was die stelskoppers. Morné was akkuraat en het vir ons deurgaans ’n buffer opgebou.

“Daar was voor die tyd soveel op die spel vir ons, en hierdie goeie begin is werklik wonderlik vir ons selfvertroue.”

Sy eweknie, Allister Coetzee, was agterna gefrustreerd met die Stormers. En hoewel hy sy spelers se aanvanklike senuweeagtigheid as ’n oorsaak vir van hul legio ongedwonge foute genoem het, het hy die eerste helfte as “vernederend” bestempel.

Onder andere het nie een van sy Leeu-spelers – Jaco Taute, Jantjies en Pat Cilliers – hul primêre take goed uitgevoer nie. En met Jantjies se swak skopwerk het die Stormers ’n groot deel van hul eie swarigheid geskep.

Daar is sprake dat Peter Grant hom reeds môre by die Stormers kan aansluit en Saterdag in Durban teen die Haaie van die skopkegel af verligting kan bring. Dis egter onwaarskynlik, aangesien hy vandag vir die Kabelco Steelers in die eindstryd van die All Japan-toernooi moet diens doen.

* Punte: Bulle 25 (9): Drie: Chiliboy Ralepelle. Doelskop: Morné Steyn. Strafdoele: Steyn (6).

Stormers 17 (0): Drieë: Jean de Villiers, Andries Bekker. Doelskoppe: Joe Pietersen (2). Strafdoel: Pietersen.

Lees Rapport se kommentaarbeleid

Lewer kommentaar op hierdie artikel
19 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 12-20°C Sunny. Mild. Pta: 6-23°C Sunny. Mild.
Jhb: 4-18°C Sunny. Mild. Bfn: 3-22°C Sunny. Mild.
Dbn: 10-25°C Sunny. Mild. PE: 15-26°C Sunny. Warm.
7-dag-voorspelling...

Betrekkinge - Vind jou droomwerk

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!