Haaitenk toe!

2012-10-20 23:33

Die Leeu Andries Coetzee word deur die WP-skrumskakel Nic Groom omgedop. Foto: Felix Dlangamandla

Lesersfoto’s Stuur vir ons jou foto's  ·  Stuur vir ons jou foto's

Losskakel of heelagter?

Dít is vandag nog die luierende vraag oor Patrick Lambie, maar eintlik een wat hy al in die Curriebeker-eindstryd van 2010 met eersgenoemde beantwoord het. Asook gisteraand. En waarskynlik weer volgende week.

Die Haaie het die Blou Bulle gisteraand hier op Kingspark in die eerste halfeindronde met 20-3 geklop en daarmee tot hul derde agtereenvolgende Curriebeker-eindstryd deurgedring. Met aanstaande week s’n inkluis is twee daarvan tuis.

Hulle sal Saterdag om 17:00 teen die Westelike Provinsie uitdraf in ’n herhaling van die eindstryd van 2010 – een wat die Haaie met 30-10 gewen het en waarin Lambie 25 punte aangeteken het.

Terug in die hede het die Kapenaars hul plek in die eindstryd bespreek toe Duane Vermeulen die verdedigende kampioen, die Goue Leeus, se hart gisteraand op Coca-Colapark so saam met die toeter met ’n vyfpunter gebreek het, wat die WP ’n sege van 21-16 besorg het.

Die Streeptruie het die Curriebeker in 2001 laas omhoog gehou, en dit sal geen geringe poging verg om die onaangenaamheid sedertdien oor ses dae uit te wis nie.

Dit nadat Lambie gisteraand weereens in die nommer 10-trui uitgeblink en 15 van die Haaie se 20 punte aangeteken het. Hy het die Bulle se Bok-losskakel, Morné Steyn, in elke faset van losskakelspel oorskadu en dít in uiters onplesierige weerstoestande.

Dié kêrel is duidelik vir die groot oomblik aanmekaar gesit, soos wat hy ook in 2010 gewys het toe Willem de Waal vooraf as die Streeptruie se ridder op ’n gestreepte perd beskou is, maar eindelik deur Lambie tot net nog ’n losskakel gereduseer is.

Wat aanstaande week se ontmoeting betref, moet ’n mens hoop dat kaarte nie weer so ’n groot rol gaan speel soos in hul twee liga-ontmoetings vanjaar nie.

Die WP het hul eerste wedstryd op Nuweland met 23-25 verloor, selfs al het Jacques Botes in 10 van die laaste 13 minute tyd vir ’n geelkaart uitgedien.

En in die volgende wedstryd hier in Durban het die Haaie met 43-27 gewen – dit was nou daardie wedstryd waarin die WP vir ’n wyle weens ’n appelswaaiery met 12 spelers moes klaarkom.

Wat die breiers betref, is John Plumtree van die Haaie ’n man wat al vier keer uit die Curriebeker geteug het – in 1990 en 1996 as ’n speler en in 2008 en 2010 as afrigter. Hy het gisteraand gesê hierdie is ’n jaar wat hy nog lank sal onthou, want benewens die Curriebeker-eindstryd het die Sharks vanjaar ook in die Superrugby-eindstryd gespeel.

Hy wéét dus hoe om heel pad te gaan. Maar dat hy die Super-eindstryd en verlede jaar se Curriebeker-eindstryd in Johannesburg verloor het, sal dalk ietwat by hom en sy span spook.

Allister Coetzee het wel vanjaar ’n vars aanvallende dimensie na die WP se spel gebring, wat hulle ’n meer afgeronde span maak as die een wat in 2010 hier besoek afgelê het. Dalk net is hierdie die Streeptruie se kans. Maar die Haaie wys sover lelik tande.

Lees Rapport se kommentaarbeleid

Lewer kommentaar op hierdie artikel
30 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 12-18°C Sunny. Mild. Pta: 3-21°C Sunny. Mild.
Jhb: 3-15°C Sunny. Refreshingly cool. Bfn: 0-16°C Morning clouds. Refreshingly cool.
Dbn: 9-22°C Broken clouds. Mild. PE: 9-18°C Showers late. More sun than clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

Bespaar tot R2000 op die gewildste elektroniese ware

Kry elke dag besparings wat jou kop sal wegblaas op die gewildste elektroniese ware. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!