Heyneke skommel

2012-09-01 23:52

Ruan Pienaar agter die skrum vir die Bokke met Francois Hougaard op vleuel – én ’n nuwe agtsteman in Duane Vermeulen om die span meer slaankrag te gee.

Dít is die waarskynlike skuiwe wat die Springbok-afrigter, Heyneke Meyer, vandeesweek aan sy begin-vyftiental gaan maak vir Saterdag se Rugby-kampioenskaptoets in Perth teen Australië.

Die Bokke het gisteraand na Australasië vertrek vir hul twee weg-toetse teen die Wallabies en die All Blacks, met die wete dat twee nederlae die einde van hul drome van sukses in die nuwe Rugby-kampioenskapreeks sal beteken.

Die Springbokke is die afgelope week kwaai gekritiseer, nadat hulle verlede Saterdag in Mendoza gelykop teen Argentinië gespeel het.

Veral die skakelpaar van Hougaard en Morné Steyn het kwaai onder die tonge van kenners deurgeloop, terwyl Meyer se spelpatroon ook hewig gekritiseer is.

Meyer het gister voor die Springbokke se vertrek oorsee aan Sport24 gesê hy en die span glo aan hul spelpatroon, maar het dit teen die Argentyne nie effektief en perfek uitgevoer nie. Die Bokke se afronding was ook nie goed nie.

“Ons het die afgelope week hard gewerk om dit reg te stel en vertrek met vertroue oorsee.

“Die toetse teen die Wallabies en All Blacks gaan egter ’n reuse karakter-toets vir almal in die span wees – en ek sal daarna ’n beter prentjie hê van watter spelers goed genoeg is om op toetsvlak te presteer. Dit is nou die tyd vir die spelers om te wys wie kán en wie kan nie,” het Meyer gesê.

Die Bok-breier wou nie gister enigiets oor moontlike veranderinge aan die span verklap nie, maar uit die Bokke se oefensessie was dit duidelik dat Pienaar geoormerk is om Saterdag in Hougaard se plek agter die skrum vir die Bokke diens te doen.

Hougaard sal dan op vleuel uitdraf.

Met Pienaar op nr.?9 tydens die oefensessie, was daar veel meer vloei in die agterlyn.

Dié veteraan van 56 toetse se taktiese skopwerk is ook veel beter as dié van Hougaard, wat ’n baie meer aanvallende speler is en straks vir die Bokke meer werd sal wees op die punt.

Die nuweling Johan Goosen het in die oefening ook heel tuis op losskakel gelyk – en dit sal geen verrassing wees indien hy Saterdag op die bank is nie.

Al wat hom van die plaasvervangerbank kan hou, is Meyer se oorweging om vyf reserwe-voorspelers pleks van die gebruiklike vier te kies. In daardie geval sal die Bokke net twee agterspelers kan kies, met die keuse wat dan tussen Pat Lambie en Goosen sal val.

Voorlangs lyk dit na ’n uitgemaakte saak dat die Stormers-agtsteman Duan Vermeulen sy langverwagte debuut vir die Springbokke sal maak.

Sy insluiting sal meebring dat Willem Alberts terug na sewe-flank sal skuif in Jacques Potgieter se plek.

Potgieter kan hom saam met Francois Louw op die plaasvervangerbank bevind, sou Meyer op vyf reserwe-voorspelers besluit.

Louw sluit hom môre vanuit Engeland by die Bokke in Perth aan en Meyer wil eers met hom gesels voor hy finaal oor die samestelling van die Bokke se begin-vyftiental en plaasvervangers besluit.

Lees Rapport se kommentaar beleid

Lewer kommentaar op hierdie artikel
56 reaksies
Kommentaar is gesluit vir hierdie artikel

binne rapport

Weer
Ksd: 13-20°C Sunny. Mild. Pta: 10-23°C Sunny. Mild.
Jhb: 8-17°C Sunny. Mild. Bfn: 7-16°C Sunny. Cool.
Dbn: 17-24°C Rain late. Morning clouds. Mild. PE: 12-19°C Heavy rain. Morning clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Spesiale aanbiedinge vir Moedersdag!

Bederf Ma met dié ongelooflike spesiale aanbiedinge wat haar hart sal laat vermurwe. Koop nou!

Parfuumwinskopies vir Moedersdag!

Bederf Ma met spesiale parfuumwinskopies en geskenkpakke vir Moedersdag. Aanbod geldig solank voorraad beskikbaar is. Koop nou!

Oefen sonder dat dit ’n plaas se prys kos

Tot 30% afslag op alle toerusting vir joga, om jou fiksheid te verbeter en jou spiere sterker te maak. Aanbod geldig solank voorraad beskikbaar is. Koop nou!

RYOBI-gereedskap

Gee uiting aan jou innerlike DDS-geesdrif met RYOBI-gereedskap. Koop nou!

Spesiale aanbiedinge vir Moedersdag!

Bederf Ma met dié ongelooflike spesiale aanbiedinge wat haar hart sal laat vermurwe. Koop nou!

Besoek www.kalahari.com vir miljoene boeke, musiek, DVD's, games & meer!