Hier’s ons eie Sonny ‘Bul’!

2013-02-03 00:57

Noem hom dan Sonny Bul Serfontein. Of as jy wil, sommer net gewoonweg “Jan”.

Jan Serfontein is nog nie 20 jaar oud nie, maar het gister in die Bulle se Gautengbeker-stryd in die Orlando-stadion teen die Leeus gewys hy en Super-rugby is nou al reg vir mekaar.

Vanoggend jeuk Frans Ludeke seker van kop tot toon om Serfontein oor drie weke uit die staanspoor in Super-rugby in die Bulle se beginspan te kies.

Want gister was dié Jong Bokkie-held ’n uitblinker en nog meer in ’n melkbaard Bulle-span.

Terloops, die telling was 38-32 in die Bulle se guns, die Leeus het weer heerlike positiewe rugby gespeel en oor die algemeen was dié voorseisoense buurmanstryd ’n plesier om te aanskou.

Maar as jy jou weer kom kry, het jou oog vir Serfontein begin volg.

Grant Hattingh se drie vir die Bulle in die eerste helfte is deur ’n Serfontein-aangee uit ’n duikslag moontlik gemaak, waaragtig Sonny Bill-agtig.

Dit was een van Serfontein se beste eienskappe: hy het die bal klokslag lewendig gehou.

Dit het met tye gevoel ons sit hier met ’n jong Danie Gerber-reïnkarnasie.

Goed, vir eers weg van dié kolligdief af, ons gaan in elk geval nog baie oor hom skryf. Vir Ludeke sou gister se losmaker geslaagd gewees het.

Hy wou kyk hoe sy diepte lyk en die antwoord was ongetwyfeld “vars en gesond”.

As Serfontein ’n Sonny Bill is, dan kan die rowwe jong flank Jean Cook seker die nuwe Wit Buffel wees, à la die man saam met wie Williams eersdaags in die bokskryt klim.

Die agterspelers Lionel ­Mapoe, Sampie Mastriet en Jürgen Visser gaan almal heel duidelik sterk aanspraak op ’n plek in die beginspan maak.

En toe Serfontein se Jong Bokkie-maat, Handré Pollard, later ’n heel doeltreffende Tian Schoeman op losskakel vervang, kon jy omtrent die gehalte uit hom sien straal.

Die Bulle se “B-span” was gister slegs vir ’n kort gedeelte in die tweede helfte op die telbord agter, maar origens doeltreffend in beheer.

Oor die nederlaag hoef die Leeus nie sleg te voel nie.

Selfs vir dié span was daar vier drieë en volop tekens van goeie dinge wat kom, beskore, al gaan hulle dié dinge nie in Super-rugby kan wys nie.

Gister was dit veral die agterspelers Anthony Volmink en Andries Coetzee en voorlangs iemand soos die flank Jaco Kriel wat indruk gemaak het.

Kom ons sê dit maar: Die Southern Kings sou ’n beter span met spelers soos dié daarin gewees het. Of kom ons kyk, want die Leeus speel volgende week mos juis téén die Kings.

* Punte: Bulle 38 (22):Drieë: Jan Serfontein, Jürgen Visser (2), Grant Hattingh. Doelskoppe: Tian Schoeman (2), Handré Pollard. Strafdoele: Schoeman (3), Pollard.
Leeus 32 (17): Drieë: Franco ­Mostert, Jaco Kriel (2), Anthony Volmink. Doelskoppe: Marnitz Boshoff (3). Strafdoel: Boshoff. Skepdoel: Boshoff.

Lees Rapport se kommentaarbeleid

Lewer kommentaar op hierdie artikel
14 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 14-18°C Sunny. Mild. Pta: 12-27°C Sunny. Pleasantly warm.
Jhb: 9-22°C Sunny. Mild. Bfn: 12-26°C Morning clouds. Pleasantly warm.
Dbn: 15-28°C High level clouds. Warm. PE: 17-26°C Rain late. Afternoon clouds. Warm.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!