Lambie 28, Kiwi's 16

2012-05-05 23:26

’n Duidelik verheugde Patrick Lambie druk gister in Durban sy drie teen die Highlanders. | Foto: Christiaan Kotze

Lesersfoto’s Stuur vir ons jou foto's  ·  Stuur vir ons jou foto's

Noem hom sommmer Lambie, die Kiwi-slagter.

Met sy babagesiggie lyk die 21-jarige Patrick Lambie so mak soos ’n lammetjie, maar die Highlanders het gisteraand ervaar hy is ’n witdoodhaai met sulke woeste slagtande.

Met sy dodelike skopskoen het hy hulle gister keer op keer laat betaal vir hul oortredings en hulle gesink deur al die tuisspan se punte aan te teken met ’n drie, ’n doelskop en sewe strafdoele.

Jy sukkel egter om hierdie klomp Sharks te verstaan. Toe die veld kurkdroog was en toestande vir aanval op sy beste was, het hulle met ’n oormaat foute nooit gelyk of hulle kan drieë druk nie.

Toe die reën egter in die tweede helfte begin uitsak en hantering moeilik moes wees, het hulle skielik vlamgevat. Dit was in die reën dat Charl McLeod die bal vorentoe geskop het, die Highlanders dit naby die doellyn ’n koekie seep gevind het om te hanteer en Lambie dit kon toeval vir die rariteit van ’n drie vir die Sharks.

Dis nou seker met die witbrood onder die arm kla, want ’n wen in hierdie kompetisie is ’n wen, maar ai, dit was ’n bleddie lelike wen en een wat beslis nie vertroue inboesem dat die Sharks daar gaan wees wanneer die uitspeelstryde plaasvind nie.

Die eerste 40 minute was besaai met foute aan beide kante en daar was nie regtig enige vloei aan die spel nie.

Die enigste punte het gekom deur stelskoppe, met Lambie wat net voor daar kante geruil is die Sharks se voorsprong tot ses punte (15-9) gerek het met sy vyfde strafdoel.

Sommer al van die eerste paar inskoppe het die Sharks telkens gebrou en besit verlore laat gaan.

Selfs die Highlanders het half lusteloos voorgekom en nie die deurdringingsvermoë getoon wat nou al ’n handelsmerk van hulle geword het nie.

Met tye het die heelagter, Ben Smith, wel met oorgawe in die lyn ingesny, maar stewige verdediging deur die Sharks het hom aan bande gelê.

Die skeidsregter, Steve Walsh, se geduld het in die 32ste minuut opgeraak met die Sharks en Jacques Botes was die een wat tien minute langs die kantlyn moes gaan sit vir nóg ’n oortreding waar van die kant af ingedons is by ’n losskrum.

Behalwe vir die drie punte wat afgestaan is met daardie oortreding, was daar darem nie enige verdere skade vir die Sharks in die tydperk wat hulle net met 14 spelers moes klaarkom nie.

Ná rustyd was die Highlanders ’n perd van ’n ander kleur en het hulle al meer gapings in die Sharks se verdediging gevind.

Hul volgehoue druk is nege minute ná die hervatting beloon toe die plaasvervanger Kurt Baker naby die hoekvlag oor is. Delany se doelskop het die besoekers die eerste keer in die wedstryd die voortou laat neem.

Lees Rapport se kommentaarbeleid

Lewer kommentaar op hierdie artikel
12 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 14-18°C Sunny. Mild. Pta: 4-22°C Sunny. Mild.
Jhb: 6-17°C Sunny. Mild. Bfn: 4-22°C Sunny. Mild.
Dbn: 14-25°C Morning clouds. Mild. PE: 14-24°C Sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Tablet Asus Nexus 7'' 3G met 32GB nou R1 999

Kry die Nexus 7”-tablet met Wifi & 3G vir slegs R1 999 en bespaar R500! Aanbod geldig solank voorraad beskikbaar is. Koop nou!

Plaas ’n voorafbestelling vir die Xbox One

Die vermaaksentrum wat jou alles-in-een bied – regstreekse TV, flieks, sosiale netwerke en speletjies. Plaas jou voorafbestelling nou!

Tot 50% afslag op haarsorgprodukte!

Bespaar tot 50% op professionele haarsorgprodukte by kalahari.com. Aanbod geldig solank voorraad beskikbaar is. Koop nou!

Nuwe e-boeke beskikbaar!

Maak jou gereed vir ’n lekker leeservaring wat e-boeke insluit soos Good Morning, Mr Mandela; Laaste dans, Drienie; Die brug na Haven en nog baie meer. Koop nou!

Hisense Infinity Prime-slimfoon

Bespaar R1 000 op die Hisense Infinity Prime 1-slimfoon. Nou R1 999. Aanbod geldig solank voorraad beskikbaar is. Koop nou!

Soos gesien op TV – Nuwe gobii-slimfone vanaf R999!

’n Kamera aan die voor- en agterkant, tweeledige SIM-verrigting en 200MB se GRATIS Cell C-data elke maand vir 12 maande, is maar net ’n paar van die eienskappe van dié slimfone. Kry joune nou! Koop hier.

Besoek www.kalahari.com vir miljoene boeke, musiek, DVD's, games & meer!