Nuweland toe!

2012-07-22 00:04

Louis Ludik seil gister in Brisbane onder die Reds se Mike Harris in. Op die INLASFOTO BO REGS kan Beast Mtiwarira kwalik sy vreugde beteuel, nadat die Sharks die Australiërs in dié uitspeelwedstryd in die Super-reeks maklik met 30-17 afgestof het. F

Lesersfoto’s Stuur vir ons jou foto's  ·  Stuur vir ons jou foto's

As jy die afgelope week die Queenslandse media moes glo, hoef die Reds gister net opgedaag het by die Suncorp-stadion in Brisbane om na Superrugby se halfeindronde deur te dring.

Daar was egter die kwessie van die Sharks wat in hul pad was – en die kampioen is bra onseremonieel uitgeknikker, met die besoekers se oorwinning van 30-17 selfs effens vleiend vir die Reds.

Twee dinge het enige kans van ’n Reds-oorwinning in die wiele gery – en die eerste hiervan was die besoekers se pak voorspelers. Op hul stukke het die Sharks-voorspelers soveel byt soos enige ander agttal op aarde en gister was hulle omgesukkeld en het hulle verseker die Natallers reis dié week Nuweland toe vir een van die halfeind-kragmetings.

Die skuif van Willem Alberts na slot het gewerk. Hy het die bal dikwels gedra, maar die skitterendste vaste voorspeler in dié verband was weer Bismarck du Plessis, wat sy gebruiklik ongenaakbare vertoning gister gegarneer het met twee of drie stukkies verbysterende vernuf.

Met Alberts op slot, kon die Sharks-lostrio van die afgelope paar weke – Keegan Daniel, Marcell Coetzee en Ryan Kankowski – hul ding met selfs méér oorgawe doen.

Coetzee verdien weer uitsondering. Sy oënskynlik onuitputlike energie is stellig sy grootste gawe – en dis g’n wonder sy naam pryk naby die bokant van soveel Super-statistieke nie.

Die besoekers het haastig ’n 10 punt-kussing opgebou en dit vir die volgende uur en ’n bietjie behou. Hul aanvanklike momentum het egter stukrag gekry deurdat Ben Lucas, wat die geskorste Quade Cooper op losskakel vervang het vir die Reds, beseer van die veld is.

Lucas was nie watwaffers nie, maar sy besering het die Aussies gedwing om hul skrumskakel en kaptein, Will Genia, losskakel toe te skuif. Dít het gemaak dat die Reds nie net hul voorste losskakel nie, maar ook hul voorste skrumskakel moes ontbeer.

Hulle het egter nie tou opgegooi nie. Scott Higginbotham het sy hart uitgespeel en Genia was deurgaans gevaarlik, maar die Sharks kon vroeg al effens voet van die pedaal af haal en hul gô begin bêre vir hul Nuweland-afspraak.

Die Reds het laat in die eerste helfte hul stryk begin herwin en die Suid-Afrikaners onder druk begin plaas.

Maar die 10?punt-kussing was altyd veilig – en die tuisspan moes ál hoe haastiger word indien hulle die bordjies in die tweede helfte wou verhang.

Die Sharks-voorspelers het hulle egter drie-drie besig gehou by die afbreekpunt en hul spanmaats in staat gestel om teen die voordeellyn af te sprei. Die Reds moes hulle naderhand op gewaagde aangeë beroep – en hulle was gelukkig dat net Charl McLeod se onderskepping op ’n drie uitgeloop het.

Maar dié drie – ná ’n raps meer as ’n driekwartier – was hul doodsteek. Hierna het die besoekers geduldig verdedig en eers ná die toeter kon Radike Samo deurbars vir niks meer as effens meer respek op die telbord nie.

Lees Rapport se kommentaar beleid

Lewer kommentaar op hierdie artikel
24 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 10-21°C High level clouds. Mild. Pta: 8-22°C Sunny. Mild.
Jhb: 5-17°C Sunny. Mild. Bfn: 4-16°C Sunny. Cool.
Dbn: 14-23°C Morning clouds. Mild. PE: 11-23°C High level clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Spesiale aanbiedinge vir Moedersdag!

Bederf Ma met dié ongelooflike spesiale aanbiedinge wat haar hart sal laat vermurwe. Koop nou!

Parfuumwinskopies vir Moedersdag!

Bederf Ma met spesiale parfuumwinskopies en geskenkpakke vir Moedersdag. Aanbod geldig solank voorraad beskikbaar is. Koop nou!

Oefen sonder dat dit ’n plaas se prys kos

Tot 30% afslag op alle toerusting vir joga, om jou fiksheid te verbeter en jou spiere sterker te maak. Aanbod geldig solank voorraad beskikbaar is. Koop nou!

RYOBI-gereedskap

Gee uiting aan jou innerlike DDS-geesdrif met RYOBI-gereedskap. Koop nou!

Gewilde nuwe flieks

Frozen, The Hobbit: The Desolation of Smaug, Thor: The Dark World, Leon Schuster: Schuks! Your Country Needs You en nog baie meer. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!