Omgedop!

2012-10-07 00:28

Willie le Roux word gister platgetrek deur JC Janse van Rensburg en Cobus Grobbelaar (regs). | Foto: Emile Hendricks

Lesersfoto’s Stuur vir ons jou foto's  ·  Stuur vir ons jou foto's

Griekwas is terug in die Curriebeker-wedloop, nadat hulle gister hier op GWK-park met 37-21 die Goue Leeus se snorbaarde gepluk het.

In wat sekerlik hul beste vertoning in die kompetisie was, het die Noord-Kapenaars ’n vroeë agterstand van 0-15 omgeswaai en uiteindelik vier drieë vir daardie broodnodige bonuspunt gaan druk.

Dit was maar ’n flouerige gebrul deur die Leeus, wat vandeesweek ’n bietjie selfondersoek moet gaan doen nadat hulle in die hek geduik het teen ’n span wat as relegasie-kandidaat gebrandmerk is.

Die Blou Bulle is die Rooibontes se voorland volgende week – en daardie tuis-halfeindstryd kan dalk net in die slag bly as hulle met dieselfde spel as teen Griekwas vorendag kom.

Daar was heelparty goeie oomblikke vir die Leeus – en met die flank Cobus Grobbelaar en slot Michael Rhodes se drieë in die eerste helfte is daar gegis dat hierdie net nóg ’n struikelblok sou wees wat die verdedigende kampioen sal oorkom. Toe nie.

In wat ’n mengsel was van goeie aanvallende spel, goeie verdediging en uithou-vermoë deur Griekwas, en ongedwonge foute en verkeerde besluite op kritieke tye deur die Leeus, is die besoekers in die tweede helfte van die veld gespeel.

’n Enkele strafdoel deur die losskakel Butch James was hul enigste punte in die laaste 40 minute.

Die Leeus sou rustyd reeds gebrom het dat hulle Griekwas toegelaat het om van 0-15 na 14-18 terug te kom danksy drieë deur Lourens Adriaanse (stut) en die agtsteman, Leon Karemaker.

Maar as daar harde woorde rustyd in die Rooibontes se kleedkamer geval het, was hul afrigter, Johan Ackerman, met die eindfluitjie seker naby aan ‘n hartaanval.

Die besoekers het nie antwoorde gehad vir alles wat Griekwas in die tweede helfte opgedis het nie.

Die besoekers het probeer slim speel deur die bal rond te gooi of steekskoppies te gee, maar het meestal besit afgestaan, ’n fatale fout teen die briljantheid van spelers soos die losskakel Francois Brummer, heelagter Willie le Roux en vleuel Rocco Jansen.

Dit was Jansen wat twee keer gaan druk het om die besoekers met die kous oor die kop huistoe te stuur, een daarvan van ’n Le Roux-steekskoppie af.

* Punte:
Griekwas 37 (14): Drieë: Lourens Adriaanse, Leon Karemaker, Rocco Jansen (2). Doelskoppe: Francois Brummer (4). Strafdoele: Francois Brummer (3).
Goue Leeus 21 (18): Drieë: Cobus Grobbelaar, Michael Rhodes. Doelskop: Butch James. Strafdoele: Butch James (3).

Lees Rapport se kommentaarbeleid

Lewer kommentaar op hierdie artikel
1 reaksie
Lewer kommentaar
Kommentaar 0 oorblywende karakters

binne rapport

Weer
Ksd: 11-18°C Sunny. Mild. Pta: 11-24°C Rain late. Partly cloudy. Mild.
Jhb: 7-20°C Showery. More sun than clouds. Mild. Bfn: 0-23°C Sunny. Mild.
Dbn: 14-20°C More sun than clouds. Cool. PE: 8-19°C Morning clouds. Mild.
7-dag-voorspelling...

Betrekkinge - Vind jou droomwerk

Trading Support Analyst

Johannesburg
HR Solutions for Tomorrow (Pty) Ltd
R16 000 - R18 000 Per Month

General Worker

Roodepoort
Strictly Business Recruitment
R100 Per Day

Technical Manager

Pretoria
Recruitment Mecca

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!