Poemas verras vriend en vyand

2012-09-09 01:27

Ma’a Nonu word gister deur drie Poemas omsingel. | Foto: SANDRA MU/GETTY IMAGES

Lesersfoto’s Stuur vir ons jou foto's  ·  Stuur vir ons jou foto's

Dis wonderlik wat geleenthede en ’n klein bietjie samespel aan ’n span kan doen: die Poemas moes gister in Wellington weliswaar die knie teen die All Blacks buig, maar alle vrese dat Argentinië die Rugby-kampioenskap sal verswak, is die nek ingeslaan met ’n hardekwas-vertoning wat vriend en vyand verras het.

Nieu-Seeland was eindelik met 21-5 baas, nadat hulle ná 66 minute net met 9-5 voor was. Dié wedstryd, wat reeds maande terug aangestip is as ’n waarskynlike slagting, was rateltaai – en het amper ewe veel vir die Poemas se reputasie gedoen as hul onlangse gelykop-uitslag in Mendoza teen die Springbokke.

En die Wallabies sou geskrik het, want dit was die Argentynse agttal wat die All Blacks in toom gehou het: en dis einste die Aussies se pak wat hulle hoofbrekens besorg.

Nie dat dit ooit werklik gelyk het asof Nieu-Seeland sou verloor nie. Om die All Blacks op hul tuisveld te troef, moet alles vir jou reg loop en alles vir hulle verkeerd.

Tog, die Kiwi’s het gesukkel om die druk te verwerk wat hulle moes sluk – en dit was tekenend dat hul drieë eers in die laaste kwartier gedruk is, nadat ’n effens strawwe geel kaart vir die flank Julio Farias Cabello die gate laat oopgaan het.

Dié drieë het egter geïllustreer hoekom die All Blacks wyd en syd gevrees word. Hoewel die tuisspan heelaand gesukkel het om ’n hardnekkige verdediging én guur weer ten bowe te kom, het hulle oudergewoonte aanhou probeer en eindelik die uitklophou geplant, met drieë in albei hoeke deur die vleuels, Julian Savea en Cory Jane.

Aaron Cruden het nie swak gevaar in die beseerde Dan Carter se plek nie, maar sy voorspelers het min beskerming verskaf. Die All Blacks se ster agterlangs was Conrad Smith.

Ja, die All Blacks sal vir Sonny Bill Williams mis, maar Smith is sweerlik een van die lekkerste senters wat ons al in beroepsrugby gesien het – en wat hom laat uitstaan, is daai slim kop op sy skouers.

Die Kiwi’s het dit gister nodig gehad, want hoewel hulle meer gebiedsvoordeel en balbesit gehad het, was dit ’n yslike gesukkel om die Poemas se struktuur af te breek.

* Punte:
Nieu-Seeland 21 (6): Drieë: Julian Savea, Cory Jane. Doelskop: Aaron ­Cruden. Strafdoele: Cruden (3).
Argentinië 5 (5): Drie: Rodrigo ­Roncero.

Lees Rapport se kommentaarbeleid

Lewer kommentaar op hierdie artikel
2 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 12-22°C Sunny. Mild. Pta: 12-25°C Morning clouds. Pleasantly warm.
Jhb: 8-20°C Showers early. Morning clouds. Mild. Bfn: 4-25°C Sunny. Mild.
Dbn: 12-24°C Morning clouds. Mild. PE: 9-20°C Sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!