Sharks swéét

2012-07-15 00:01

Keegan Daniel word omhels ná sy drie gister in Durban. | Foto: STEVE HAAG/GALLO IMAGES

Lesersfoto’s Stuur vir ons jou foto's  ·  Stuur vir ons jou foto's

Op hul beste is die Sharks waarskynlik die voorste rugbyspan in die land, maar hul wisselvalligheid het hulle vanjaar plek-plek duur te staan gekom.

Gister het hulle die Cheetahs met 34-15 geklop om ’n plek in die kwarteindronde van Super-rugby te beklink. Dit klink dalk maklik, maar dit het bloedsweet geverg.

Eers ná ’n uur kon die Sharks-ondersteuners effens agteroor sit in die wete dat hul span die vereiste vyfpunt-voorsprong bewerkstellig het om te verdedig.

Dit het gevolg op ’n skitterlopie van JP Pietersen, wat die Cheetah-verdediging oopgevlek en die laaste van die besoekers getrek het voordat hy Charl McLeod met ’n parmantige dwarsskoppie aan die buitekant gevind het.

En die Bok-vleuel, deesdae in die beste vorm van sy indrukwekkende loopbaan, het kort daarna onder ’n hangskop van Frederic Michalak ingenael en ore platgetrek voordat hy Marcell Coetzee aan sy buitekant gevind het om die nuwe Bok-flank deur ’n gaping te stuur om die kussing effens sagter te maak.

Maar rustyd was daar maar min hoop vir die Sharks.

Geknelter deur die laat onttrekking van Beast Mtawarira, wat met maaggriep gesukkel het, is die bielie-reserwes Bismarck du Plessis en Willem Alberts eindelik so gou doenlik op die veld gestuur om ’n krisis te probeer ontlont.

Vyf strafdoele vir die Cheetahs klink dalk nie na die einde van die wêreld nie, maar dit het nege punte meer gelewer as die twee wat die Sharks in dieselfde tyd oorgeskop het. En die prominentste speler op die veld was so ’n korterige flank met ’n oranje skrumpet. Kyk, daar is manne wat Heirich Brüssow se grootte teen hom hou, maar dié is oorwegend manne wat glo in ’n enkele, korrekte styl van rugby.

Daar is heelparty regte én verkeerde maniere om rugby te speel, maar Brüssow sorteer feitlik altyd onder eersgenoemde groep – en gister het hy die tuisspan gekasty voordat hy met die draaislag beseer van die veld is.

Sy afwesigheid het seker iets daarmee uit te waai gehad dat die Sharks skielik die skroewe kon begin indraai.

Eindelik was daar ’n noemenswaardige platform en die agterspelers het die sjarme-knoppie aangeskakel.

Heen en weer reis oor die Indiese Oseaan maak hul kans om die louere in te oes bra bedenklik, maar as die Sharks oor die volgende paar naweke 240 minute van die gehalte van gister se laaste 20 kan lewer, gaan niemand lus wees om teen hulle te speel nie.

* Punte: Sharks 34 (6): Drieë: Keegan Daniel, Charl McLeod, Marcell Coetzee, Ryan Kankowski. Doelskoppe: Frederic Michalak (4). Strafdoele: Michalak (2).
Cheetahs 15 (15): Strafdoele: ­Riaan Smit (5).

Lees Rapport se kommentaar beleid

Lewer kommentaar op hierdie artikel
5 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 17-24°C High level clouds. Mild. Pta: 12-26°C Sunny. Pleasantly warm.
Jhb: 10-21°C Sunny. Mild. Bfn: 11-25°C Sunny. Mild.
Dbn: 20-26°C More sun than clouds. Mild. PE: 15-22°C High level clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Gewilde nuwe flieks

Frozen, The Hobbit: The Desolation of Smaug, Thor: The Dark World, Leon Schuster: Schuks! Your Country Needs You en nog baie meer. Koop nou!

25% afslag op topverkoperboeke!

The Real Meal Revolution van Tim Noakes, Jeffrey Archer se Be Careful What You Wish For, Man’s Search for Meaning van Victor E. Frankl en nog baie meer titels. Koop nou!

Baie eiers in een mandjie!

Speletjie-pakkette: 2 Super Hits-speletjies vir R99, 3 Disney-speletjies vir R99 en nog meer + eksklusiewe pakkette vir toebehore – slegs beskikbaar op kalahari.com. Terwyl voorraad beskikbaar is. Koop nou!

Tot 30% afslag op toestelle & huisware

Bespaar tot 30% op toestelle en huisware dié Paasfees. Aanbod geldig solank voorraad beskikbaar is. Koop nou.

Storieman Omnibus 6

Storieman 6 van Leon Rousseau. Beskikbaar 30 April. Plaas jou voorafbestelling nou!

gobii se 7” Kleur LCD e-leser nou R399

Kry kalahari.com se topverkoperproduk vir slegs R399 en kry gratis e-boekkoopbewyse ter waarde van R120. Koop nou!

Besoek www.kalahari.com vir miljoene boeke, musiek, DVD's, games & meer!