So lyk Bok-rugby

2012-09-29 23:25

Met Kane Douglas wat net verslae kan toekyk, storm die Bok-agtsteman Duane Vermeulen gister vorentoe. | Foto: DEAAN VIVIER

Lesersfoto’s Stuur vir ons jou foto's  ·  Stuur vir ons jou foto's

Selfs die geliefde Corrie Sanders, vir wie Loftus gister voor-af vlugtig stil was, sou inskiklik vir dié uitklophou geknik het.

Terug tuis was die Bok-span gister geen grap nie – en met ’n spesiale Bryan Habana-driekuns het hulle Robbie Deans se versukkelde Wallabies vir ’n slag weer ernstig gebêre.

Net soos dit hoort hier op die Bok se Hoëveld-heiligdom.

’n Linker voor rustyd en ’n sterker regter daarna. Op 31-8 het die Aussies vir moeggepraat op die sitvlak gevoel én die Bokke aan ’n bonuspunt-sege begin smul.

Nog voor die omdraaislag was die Aussie-senter Adam Ashley-Cooper létterlik kats-wink geloop toe Zane Kirchner die tweede drie wou druk.

Dié was toe nie ’n drie nie – een van ’n paar kanse wat verlore gegaan het om die rustyd-voorsprong op net 14-3 te los.

Dié verspeelde kanse en nog stelskop-sondes het die Aussie-skade op die dag streng beperk.

Maar as jou arsenaal op die aanval gelaai is, is dit nie nodig om agterna die stelskopper te braai nie.

Toe die losskakel-debutant Johan Goosen sy tweede stelskop vroeg in die wedstryd skeeftrek, is daar vir ’n oomblik oor dié waagstuk gewonder...

Ja, een kêrel op die pawiljoen, met agterdogtige skuim in sy Powerade-bottel, het selfs orent gekom om te roep: “Waar’s Morné”?

Goosen se nukke met die mikke was gou vergete toe hy begin doen het wat daar voor gevra is – oorslaan-aangeë, gapings en alles meer wat vindingryk is.

Só ’n houding is aansteeklik. Hoe vindingryk was Bryan Habana se tweede drie in die tweede helfte nie!

Net so ’n bietjie meer as met sy eerste voor rustyd, toe Ruan Pienaar se aangee uit die duikslag ná goeie fasespel vir Habana oorgestuur het.

Goeie balbesit is positief aangewend.

Werklik!

So ook toe Kirchner vroeër Suid-Afrika se eerste drie gedruk het. Weer het Ashley-Cooper hom vergeefs probeer keer.

Teen die tyd wat Habana sy voormalige tuisveld met ’n derde juweel van plesier laat kreun het, was alles al vergeefs vir Nathan Sharpe se futlose manskappe.

Dié Bok-blits het hul dronk gehol, Francois Louw het die losstryd verreweg gewen en Eben Etzebeth het Sharpe dié keer in alle afdelings laat huil sonder om eers met sy kop na hom te mik.

Die Bok-breier, Heyneke Meyer, weet sy jong agttal is gister regoor hul teenstanders.

Só gemaklik het die tuisspan galop dat splinterboude soos Pat Lambie en Elton Jantjies selfs speelkans gekry het.

Toe Mike Harris na die einde se kant toe die Australiërs se troosdrie druk en die doelskop vlieg links verby, was dit ook net reg so.

Want gister het die Wallabies so wragtiewaar nie dubbelsyfers verdien nie.

Hulle is goed gelooi.

En om eerlik te wees, die Bokke kon die Wallaby-velle eintlik geheel en al afgetrek het.

Lees Rapport se kommentaarbeleid

Lewer kommentaar op hierdie artikel
18 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 13-17°C Showers early. More sun than clouds. Cool. Pta: 12-27°C High level clouds. Pleasantly warm.
Jhb: 5-13°C Mostly sunny. Refreshingly cool. Bfn: 6-16°C Morning clouds. Refreshingly cool.
Dbn: 17-22°C Showery. Mostly cloudy. Cool. PE: 12-17°C Partly cloudy. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Tablet Asus Nexus 7'' 3G met 32GB nou R1 999

Kry die Nexus 7”-tablet met Wifi & 3G vir slegs R1 999 en bespaar R500! Aanbod geldig solank voorraad beskikbaar is. Koop nou!

Plaas ’n voorafbestelling vir die Xbox One

Die vermaaksentrum wat jou alles-in-een bied – regstreekse TV, flieks, sosiale netwerke en speletjies. Plaas jou voorafbestelling nou!

Tot 50% afslag op haarsorgprodukte!

Bespaar tot 50% op professionele haarsorgprodukte by kalahari.com. Aanbod geldig solank voorraad beskikbaar is. Koop nou!

Nuwe e-boeke beskikbaar!

Maak jou gereed vir ’n lekker leeservaring wat e-boeke insluit soos Good Morning, Mr Mandela; Laaste dans, Drienie; Die brug na Haven en nog baie meer. Koop nou!

Hisense Infinity Prime-slimfoon

Bespaar R1 000 op die Hisense Infinity Prime 1-slimfoon. Nou R1 999. Aanbod geldig solank voorraad beskikbaar is. Koop nou!

Soos gesien op TV – Nuwe gobii-slimfone vanaf R999!

’n Kamera aan die voor- en agterkant, tweeledige SIM-verrigting en 200MB se GRATIS Cell C-data elke maand vir 12 maande, is maar net ’n paar van die eienskappe van dié slimfone. Kry joune nou! Koop hier.

Besoek www.kalahari.com vir miljoene boeke, musiek, DVD's, games & meer!