WP trap Griekwas

2012-09-22 23:17

Gerhard van den Heever word op die doellyn gestuit deur Marnus Schoeman (regs) en Burger Schoeman. | Foto: Yunus Mohamed

Lesersfoto’s Stuur vir ons jou foto's  ·  Stuur vir ons jou foto's

Op ’n middag van tipies skisofreniese Kaapse weer het die rugbyspan van die Griekwas hulself so te sê in die eerste helfte gekelder met onoordeelkundige aangeë en die Westelike Provinsie het nie op hom laat wag om dit in ’n wenvoorsprong te verander nie.

Die Streeptruie was eindelik met 45-21 baas, maar met die rustydtelling 31-7 in hul guns, was die tweede helfte pure formaliteit en uiteindelik bra saai vergeleke met die eerste skof.

Die wentelling vlei die tuisspan beslis ’n bietjie, hoewel die WP hul kanse beter benut het én sekerder van die platform gemaak het voordat hulle die slimstreke begin inspan het.

In dié dae dat oorversigtigheid soveel rugby haas onkykbaar maak, voel jy soos ’n verraaier om te kla dat ’n span oorhaastig was punte toe, maar die Griekwas se doodskoot was die twee onderskepdrieë wat hulle binne ’n kwartier afgestaan het.

Pleks van geduldig deur die fases te werk, waarmee hulle nou en dan goed gelyk het, het hulle taks probeer om die pas te forseer – en met die bal ­natterig weens ’n reënbuitjie vroeër, was hanteerfoute aan die orde van die dag.

Tussen die twee onderskepdrieë het Joe Pietersen boonop ’n vyftigtreë-strafdoel oorgeklits vir die WP, wat die telling binne ’n amperse oogwink 24-7 gemaak het ná dit 7 elk was.

Dat die WP egter sy oorwinning terdeë verdien het, kan niemand teen stry nie.

Die afrigtingspan vat knaend houe weens die leë trofeekas, maar dis bra onregverdig: vanjaar het die krukkelys die Kapenaars hard gestraf.

Met die WP-begroting bra ver derde in die land, kan Allister Coetzee en sy manne nie anders as om die jongelinge vroeg ryp te druk nie, maar dat hulle dit ordentlik doen, is ’n feit soos ’n koei.

Deon Fourie was nogmaals ’n woelwater in die nr. 6-trui, met die res van sy agttal wat by hul kaptein aangesteek het.

Dié WP-span laat egter veral die tonge klap oor die opwindende 10/12/13-kombinasie van Catrakilis, Brache en Du Plessis. Dié drietal speel met verstand, vernuf en entoesiasme en die lenige Brache veral se rugbyverstand is sy grootste bate.

In ag genome dat hy eers as 16-jarige begin speel het, kan hy Nuweland nog dikwels laat regop sit.

Gister is die WP se taak ook vergemaklik deur slim spelwisseling deur die skrumskakel Louis Schreuder, wat ’n konstante bedreiging op die aanval was sonder om sy pligte te verwaarloos.

En met Nick Groom wat dié vervang het, het die WP skielik ’n hele spens ordentlike skrumskakels.

Lees Rapport se kommentaarbeleid

Lewer kommentaar op hierdie artikel
9 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 10-18°C High level clouds. Mild. Pta: 2-21°C Sunny. Mild.
Jhb: 3-16°C Sunny. Refreshingly cool. Bfn: 0-19°C Morning clouds. Mild.
Dbn: 7-22°C Sunny. Mild. PE: 11-18°C High level clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Good Morning, Mr Mandela van Zelda la Grange

Good Morning, Mr Mandela vertel die uitsonderlike verhaal van hoe ’n jong vrou se lewe, oortuiginge, vooroordele en alles waarin sy eens geglo het verander is deur die grootste man van haar tyd. Nou R221. Plaas jou voorafbestelling nou!

Bespaar 25% op die gewildste 25 boeke!

Kry 25% afslag op die topverkoperboeke, wat insluit Low-Carb Living for Families, The Book Thief, How to Train Your Dragon en nog baie meer. Koop nou!

Tot 60% afslag met die opruimingsverkoping!

Bespaar tot 60% op toestelle, boeke, elektroniese ware, speelgoed, flieks en nog baie meer. Aanbod geldig solank voorraad beskikbaar is. Koop nou!

Nuwe Afrikaanse uitreikings

Sien jy uit na die nuutse Afikaanse titels? ’n Vuurwarm verskeidenheid boeke is beskikbaar by kalahari.com. Bestel nou!

Soos gesien op TV – Nuwe gobii-slimfone vanaf R999!

’n Kamera aan die voor- en agterkant, tweeledige SIM-verrigting en 200MB se GRATIS Cell C-data elke maand vir 12 maande, is maar net ’n paar van die eienskappe van dié slimfone. Kry joune nou! Koop hier.

Besoek www.kalahari.com vir miljoene boeke, musiek, DVD's, games & meer!