2010-08-28 23:45
Die regsadvies van mnr. Paul Ngobeni, die omstrede voortvlugtende voor die Amerikaanse gereg wat steeds deur minister Lindiwe Sisulu op belastingbetalers se koste as regsadviseur gebruik word, is dié week verkeerd bewys.
2010-08-28 23:45
Dit was ’n kinderagtige daad van drie seuns van ’n Pretoriase spogskool om ’n foto van twee gay liggaamsbouers te manipuleer sodat hul onderhoof daarin uitgebeeld word, maar dié daad het ’n volwasse reaksie nodig.
2010-08-28 23:45
Joost van der Westhuizen en sy vervreemde vrou, Amor Vittone, kan met reg vra: Wat gaan daar nóg oor ons sekslewens geskinder word?
2010-08-28 23:45
Stakende hospitaalpersoneel se dreunsang is dofweg hoorbaar in die verte. Pasiënte eet al ’n week lank kitsnoedels en bruinbrood. ’n Bejaarde vrou met ’n gebreekte heup kreun van die pyn en op televisie dreig die vakbonde dat die landwye staking hoegenaamd nie verby is nie. Rapport se René-Jean van der Berg het die afgelope week dié grootskeepse ontwrigting eerstehands ervaar toe sy as vrywilliger by twee hospitale in Johannesburg gewerk het.
2010-08-28 23:45
Onsekerheid oor die toekoms van die gewilde M-Net-sepie Binneland sub judice laat sommige akteurs nou behoorlik naels kou oor of hulle nog werk het.
2010-08-28 23:45
Neem sélf verantwoordelikheid vir jou skoolwerk. Die staatsdiensstaking en die ontwrigting van skole het reeds baie matrieks tot dié besef laat kom.
2010-08-28 23:45
‘n Papierspoor van beweerde bedrog en korrupsie met die toekenning van mineraalregte aan ’n maatskappy met noue ANC-bande het die afgelope week aan die lig gekom.
2010-08-21 22:04
Bok-rugby is in die rou. Drie keer teen die All Blacks gespeel, drie keer verloor. En dié keer was dit só hartverskeurend-amper. Die Bokke kan tereg sê hulle is beroof.
2010-08-21 22:04
Die skrywer Willie Fritz, gewese man van die TV-persoonlikheid Fiona Coyne, wat Woensdag haar eie lewe geneem het, het sy hart in ’n hartroerende brief uitgestort.
2010-08-21 22:04
Dr. Pallo Jordan, een van die ANC se voorste denkers en Suid-Afrika se aangewese ambassadeur by die VN, het sy stem laat hoor vir die vrye vloei van inligting.
2010-08-21 22:05
Staatsdiensvakbonde en die regering sal vandeesweek moontlik vergader in ’n poging om ’n einde te maak aan die gewelddadige stakings wat hospitale en skole die laaste paar dae ontwrig het.
2010-08-21 22:05
Vrywilligers, polisielede en soldate het die laaste paar dae moue opgerol om gesondheidsorg by hospitale aan die gang te hou.
2010-08-21 22:05
Jy kan nou Afrikaans se lywigste en mees omvattende woordeboek in die palm van jou hand hou. Al 13 beskikbare dele (van die letter A tot R) van die Woordeboek van die Afrikaanse Taal (WAT) kan jou nou per selfoon bereik.
2010-08-21 22:05
In die Oktober-uitgawe van die manstydskrif FHM wys die Idols-finalis Adeline Mocke (23) dat sy baie meer as net sangtalent het.
2010-08-21 22:06
Dié drie Kiwi's was so vol vertroue dat hulle al tien maande gelede hul kaartjies na gister se wedstryd gekoop het.
2010-08-21 22:06
Die ANC wil sy jeugleier, mnr. Julius Malema, “agter geslote deure” roskam oor uitlatings wat hy gemaak het oor die ANC-leierskap wat tydens sy 2012-kongres verjonk moet word.
2010-08-21 22:06
Daar was die afgelope week in een hofsaal van die Pretoriase streekhof minstens 45 sake waarin die misdade gepleeg is deur boewe wat hulle as polisielede voorgedoen het.
2010-08-21 22:06
Mediese afval word ál meer en dit word oral gestort – op munisipale vullishope, in riviere en spruite, in die veld en selfs in speelparke.
2010-08-21 22:06
Geweld in tienerverhoudings is ’n “groot probleem” in Suid-Afrika en verg meer aandag, sê prof. Rachel Jewkes van die Suid-Afrikaanse Mediese Navorsingsraad.
2010-08-21 22:07
'n Groep argeoloë doen tans in die Krugerwildtuin opgrawings wat 'n onvertelde deel van die Anglo-Boereoorloggeskiedenis opdiep.
2010-08-14 22:00
Onderwysers in onafhanklike skole met lae skooltariewe werk klaarblyklik harder as baie van hul eweknieë in openbare skole in dieselfde omgewing, maar verdien slegs die helfte of selfs minder.
2010-08-14 22:04
Die Springbok-rugbyster Frans Steyn sê hy sal vir sy land sterf en dat hy bitter graag vir die Bokke wíl speel.
2010-08-14 22:00
Die kampus van die Universiteit van Stellenbosch gons oor twee mans wat soen op die studentekoerant se voorblad.
2010-08-14 22:00
Luke Watson, voormalige WP-kaptein en oud-Springbok, en sy vrou Elaine het aangekondig hulle gaan binnekort ouers word.
2010-08-14 22:04
Die swartbemagtingingsgroep Aurora se mislukte Grootvlei-myn by Springs kan binnekort die eerste sneller word van die reuse-omgewingskrisis wat in die groter Witwatersrand-gebied dreig.
2010-08-14 22:00
Die regering het nie genoeg geld om boere met wie koopkontrakte vir grondhervorming aangegaan is te betaal nie.
2010-08-14 22:00
Me. Elsabé Coetzee, die weldoender wat in Mei die bedrogspul van bedelaars met babas op die rug oopgevlek het, het gister te velde getrek teen die klopjag Vrydag in Pretoria toe owerhede toegeslaan het op mense wat met hul kinders op straathoeke bedel.
2010-08-14 22:00
Amor Vittone gister teenoor Rapport gebieg oor die “verhouding” wat Joost van der Westhuizen laat besluit het om haar te dagvaar om ’n egskeiding. Maar sy sê sy en die “sexy” Chris, ’n getroude Kanadees, het niks meer gedoen as soet woordjies uitruil nie.
2010-08-14 22:00
Die Wes-Kaapse regering, onder leierskap van ’n voormalige premier, mnr. Ebrahim Rasool, het miljoene rande aan ’n omstrede televisienetwerk betaal om ’n dokumentêre pro-regeringsreeks te vertoon.
2010-08-14 22:00
Die parlement se mees verbete Afrikanistiese politieke partye, die PAC en Azapo, het die afgelope week by die uiteenlopende koalisie teen die muilband van die media aangesluit.
2010-08-14 22:00
Vakbonde wat miljoene werkers verteenwoordig, gaan Dinsdag bekend maak of hulle die jongste aanbod van die regering gaan aanvaar en of hulle onbepaald voortgaan met hul staking.
2010-08-14 22:00
Die ondersoek na die uitbetaling van ongemagtigde bonusse aan die land se krieketbaas en talle ander topbeamptes “strek veel wyer” as nét die R4,7 miljoen wat nou verduidelik moet word.
2010-08-14 22:00
'n Vreemde vlieënde voorwerp wat onlangs bokant Pretoria opgemerk is, was waarskynlik die aandster, sê kenners.
2010-08-07 22:00
Terwyl Suid-Afrika se rugbybaas, mnr. Oregan Hoskins, óók deur ’n Sanzar-tugverhoor in die gesig gestaar word, het die sportwetenskaplike prof. Tim Noakes die afgelope week gemaan die Springbokke se Wêreldbeker-veldtog stuur op ’n ramp af omdat die Bokke oud, poegaai en onfiks is.
2010-08-07 22:00
Vandag se Evas gee hul mening oor die reëls wat toentertyd vir dames voorgeskryf is.
2010-08-07 22:00
Mev. Chrissie Harmzen is helder oordag buite haar huis net buite Burgersfort in Mpumalanga aangeval.
2010-08-07 22:00
’n Top-rugbyskeidsregter het ’n klag teen ’n 15-jarige seun ingedien nadat dié seun glo in ’n slanery tydens ’n wedstryd twee van sy ribbe gebreek het.
2010-08-07 22:00
Wetskrywers van omstrede nuwe konsep-arbeidswetgewing moet hul werk oordoen nadat hul pogings om arbeidsmakelaars letterlik uit die wet te skryf geweeg en te lig bevind is.
2010-08-07 22:00
Die applikante in ’n saak in die konstitusionele hof probeer om die Padongelukkefondswysigingswet van 2005 ongrondwetlik te laat verklaar.
2010-08-07 22:00
In Suid-Afrika sterf 1 400 vroue jaarliks weens mishandeling. Dit gebeur dikwels nie in die geheim nie, maar word nietemin telkens geïgnoreer.
2010-08-07 22:00
Suid-Afrika het vroeër vanjaar sy status verloor as ’n land wat se media as “vry” bestempel kan word.
2010-08-07 22:00
Die volgende ronde in die media se stryd teen die voorgestelde mediatribunaal vind Dinsdag by die geskiedkundige Lilliesleaf in Sandton plaas.
2010-08-07 22:00
Die Suid-Afrikaanse Diamantraad probeer die oorsprong vasstel van die drie sogenaamde “bloeddiamante” wat die Britse supermodel Naomi Campbell aan ’n voormalige trustee van die Nelson Mandela-kinderfonds gegee het.
2010-08-07 22:00
Sutherland is bekend om sy uitgestrekte vlaktes, sterbesaaide nagte – en ysige koue. Maar die mense van Molteno sê húlle woon eintlik al jare lank in die ware sentrale tandeklap-gebied.
2010-08-07 22:00
Dr. Dries Gouws, voorheen ’n dokter in Pretoria, is nou Mosambiek se grootste piesangboer, terwyl mnr. Kotie Petterson, ’n Pretoriase argitek, sowat ’n jaar gelede net buite Maputo ’n hoenderboerdery begin het.
2010-08-28 23:45
’n SAUK-werknemer wat per e-pos die trekpas gekry het omdat sy kwansuis aftree-ouderdom bereik het, gaan die uitsaaier hof toe sleep weens onregmatige ontslag.
2010-08-28 23:45
’n Vermeende bedrieër wat met bekendes soos Steve Hofmeyr en Nianell se name probeer smous het, het hom lelik misgis met ’n kleuterskoolonderwyseres.
2010-08-28 23:45
Die Suid-Afrikaanse Redakteursforum (Sanef) gaan vroeg in September met die kabinet vergader oor die ANC se omstrede planne vir ’n mediatribunaal, maar dit is onseker of pres. Jacob Zuma daar gaan wees.
2010-08-28 23:45
Renosterstropery het so skerp toegeneem dat die regering pas opdrag gegee het dat ’n nuwe eenheid gevorm word om op die stropers toe te slaan.
2010-08-28 23:45
Die regering en ekonome is bekommerd dat belastingbetalers bloot nie vakbonde se onverbiddelike salaris-eise kan bekostig nie.
2010-08-28 23:45
Elke Wes-Kaapse kieser wat bygedra het tot die DA se oorwinning in verlede jaar se verkiesing het dit baie taai gemaak vir die ANC om provinsies se magte af te skaal en mag te sentraliseer.
2010-08-28 23:45
Die SAUK-raad is onder geweldige druk om mnr. Phil Molefe se onwettige aanstelling as SAUK-nuushoof te bekragtig.
2010-08-21 22:04
Plaasboere wat “te veel” grond het om op te boer, sal dit met swart Suid-Afrikaners moet deel, word voorgestel in die groenskrif vir die nuwe beleid oor grondeienaarskap wat reeds deur mnr. Gugile Nkwinti, minister van landelike ontwikkeling en grondsake, afgeteken is.
2010-08-21 22:04
Twee werknemers van The Big Swing, die bekende kabelswaai by Graskop in Mpumalanga, gaan van moord aangekla word weens die voorval waarin ’n geliefde onderwyseres van Phalaborwa gesterf het.
2010-08-21 22:05
Daar is nuwe hoop vir die blinde Zimbabwiese vrou wie se baba deur wetstoepassers uit haar arms geruk is terwyl sy op ’n straathoek gebedel het.
2010-08-21 22:05
Die situasie by skole kan môre vererger wanneer die oorwegend wit, Afrikaanse lede van die Suid-Afrikaanse Onderwysersunie (SAOU) ook begin staak nadat dié unie Donderdag aangedui hy is ook verbind tot die staatsdiensstaking.
2010-08-21 22:05
'n Glansryke modeman, tans in Suid-Afrika om 'n dieetpil te bemark, bieg: "Ek het myself ooreet."
2010-08-21 22:05
’n Bakleiery broei agter die skerms oor die omstrede seksprent 'Amor – ’n bok vir sports'. Dit kan nog in die hof gaan draai.
2010-08-21 22:06
Soccer City in Soweto (nou weer die ENB-stadion), die moederskip van 2010 se Wêreldbeker-sokkertoernooi, was gister die hartland van Springbok-rugby.
2010-08-21 22:06
’n Bejaarde emfiseemlyer wat in ’n padwoedeaanval tot in die hospitaal geslaan is deur ’n man amper 20 jaar jonger as hy, word nou sélf van aanranding aangekla.
2010-08-21 22:06
Hoewel mnr. Mbhazima Shilowa meen die “strydbyl moet begrawe word” tussen hom en mnr. Mosioua Lekota, het hy toe nie langs Lekota in die parlement gaan sit nie.
2010-08-21 22:06
’n Drie jaar lange stryd om toegang tot sy kind te kry het na bewering die tragedie voorafgegaan waarin ’n seuntjie en sy pa gesterf het.
2010-08-21 22:06
Me. Annetjie Smit (53) eis skadevergoeding van R4, 7 miljoen van haar gewese man, Jaco Pretorius, in ’n siviele saak wat vandeesweek in die hooggeregshof in Pretoria gehoor sal word.
2010-08-21 22:07
Rolspelers hier en oorsee wag met geesdrif op die opening van die indrukwekkende rolprentkompleks Cape Town Film Studios (CTFS) van sowat R400?miljoen wat in Oktober sy deure oopmaak.
2010-08-21 22:07
Die KwaZulu-Natalse gesondheidsdepartement is in die spervuur weens sy gebruik van die sogenaamde Tara-klamp vir die rituele besnydenis van mans.
2010-08-14 22:00
’n Groot polisiesoektog na ’n vermiste ma van twee kleuters het dramaties geëindig toe die polisie toegeslaan het op ’n huis in Ermelo waar Nigeriërs glo dwelms verkoop.
2010-08-14 22:00
Die slagordes word steeds opgestel in die dreigende stryd om mediavryheid wat die ANC en die regering met die voorstel van ’n mediatribunaal en verskeie stukke muilband-wetgewing ontketen het.
2010-08-14 22:00
’n Ambulans en paramedici wat met ’n deelnemer hospitaal toe jaag, voorspel groot drama in die volgende episode van Idols.
2010-08-14 22:03
Ard Matthews, hoofsanger van die rockgroep Just Jinjer, het gister in die vroeë oggendure agter tralies beland nadat hy vir dronkbestuur in hegtenis geneem is.
2010-08-14 22:00
Hulle is in die donker maag van die aarde doodgeskiet en net daar gelaat. Maar was hulle regtig zama-zamas (misdadigers wat in die geheim onder in myne woon om gouderts uit te haal en te smokkel)?
2010-08-14 22:00
’n Lyk, vermoedelik dié van ’n Johannesburgse tandarts, is gistermiddag gevind nadat sy seun die plek waar hy sy pa na bewering begrawe het aan die polisie uitgewys het.
2010-08-14 22:00
Die National Union of Mineworkers (NUM) het hul misnoeë uitgespreek oor die afgelope week se winsgewende transaksie tussen ArcelorMittal en Ayigobi, ’n swart-ekonomiesebemagtiging-groep (SEB). Die NUM sê dit lyk asof regeringsbeleid gebruik word om ekonomiese deure oop te maak vir diegene met politieke konneksies.
2010-08-14 22:00
Daar is ’n baie sterk mening in die DA dat me. Patricia de Lille, OD-leier, ’n Wes-Kaapse LUR moet wees noudat sy ’n DA-lid word.
2010-08-14 22:00
Die voorgestelde tribunaal en wette om veral die gedrukte media in Suid-Afrika in te perk, maak ook wêreldwyd in koerante opslae. Selfs die Internasionale Persinstituut (IPI) is die afgelope week genoodsaak om sy diepe kommer daaroor in ’n ope brief aan pres. Jacob Zuma uit te spreek.
2010-08-14 22:00
Almal stry die laaste ruk oor die ANC se pogings om die leisels van die Suid-Afrikaanse media oor te neem. Maar wat presies is dit wat die regering beoog?
2010-08-14 22:00
Die een polisieblaps ná die ander is die afgelope week in die Pretoriase hooggeregshof uitgelig waar ’n voormalige werknemer van die Duitse ambassade van moord aangekla word.
2010-08-14 22:00
Vicki Fourie is pas in Las Vegas gekroon as die tweede prinses in die eerste Mej. Dowe Internasionaal-kompetisie. Sy is ook Mej. Dowe Suid-Afrika.
2010-08-14 22:00
Minder as 30% van volwasse Suid-Afrikaners in stedelike gebiede hou van Julius Malema, die opruiende ANC-jeugleier.
2010-08-07 22:00
Rassepolitiek aan die Universiteit van die Vrystaat (UV) het die naweek weer oorgekook. Die polisie is ingeroep nadat die UV eergister ’n bevel in die hof verkry het om Sasco, ’n ANC-geaffilieerde studenteorganisasie, te keer om eiendom te beskadig of om mense aan te rand.
2010-08-07 22:00
Die man wat beskuldig word van die moord op sy vrou in Franschhoek verlede maand het ’n tweede, geldige paspoort.
2010-08-07 22:00
Die Universiteit van die Vrystaat beplan ’n nuwe kursus in rolprentvervaardiging sodat studente op dié beleërde kampus hul kreatiwiteit “gesond” kan uitleef.
2010-08-07 22:00
Meer as een miljoen staatsamptenare gaan Dinsdag staak en sekere stede deur optogte verlam.
2010-08-07 22:00
Afrikaanse Christenvroue kan deur Solidariteit Helpende Hand se pas gestigte Vroue in Aksie betrokke raak by die stryd teen armoede onder Afrikaanses.
2010-08-07 22:00
Beoogde wetgewing oor geslagsgelykheid kan sakeondernemings binnekort dwing om meer vroue in veral topbestuursposisies aan te stel.
2010-08-07 22:00
Vyf-en-sestig jaar van haar lewe wou ’n Vrystaatse predikantsvrou nie eens ’n kers met vuurhoutjies aansteek of naby ’n braaivleisvuur sit nie, maar toe besluit sy op ’n dag om haarself dood te brand.
2010-08-07 22:00
Die Sunday Times-joernalis Mzilikazi wa Afrika en ’n medebeskuldigde moes ná hul vrylating uit die Nelspruit-hofgebou gesmokkel word toe ’n oproerige skare ANC-ondersteuners hul “bloed” gesoek het.
2010-08-07 22:00
Die vreugdevure het hoog gebrand en die jubelsange het opgeklink in die Oos-Kaap toe Graaff-Reinet as Rapport en Kwêla se Dorp van die Jaar aangewys is.
2010-08-07 22:00
Die brand in die Pieter Wessels-tehuis vir bejaardes in Dunotter het weer die kollig op bejaardesorg geplaas, iets wat al duurder raak.
2010-08-07 22:00
Moenie dat die onlangse winterkoue jou flous nie – 2010 kan wêreldwyd nog een van die warmste jare in menseheugenis word.