3 vas vir die Corrie Sanders-moord
2012-09-27 13:38
- Artikelopsies
- Deel
- Kry Rapport op
Drie mans is vandag in hegtenis geneem vir die moord op die voormalige swaargewig-bokskampioen Corrie Sanders.
Die drie Zimbabwiërs, almal tussen 19 en 20 jaar oud, is in die Oukasie- informele nedersetting naby Brits in hegtenis geneem.
Die polisie het 'n wenk ontvang en na 'n huis gegaan waar twee verdagtes vasgetrek is. Die derde is kort daarna by ‘n ander huis vasgetrek.
Gesteelde items is in hul besit gevind.
Sanders (46) is Saterdagaand tydens 'n rooftog by 'n restaurant naby Brits in die maag geskiet.
Hy is na die Kalafong-hospitaal in Pretoria gehaas en het kort daarna aan sy beserings beswyk.
Die verdagtes sal Maandag in die hof verskyn. -- DIE BURGER