600 keer seks: 'Jou siek liegbek'

2012-07-02 07:28

Sylvia Ireland kom in Rondebosch, Kaapstad, aan vir die verhoor deur die Raad vir Gesondheidsberoepe van Suid-Afrika.| Foto: Jaco Marais

Lesersfoto’s Stuur vir ons jou foto's  ·  Stuur vir ons jou foto's

In een van die opspraakwekkendste seksskandale in Kaapse rykmanskringe is een van Kaapstad se rykste weduwees die afgelope week onomwonde in ’n verhoor “?’n siek liegbek” genoem.

Sylvia Ireland (51) het hier voor ’n tugkomitee van die Raad vir Gesondheidsberoepe in Suid-Afrika haar saak teen dr. Ray Berard (66), een van dié stad se voorste psigiaters, voortgesit.

Die multimiljoenêr het die terapeut in 2008 by dié raad verkla omdat hy glo ’n liefdesverhouding met haar aangeknoop het terwyl sy nog ’n pasiënt was.

Maar adv. Graham van der Spuy, ­Berard se regsverteenwoordiger, het in die verhoor gesê hy het “lanklaas so ’n swak getuie gesien”. Hy het Ireland beskryf as “leuenagtig, onbetroubaar en oneerlik”, iemand met ’n “monsteragtig vrugbare verbeelding”.

Hierby is grafiese getuienis gelewer oor hoe Ireland glo sonder onderklere in Berard se spreekkamer opgedaag het, wydsbeen gesit en gemasturbeer het omdat hy die terapie wou staak.

Ireland het Berard toe sowat vier jaar gelede by die raad verkla weens hul seksuele verhouding waarin sy betrokke geraak het omdat sy glo “willoos” was tydens hul terapiesessies wat hy, volgens haar, vir seks “misbruik” het.

Ireland sê Berard het die verhouding begin. “Hy gesê het dit sal my help gesond word.”

Sy was van 2005 af sy pasiënt.

Hoewel sy in Maart vanjaar getuig het seks staan haar nie juis aan nie, het sy ook gesê hulle het binne twee jaar sowat 600 keer seks gehad.

Sy voer aan Berard moes van beter geweet het as om haar brose geestestoestand weens haar huweliksprobleme uit te buit.

Van der Spuy meen Ireland is “iemand met onvanpaste, inkonsekwente gedrag en voor die hand liggende psigopatologiese probleme”.

Hy het aansoek gedoen om Berard se ontslag.

“Die vraag is nie of hulle in ’n seksuele verhouding gewikkel was nie, maar of hulle dit gedoen het terwyl daar nog ’n professionele verhouding was.”

Berard voer aan die verhouding is aangeknoop nadat terapie gestaak is.

Ireland se regsverteenwoordiger, adv. Francois Grobler, voer aan sy het hom gelos toe sy ’n ander verhouding aangeknoop het, maar nog Berard se pasiënt was.

Sy het hom aanvanklik weens huweliksprobleme met haar man, Stuart, gaan spreek. Volgens haar was haar huwelik in ’n doodloopstraat “omdat geld al was wat vir hom saak gemaak het”.

Stuart het tot sy dood in 2009 die alleenreg gehad om Chanel-, Dior- en Jean-Paul Gaultier-parfuum in Suid-Afrika te bemark.

Ireland het vroeër getuig inbrekers het haar en haar man in hul huis aangeval.

Sy is verkrag en is daarna Londen toe vir ’n aborsie. Hieroor het Van der Spuy gesê hy vind dit eienaardig dat dit eers in die verhoor ter sprake gekom het en dat sy nooit dié gebeure met ­Berard gedeel het nie.

“Dis vergesog. Haar psigiater weet nie sy is verkrag nie, dat sy swanger geraak en ’n aborsie ondergaan het nie? Dis eenvoudig ’n versinsel van ’n monsteragtig vrugbare verbeelding.”

Volgens hom gaan dit sy verstand te bowe dat – in sy ondervraging oor haar koopgewoontes – sy hom reggehelp het “dat sy nie maandeliks R500?000 aan handsakke en kosmetiekware bestee nie, maar R750 000”.

Ireland het aan Rapport gesê sy staan by haar saak en sal nie rus voordat ­Berard aan die kaak gestel is nie.

“Dit gebeur met baie ander vroue.”

Berard en sy prokureur, Gerhardt van der Merwe, wou nie kommentaar lewer nie. “Die saak is sub judice. Ek leef al langer as vier jaar hiermee saam,” het Berard gesê.

Die verhoor is tot 19 Oktober uitgestel.

Lees Rapport se kommentaarbeleid

Lewer kommentaar op hierdie artikel
12 reaksies
Kommentaar is gesluit vir hierdie artikel

binne rapport

Weer
Ksd: 12-21°C Sunny. Mild. Pta: 1-20°C Sunny. Mild.
Jhb: 3-15°C Sunny. Refreshingly cool. Bfn: 1-18°C Sunny. Mild.
Dbn: 14-21°C Mostly sunny. Cool. PE: 8-18°C Sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!