ABO-boek: 34 000 is in kampe dood

2012-05-19 23:44

Lesersfoto’s Stuur vir ons jou foto's  ·  Stuur vir ons jou foto's

Meer as 34 000 wit Suid-Afrikaners, en nie 27 000 soos meer as ’n eeu gemeen is nie, het in die Anglo-Boereoorlog in konsentrasiekampe gesterf.

Dié regstelling van die geskiedenis word Dinsdag by die Voortrekkermonument in Pretoria bekend gemaak waar die einde van dié oorlog 110 jaar gelede herdenk word.

Baniere met die 34 000 name, vanne en ouderdomme van die Boerevroue, kinders en mans wat in die konsentrasiekampe gesterf het, sal aan die mure van die monument gehang word.

Die sterftelys is opgestel ná jare lange navorsing deur Celeste Reynolds en herskryf as’t ware die geskiedenis van die Anglo-Boereoorlog, sê dr. Dirk Hermann, adjunk-uitvoerende hoof van Solidariteit.

Naas dié bekendmaking, stel Solidariteit se Kraal-uitgewers dié dag ook ’n nuwe boek, Onthou! Kronieke van vroue- en kinderlyding, 1899–1902, bekend.

Prof. A.W.G. Raath van die Universiteit van die Vrystaat en Elria Wessels van die Oorlogsmuseum in Bloemfontein het die boek geskryf en saamgestel.

In die proloog ondersoek Raath die ontstaan van die Britte se verskroeide aardebeleid, die konsentrasiekampe en die rol van die Pro-Boere-beweging in Brittanje.

Meer as 80% van die meer as 200 foto’s wat in Onthou! verskyn, is nog nie voorheen gepubliseer nie en kom uit die Oorlogmuseum en Raath se versamelings.

Deur die oë van meer as 30 Boervroue, in 20 hoofstukke in die boek, ontvou die lewe in die konsentrasiekampe.

Dié vertellings kom uit Mag ons vergeet? deur E. Neethling en is vir Onthou! versorg deur Wessels.

So skryf Magdalena van der Merwe op bl. 261 in Onthou!:

“Daar sit ek met my siek kind op die skoot. Sy was sterwende en sê: ‘Mammie, gee vir my tog bietjie water.’ Wat kon ek doen? Ek antwoord: ‘My liefste, hier is geen water nie.’ Sy hou maar aan om te smeek vir water. Toe moes ek van my trane op haar lippies laat drup. Eindelik het sy gesterf...”

Of Anna Botha van Breipaal, Smithfield, oor die dood van haar seuntjie in die Bethulie-konsentrasiekamp, bl. 111:

“Hy het al swakker en swakker geword, en sy einde het genader. Hy het honger gehad en kon nie melk drink nie. Wanneer ek hom vra hoe dit met hom gaan, was sy antwoord: ‘Mammie, beter, maar ek het tog so honger!’ Sy laaste woord was: ‘[Ek het] honger’.

“Toe hy gesterf het, was hy ses jaar oud, maar die lykie was nie [eens] so groot soos dié van ’n kind van twee jaar nie, net langer. Ek kon die tandjies deur die wangvelletjies tel. As ek my hand op die buikie lê, kon ek die ruggraat voel.”

’n Hoofstuk waarin Raath oor die geskiedenis van die Nasionale Vrouemonument in Bloemfontein skryf, sluit die boek af.

* Lesers wat die boek wil koop, kan “Onthou” SMS na 34388 of 012 644 1824 skakel.

Lees Rapport se kommentaar beleid

Lewer kommentaar op hierdie artikel
5 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 17-24°C High level clouds. Mild. Pta: 11-25°C Sunny. Pleasantly warm.
Jhb: 10-21°C Sunny. Mild. Bfn: 10-24°C Mostly sunny. Mild.
Dbn: 17-28°C Afternoon clouds. Warm. PE: 16-23°C Mostly sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Gewilde nuwe flieks

Frozen, The Hobbit: The Desolation of Smaug, Thor: The Dark World, Leon Schuster: Schuks! Your Country Needs You en nog baie meer. Koop nou!

25% afslag op topverkoperboeke!

The Real Meal Revolution van Tim Noakes, Jeffrey Archer se Be Careful What You Wish For, Man’s Search for Meaning van Victor E. Frankl en nog baie meer titels. Koop nou!

Baie eiers in een mandjie!

Speletjie-pakkette: 2 Super Hits-speletjies vir R99, 3 Disney-speletjies vir R99 en nog meer + eksklusiewe pakkette vir toebehore – slegs beskikbaar op kalahari.com. Terwyl voorraad beskikbaar is. Koop nou!

Tot 30% afslag op toestelle & huisware

Bespaar tot 30% op toestelle en huisware dié Paasfees. Aanbod geldig solank voorraad beskikbaar is. Koop nou.

Storieman Omnibus 6

Storieman 6 van Leon Rousseau. Beskikbaar 30 April. Plaas jou voorafbestelling nou!

gobii se 7” Kleur LCD e-leser nou R399

Kry kalahari.com se topverkoperproduk vir slegs R399 en kry gratis e-boekkoopbewyse ter waarde van R120. Koop nou!

Besoek www.kalahari.com vir miljoene boeke, musiek, DVD's, games & meer!