'ANC rassisties'

2013-02-02 23:26

Die ANC is die mees rassistiese politieke party in Suid-Afrika.

Dít is hoe bruin, Indiër en wit ANC-lede hul eie party beskryf.

Hulle meen ook hulle het nie ’n kat se kans om tot ’n leiersposisie in die ANC verkies te word nie.

Die menings van gewone ANC-taklede is vervat in ’n verslag – The ANC: Still a Home for All? – wat Dinsdag in Johannesburg bekendgestel is.

ANC-lede, veral dié uit minderheidsgroepe, erken in die verslag daar is groot probleme met rasseverhoudinge op alle vlakke binne die party. Bruin, Indiër- en wit gemeenskappe meen daar is nie meer vir hulle in die ANC plek nie en dat ’n soort swart nasionalisme uitgeleef word.

Die verslag is deur die Ahmed Kathrada-stigting saamgestel om te bepaal hoe die ANC en sy gewone taklede nie-rassigheid verstaan en toepas. Dit was deel van ’n drie jaar lange navorsingsprojek oor nie-rassigheid in Suid-Afrika.

Die verslag lui dat die ANC teoreties en amptelik ’n nie-rassige samelewing ondersteun.

“Maar die party se leiers gee onvoldoende leiding oor hoe ’n nie-rassige samelewing in praktyk moet lyk. Daarom bly dit ’n twispunt,” is die slotsom.

Lede van ANC-takke in Protea-Suid (Soweto), Eldorado Park (tradisioneel bruin), Lenasia (tradisioneel Indiër) en Sandton (tradisioneel wit) het aan die studie deelgeneem.

Taklede in minderheidsgebiede meen hulle word as “kanonvoer” misbruik om minderheidstemme tydens verkiesings te kry en dat die ANC tans “meer rassisties is as enige ander politieke party in Suid-Afrika”.

Minderheidsgroepe sê swart tale wat hulle nie verstaan nie, word gereeld in ANC-vergaderings gebruik en dat dit hulle nog meer vervreem.

Almal was dit eens dat die ANC steun in minderheidsgebiede verloor. Taklede in Eldorado Park sê selfs die inwoners daar “haat” die ANC.

In Lenasia kwyn die ANC se steun ook omdat sommiges in dié konserwatiewe Indiër-gemeenskap pres. Jacob Zuma se persoonlike leefstyl as “immoreel” beskou.

Taklede in Protea-Suid en Sandton het swart ekonomiese bemagtiging en regstellende aksie as onregverdig beskryf, terwyl dié in Eldorado Park sê dit bevoordeel net swart mense.

Gwede Mantashe, die ANC se sekretaris-generaal, het onlangs in Durban gesê bruin mense en Indiërs moet die term “minderheidsgroep” afskud, want hulle is deel van die “meerderheidsgroep”.

Maar Peter Marais, oudpremier van die Wes-Kaap en visepresident van die Bruin Bemagtigingsbeweging, sê die ANC spoeg op sy stigters se grafte en hul ideologie van nie-rassigheid deur teen minderheidsgroepe te diskrimineer.

“’n Nuwe bruin bewustheid vat onder bruin mense pos, want ons voel die ANC verwerp ons. Daarom gaan dit moeilik wees vir die ANC om veral die bruin stem in die volgende verkiesing te wen.”

Prof. André Duvenhage, ’n politieke kenner aan die Noordwes-Universiteit, sê die ANC se nie-rassige ideologie is strydig met die heersende praktyk.

Die Ahmed Kathrada-stigting


* Die stigting wat navorsing gedoen het oor minderhede in die ANC is in 2008 gestig en die voorsitter is Cyril Ramaphosa.

* Die raad van 19 trustees sluit hooggeplaaste politici in soos Kathrada, Lindiwe Sisulu, Derek Hanekom, Barbara Hogan en David Makhura;

* Hooffokus: Om met Kathrada se lewe sy stryd vir nie-rassigheid te simboliseer en te bevorder;

* Doen navorsing en bied openbare besprekings en dialoë aan oor nie-rassigheid;

* Het leierskapprogramme om nie-rassigheid onder die jeug te kweek;

* Het gemeenskapsprogramme om nie-rassigheid op plaaslike vlak te bevorder; en

* Verleen administratiewe en logistieke hulp aan Kathrada.

Bron: Neeshan Balton, uitvoerende direkteur van die Ahmed Kathrada-stigting.

Lees Rapport se kommentaarbeleid

Lewer kommentaar op hierdie artikel
57 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 11-18°C Sunny. Mild. Pta: 11-24°C Rain late. Partly cloudy. Mild.
Jhb: 7-20°C Showery. More sun than clouds. Mild. Bfn: 0-23°C Sunny. Mild.
Dbn: 14-20°C More sun than clouds. Cool. PE: 8-19°C Morning clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!