Adv. Barbie sit steeds

2012-10-13 23:19

Cézanne Visser, wat tans sewe jaar uitdien weens onder meer die seksuele aanranding van jong meisies, het weereens ’n stryd in die hof verloor nadat die paroolraad al verskeie kere geweier het om haar tronkstrafvonnis na korrektiewe toesig om te skakel.

Visser se aansoek om ’n besluit deur die paroolraad, wat al twee keer die afgelope jaar bevind het sy is nie ’n geskikte kandidaat vir vonnisomskakeling nie, op hersiening te laat neem, is Woensdag in die hooggeregshof in Pretoria afgekeur.

Rapport het op 19 Februarie vanjaar berig hoe Visser se regsverteenwoordiger, dr. Llewellyn Curlewis, gesê het die nasionale kommissaris van korrektiewe dienste (DKD), mnr. Tom Moyane, het aanbeveel Visser moet danksy haar “goeie gedrag en omdat sy gerehabiliteer is” vrygelaat word.

“Sy het haar skuld aan die samelewing betaal. Sy het haar les geleer,” het Curlewis toe gesê.

Maar Visser het in Mei en toe weer in Augustus voor die paroolraad verskyn, waartydens hulle albei kere besluit het sy kwalifiseer nie vir vonnisomskakeling nie.

Visser het volgens Rapport se susterkoerant, Beeld, ’n dringende aansoek teen onder meer die minister van korrektiewe dienste en die paroolraad ingedien nadat haar vertoë op 7 Augustus weer geweier is. Die hof het bevind dat haar aansoek nie dringend is nie en dat sy die koste vir die aansoek moet betaal. Curlewis het Vrydag gesê Visser is teleurgesteld in die beslissing van die hof dat dringendheid afwesig is, maar dat hulle steeds optimisties is dat die meriete van haar aansoek uiteindelik sal slaag.

“Die regsproses is verseker nog nie afgehandel nie. Cézanne versoek geen spesiale behandeling nie, maar pleit eenvoudig vir ’n regverdige, spoedige en objektiewe beoordeling van haar regsposisie en feite soos gestel in die hofstukke.

“Hoe groter die aanvanklike teleurstelling(s), hoe meer bevredigend die uiteindelike uitkoms indien positief,” sê Curlewis.

Visser is in Mei 2010 tot sewe jaar tronkstraf gevonnis nadat sy skuldig bevind is op aanklagte van onder meer onsedelike aanranding op kinderhuiskinders en volwasse vroue. Haar medebeskuldigde en voormalige minnaar, Dirk Prinsloo, het destyds midde-in die verhoor landuit gevlug en dien tans 13 jaar tronkstraf uit in Bela-Rusland ná ’n mislukte bankrooftog daar.

Lees Rapport se kommentaarbeleid

Lewer kommentaar op hierdie artikel
2 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 15-18°C Showers late. More sun than clouds. Mild. Pta: 11-31°C Sunny. Pleasantly warm.
Jhb: 12-26°C Sunny. Pleasantly warm. Bfn: 16-28°C High level clouds. Pleasantly warm.
Dbn: 16-29°C More sun than clouds. Warm. PE: 16-24°C Scattered showers. More clouds than sun. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!