Afrikaans se môre is bruin

2013-03-23 23:18

Afrikaans word nou oorwegend deur bruin mense gepraat en húlle is die toekoms van Afrikaans.

Dit is die bevinding van die Suid-Afrikaanse Instituut vir Rasseverhoudinge (SAIRV).

Dr. Danny Titus, uitvoerende direkteur van kultuur by die ATKV, het in reaksie op die jongste statistieke gesê bruin mense se bydrae tot die taal is ’n onontginde goudmyn.

Sowat 76% van bruin huishoudings beskou Afrikaans as hul huistaal.

Hierteenoor is dit 61% van wit Suid-Afrikaners se huistaal, gevolg deur 4,6% Indiër- en 1,5% swart mense.

Dit blyk die getal Afrikaanssprekers gaan ook aansienlik toeneem.

Luidens vooruitskattings sal daar teen 2025 tot 5,1 miljoen bruin mense wees (daar is tans 4,6 miljoen), terwyl die getal wit mense sal krimp van die huidige 4,5 miljoen tot 4 miljoen.

Maar volgens Titus is die mense en maatskappye wat geld maak uit Afrikaans nié bruin nie. Hy het gesê bruin mense moet geleenthede benut en instellings moet ook kennis neem van die statistieke.

“Bruin Afrikaanssprekendes het ’n beduidende bydrae in die toekoms van Afrikaans. Op die oomblik lyk dit net asof ons die getalle opstoot, tog is ons leefwêreld, ons daaglikse menswees of ons herkomste heeltemal onbekend aan baie van ons mede-Afrikaanse landgenote.”

Frans Cronjé, uitvoerende adjunkhoof van die SAIRV, sê die instituut se statistieke bevestig dat bruin mense die toekoms van Afrikaans is.

“Wit Afrikaanses verengels al hoe meer en stuur hul kinders na Engelse skole.

“As sommige groepe ook net van die Afrikanernasionalisme kan wegbeweeg, kan ’n groter doel in die bevordering van Afrikaans bereik word.”

Dr. Michael le Cordeur, voorsitter van die Afrikaanse Taalraad, sê ter wille van die groter prentjie moet ook genoem word dat baie bruin mense ook húl kinders na Engelse skole stuur, “dikwels tot nadeel van die kind”.

Volgens Le Cordeur spruit bruin mense se apatiese houding jeens Afrikaans daaruit dat hul waardes en kultuur in die verlede misken is. Hy sê die toekoms van Afrikaans is “in ons eie hande, maar dan sal ons as bruin mense moet opstaan vir ons taal en ons regte”.

Prof. Leon de Stadler van die Taalsentrum by die Universiteit van Stellenbosch sê Afrikaans se toekoms is in alle Afrikaanssprekendes se hande, maar “die feit dat die groei in bevolking­syfers aan die kant van bruin Afrikaanssprekendes lê, het die onus laat verskuif”.

Lees Rapport se kommentaarbeleid

Lewer kommentaar op hierdie artikel
24 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 9-14°C Numerous showers. Afternoon clouds. Cool. Pta: 6-23°C Sunny. Refreshingly cool.
Jhb: 3-19°C Sunny. Refreshingly cool. Bfn: 7-20°C Sunny. Refreshingly cool.
Dbn: 17-29°C Sunny. Pleasantly warm. PE: 16-22°C Mostly sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Tablet Asus Nexus 7'' 3G met 32GB nou R1 999

Kry die Nexus 7”-tablet met Wifi & 3G vir slegs R1 999 en bespaar R500! Aanbod geldig solank voorraad beskikbaar is. Koop nou!

Plaas ’n voorafbestelling vir die Xbox One

Die vermaaksentrum wat jou alles-in-een bied – regstreekse TV, flieks, sosiale netwerke en speletjies. Plaas jou voorafbestelling nou!

Tot 50% afslag op haarsorgprodukte!

Bespaar tot 50% op professionele haarsorgprodukte by kalahari.com. Aanbod geldig solank voorraad beskikbaar is. Koop nou!

Nuwe e-boeke beskikbaar!

Maak jou gereed vir ’n lekker leeservaring wat e-boeke insluit soos Good Morning, Mr Mandela; Laaste dans, Drienie; Die brug na Haven en nog baie meer. Koop nou!

Hisense Infinity Prime-slimfoon

Bespaar R1 000 op die Hisense Infinity Prime 1-slimfoon. Nou R1 999. Aanbod geldig solank voorraad beskikbaar is. Koop nou!