Agri SA, Cosatu bevriend
2012-08-12 00:10
- Artikelopsies
- Deel
- Kry Rapport op
Hanri Wondergem in Johannesburg
Agri SA is wat grondhervorming betref nader aan Cosatu as die ANC.
So sê Johannes Moller, president van Agri SA, nadat dié twee organisasies die afgelope week ’n historiese vergadering gehad het.
“Agri SA is ’n burgerlike organisasie vir werkgewers, meer spesifiek vir boere in die kommersiële landbousektor. Omdat Cosatu werknemers verteenwoordig, diegene wat werk het en nié die werkloses nie, is hul siening oor grondhervorming baie nader aan ons siening as dié van die ANC,” sê Moller.
Patrick Craven, Cosatu-woordvoerder, sê grondhervorming moenie net oor eienaarskap gaan nie, maar so toegepas word dat grond steeds optimaal vir produksie benut word.
“Dit was ’n historiese gebeurtenis omdat ons voorheen verskeie meningsverskille gehad het.
“Daar is steeds verskille, maar ’n nuwe waardering vir gedeelde bekommernisse,” sê Craven.