Bekende skrywer aangeval

2012-09-21 09:57

“Dit het gevoel soos ’n goedkoop fliek. Dis asof jy nie glo wat jy sien nie.”

So het die bekroonde skrywer Chris Barnard (73) die aanval op hom in sy opstal op die familieplaas Thuli naby Mataffin in die Nelspruit-omgewing beskryf.

Hy het byna 12 uur lank aan ’n stoel vasgemaak op die vloer gelê voordat hy bevry is.

Barnard is Dinsdag omstreeks 19:30 in die huis oorval terwyl hy TV gekyk het.

Die vier gemaskerde en gewapende rowers het ’n klein ruitjie van ’n houtraamvenster uitgehaal.

Hulle het toe die diefwering afgebreek en deur die venster geklim.

“Die nuus en weervoorspelling op kykNET was net klaar toe daar twee mans met rewolwers voor my staan,” het hy gister vertel.

Hulle het sy hande met draad vasgebind.

“Eers toe ek nog twee mans agter die voorstes sien, het ek geweet hierdie is nie ’n goedkoop fliek nie.”

Hoewel hy in ’n stadium in die gesig geslaan is, het hy net ligte beserings in die rooftog opgedoen.

Donkerblou skaafmerke om sy gewrigte wys waar die stuk draad hom gekneus het.

Sy bene is met een van sy eie hemde vasgebind.

Een rower het hom aangehou terwyl die ander drie die hele opstal byna twee uur lank omgedop het op soek na goed om te steel.

Hulle het selfs R150 wat in Barnard se broeksak was, gevat.

Verskeie huishoudelike items en kos is gesteel en op Barnard se rooi Isuzu-bakkie gelaai.

Daaronder is sy rekenaar waarop baie van sy draaiboeke en ander skryfwerk was, asook ’n brandkluis met twee vuurwapens daarin.

Die rowers het die kluis uit die muur gebreek.

Selfs Barnard se dubbelbed is gesteel.

Om een of ander rede het die rowers die bed egter by die plaashek afgegooi toe hulle gevlug het.

Voordat hulle gevlug het, het hulle Barnard se arms en polse met skoenveters en plastiekkabels aan die stoel waarop hy gesit het, vasgemaak.

Sy bene is aan die stoelpote vasgemaak.

Nadat die rowers weg is, het hy homself probeer bevry.

In die gestoei het die stoel se rugleuning selfs gebreek. Hy het die stoel later omgekantel om te probeer loskom.

“Toe lê ek maar so op die grond en wag vir my werkers om op te daag.”

Toe dit lig word, het hy om hulp begin roep en het drie van sy werkers hom bevry.

Die polisie en paramedici is ontbied.

Hy is op die plaas behandel, maar het geweier om hospitaal toe geneem te word.

Barnard se vrou, Katinka Heyns, was nie ten tyde van die aanval op die plaas nie.

Sy vier vandag haar 65ste verjaardag.

Barnard, as skrywer, en Heyns, as regisseur, is tans weer in die nuus weens die sukses van Die Wonderwerker, ’n rolprent oor Eugène Marais.

Kol. Gerrie Agenbag, speurtakbevelvoerder, het gesê ’n taakspan is aangestel om die aanval op Barnard te ondersoek.

Hy het enigiemand met inligting oor die aanval of die gesteelde bakkie, met die registrasienommer DBZ 231 MP, gevra om hom by 082-556-5308 te kontak.

Lees Rapport se kommentaarbeleid

Lewer kommentaar op hierdie artikel
1 reaksie
Lewer kommentaar
Kommentaar 0 oorblywende karakters

binne rapport

Weer
Ksd: 10-18°C High level clouds. Mild. Pta: 2-21°C Sunny. Mild.
Jhb: 3-16°C Sunny. Refreshingly cool. Bfn: 0-19°C Morning clouds. Mild.
Dbn: 7-22°C Sunny. Mild. PE: 11-18°C High level clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Good Morning, Mr Mandela van Zelda la Grange

Good Morning, Mr Mandela vertel die uitsonderlike verhaal van hoe ’n jong vrou se lewe, oortuiginge, vooroordele en alles waarin sy eens geglo het verander is deur die grootste man van haar tyd. Nou R221. Plaas jou voorafbestelling nou!

Bespaar 25% op die gewildste 25 boeke!

Kry 25% afslag op die topverkoperboeke, wat insluit Low-Carb Living for Families, The Book Thief, How to Train Your Dragon en nog baie meer. Koop nou!

Tot 60% afslag met die opruimingsverkoping!

Bespaar tot 60% op toestelle, boeke, elektroniese ware, speelgoed, flieks en nog baie meer. Aanbod geldig solank voorraad beskikbaar is. Koop nou!

Nuwe Afrikaanse uitreikings

Sien jy uit na die nuutse Afikaanse titels? ’n Vuurwarm verskeidenheid boeke is beskikbaar by kalahari.com. Bestel nou!

Soos gesien op TV – Nuwe gobii-slimfone vanaf R999!

’n Kamera aan die voor- en agterkant, tweeledige SIM-verrigting en 200MB se GRATIS Cell C-data elke maand vir 12 maande, is maar net ’n paar van die eienskappe van dié slimfone. Kry joune nou! Koop hier.

Besoek www.kalahari.com vir miljoene boeke, musiek, DVD's, games & meer!