Biografie sê Motlanthe wil JZ onttroon

2012-10-07 00:20

Lesersfoto’s Stuur vir ons jou foto's  ·  Stuur vir ons jou foto's

Adj.pres. Kgalema Motlanthe spreek sy ongelukkigheid met pres. Jacob Zuma se prestasie as staatshoof uit in ’n nuwe biografie, wat volgens sy ondersteuners ook wys dat Motlanthe gereed is om ­Zuma te takel in Mangaung.

Motlanthe het tot nog toe geweier om openlik te verklaar of hy Zuma gaan uitdaag om die leierskap van die regerende party by die ANC se verkiesingskongres einde vanjaar.

Die boek Kgalema Motlanthe: A Political Biography werp meer lig op die ietwat geheimsinnige politikus en is geskryf deur die oudvakbondleier Ebrahim Harvey.

Dit word in die komende week amptelik bekendgestel.

Die ANC-jeugliga, wat die afgelope week sy steun aan Motlanthe toegesê het, sê die laaste hoofstuk wys Motlanthe sal hul benoeming aanvaar.

Motlanthe se kommer oor en teleurstelling in Zuma se leierskap word in die hoofstuk “A rough run-up to Mangaung” onthul.

Hierin skryf Harvey Motlanthe het gehoop Zuma se administrasie sal die “verskeie groot probleme in die party en regering” oplos. Dit het egter nie gebeur nie.

Motlanthe het ook nie die besluit gesteun om Julius Malema, geskorste jeugligaleier, uit die party te gooi nie. “Ons het die boek gesien en die laaste hoofstuk wys presies wat hy (Motlanthe) wil hê. Dit is ook wat ons wil hê,” het Abner Mosaase, jeugliga-woordvoerder, gesê.

Volgens hom sal die jeugliga begin steun werf vir Motlanthe.

“Kgalema het nie ’n veldtog nie. Ons sal die veldtog dryf totdat die ANC-strukture besluit die tyd is reg vir hom om te staan.”

Harvey het in ’n onderhoud bewerings ontken dat die boek juis nou bekendgestel word om saam te val met die benoemingsproses vir Mangaung.

“Dit is blote toeval.”

Hy het drie jaar lank aan die boek gewerk en meer as 180 uur aan onderhoude met Motlanthe bestee.

Harvey meen Motlanthe “sal waarskynlik” Zuma se leierskap uitdaag as ANC-takke hom benoem. Hy het beklemtoon dat die ANC-leiersverkiesing ’n proses is wat op voetsoolvlak begin.

Verskeie Motlanthe-ondersteuners het ook die afgelope week gesê hulle wil nie nou oop kaarte speel nie uit vrees vir intimidasie.

Die ANC het die afgelope week aangekondig dat KwaZulu-Natal, waar Zuma se grootste steun lê, 974 van die sowat 4 500 stemgeregtigde afgevaardigdes na Mangaung sal stuur.

Die kanse word intussen ook al hoe skraler dat Zuma en Motlanthe tot ’n vergelyk kan kom, het ’n Zuma-ondersteuner op die NUK gesê.

Die wantroue tussen die twee leiers verdiep en daar is groot druk uit die Zuma-kamp dat Motlanthe sy planne rugbaar maak.

“As Motlanthe ’n ware leier is, sal hy nou sê of hy ’n benoeming sal aanvaar,” het die Zuma-ondersteuner gesê.

As gewone mense kon kies

As alle Suid-Afrikaners die land se volgende president by die stembus kon kies, sou adj.pres. Kgalema Motlanthe wen in die stede en pres. Jacob Zuma landwyd, maar met ’n klein meerderheid, volgens die jongste meningspeilings.

Volgens ’n opname deur Ipsos Markinor staan Zuma se steun landwyd op 6,1 uit 10 punte, teenoor Motlanthe se 5,2. Die president se steun styg egter tot 7,1 onder ANC-lede. 3?500 mense het aan die peiling deelgeneem.

Die jongste beskikbare syfers van TNS Re­search Surveys wys Motlanthe het die steun van 39% van stedelinge teenoor Zuma se 32%. Mmanaledi Mataboge



Lees Rapport se kommentaarbeleid

Lewer kommentaar op hierdie artikel
14 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 12-20°C Sunny. Mild. Pta: 6-23°C Sunny. Mild.
Jhb: 4-18°C Sunny. Mild. Bfn: 3-22°C Sunny. Mild.
Dbn: 10-25°C Sunny. Mild. PE: 15-26°C Sunny. Warm.
7-dag-voorspelling...

Betrekkinge - Vind jou droomwerk

Site Superintendent

Johannesburg
DAV Professional Placement Group
R800 000 - R900 000 Per Year

Web and Content Manager

Johannesburg
People Source (Pty) Ltd

Senior Data Analyst/Business Advisor

Randburg
DAV Professional Placement Group
R600 000 - R700 000 Per Year

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!