VIDEO: ‘Boere-ninja’ lei regses op

2012-12-22 13:57



’n “Generaal” in ’n verregse selfbeskermingsbeweging wat homself die “Boere-ninja” noem, is ’n sleutelkarakter in die vermeende regse komplot om die ANC-leierskap uit te wis.

Jaco Scherman, die eienaar van Panzer Protection in Springs aan die Oos-Rand en ’n polisiereservis, het aan Rapport erken hy het twee van die vier mans opgelei wat die afgelope week in Bloemfontein in die hof verskyn het in verband met planne om die ANC-leierskap te vermoor.

Scherman ontken hy was by terreurplanne betrokke, maar ’n regse boervrou wat in die tronk sit, sê ammunisie en plofstof wat die polisie in Mei vanjaar op haar plaas gekry het, behoort aan Scherman.

Cornelia de Wet het die afgelope week uit die Middelburg-ge­vangenis aan Rapport gesê sy was ’n lid van Scherman se verregse groep.

Terreurdade is glo in haar teenwoordigheid beplan.

Sy sê sy het kort voor haar inhegtenisneming uit die organisasie bedank en die polisie later van die groep se bestaan vertel.

Kort daarna het die polisie toegeslaan op die plaas Kwaggafontein naby Carolina in Mpumalanga en die 36-jarige De Wet, ’n ma van drie, in hegtenis geneem.

Die polisie het na bewering onder meer R1-patrone, -slagdoppies en Cortex-draad daar gekry en is daarvan oortuig dat die plaas gebruik is vir die opleiding van verregses deur onder andere Scherman.

De Wet se saak kom weer in Januarie voor.

“Scherman se Panzer-maatskappy is niks anders nie as ’n front om regses vir oorlog en terreur op te lei,” sê De Wet.

Scherman het nie gereageer op De Wet se aantygings nie, maar het ontken dat hy regses vir ’n staatsgreep oplei.

De Wet erken egter sy was betrokke by planne om onder meer skole in swart buurte en taxi-staanplekke op te blaas.

De Wet was ’n lid van Leeuwag en die Boere-beskermingsforum (BBF), albei verregse, militante bewegings waarin Scherman ’n generaal is.

Die leier en stigterslid van die BBF is Johan Prinsloo, een van die vier geswore verregse saboteurs wat die afgelope week deur die polisie in hegtenis geneem en van terrorisme en verraad aangekla is.

Prinsloo, Mark Trollip, Hein Boonzaaier en Martin Kevy het in die hof in Bloemfontein verskyn omdat hulle na bewering die ANC-konferensie met mortiere wou opblaas.

Die staat beweer daar was ook ’n plan om Zuma, ministers en ander ANC-hooggeplaastes van naby te skiet.

Die mans se verhoor is tot 8 Januarie uitgestel vir ’n aansoek om borgtog.

De Wet sê die verregses wou in Januarie vanjaar reeds mortiere afvuur in die Vrystaat-stadion in Bloemfontein waar die ANC sy 100ste bestaansjaar gevier het.

Hulle kon toe nie mortiere in die hande kry nie en het hul visier verskuif na die ANC-konferensie wat die afgelope week op die kampus van die Universiteit van die Vrystaat gehou is.

Scherman erken sy bande met Prinsloo en Boonzaaier, maar ontken dat hy enigiets van hul planne geweet het.

“Dis waar dat ek opleiding aan hierdie manne gegee het,” sê hy. “Ek het hulle in close combat en dié soort van goed opgelei.”

Scherman het bewerings ontken dat hy ingestem het om ’n staatsgetuie te word en Donderdag deur die polisie ondervra is.

Johan Lubbe, ook ’n verregse, sê die Mangaung-groep het openlik oor hul terreurplanne gespog.

Die organisasies Leeuwag en die BBF het glo sowat 200 gewapende, opgeleide mans wat hul lippe vir ’n staatsgreep aflek. Op Facebook spog Scherman met Panzer se “nood-reaksiespan”, die Buffels, wat volgens De Wet “tot die tande toe” gewapen is.

* Die polisie het aanvanklik ingestem, maar toe versuim om kommentaar te lewer.

* Trollop het later skuldig gepleit op sameswering, Keevy was ongeskik verklaar en alle klagtes teen Hein Boonzaaier is teruggetrek. Teen Mei 2014 was Prinsloo se verhoor steeds onderweg. 

Lees Rapport se kommentaarbeleid

Lewer kommentaar op hierdie artikel
110 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 10-18°C High level clouds. Mild. Pta: 2-21°C Sunny. Mild.
Jhb: 3-16°C Sunny. Refreshingly cool. Bfn: 0-19°C Morning clouds. Mild.
Dbn: 7-22°C Sunny. Mild. PE: 11-18°C High level clouds. Mild.
7-dag-voorspelling...

Betrekkinge - Vind jou droomwerk

Admin Officer

Johannesburg
Mobile Recruitment
R10 000 - R12 000 Per Month

Personal Assistant

Port Elizabeth
Mobile Recruitment
R9 000 - R13 000 Per Month

Transport Administrator

Harbour
Mobile Recruitment
R8 000 - R10 000 Per Month

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Good Morning, Mr Mandela van Zelda la Grange

Good Morning, Mr Mandela vertel die uitsonderlike verhaal van hoe ’n jong vrou se lewe, oortuiginge, vooroordele en alles waarin sy eens geglo het verander is deur die grootste man van haar tyd. Nou R221. Plaas jou voorafbestelling nou!

Bespaar 25% op die gewildste 25 boeke!

Kry 25% afslag op die topverkoperboeke, wat insluit Low-Carb Living for Families, The Book Thief, How to Train Your Dragon en nog baie meer. Koop nou!

Tot 60% afslag met die opruimingsverkoping!

Bespaar tot 60% op toestelle, boeke, elektroniese ware, speelgoed, flieks en nog baie meer. Aanbod geldig solank voorraad beskikbaar is. Koop nou!

Nuwe Afrikaanse uitreikings

Sien jy uit na die nuutse Afikaanse titels? ’n Vuurwarm verskeidenheid boeke is beskikbaar by kalahari.com. Bestel nou!

Soos gesien op TV – Nuwe gobii-slimfone vanaf R999!

’n Kamera aan die voor- en agterkant, tweeledige SIM-verrigting en 200MB se GRATIS Cell C-data elke maand vir 12 maande, is maar net ’n paar van die eienskappe van dié slimfone. Kry joune nou! Koop hier.

Besoek www.kalahari.com vir miljoene boeke, musiek, DVD's, games & meer!