Boere staal hulle vir staking

2013-01-08 12:16

KAAPSTAD. – Die Wes-Kaap staal hom vir ’n hernude landboustaking oor plaaswerkerlone.

Dié dreigende staking kan plase weer verlam midde-in een van die besigste tye vir die vrugtebedryf.

Die aanvanklike staking verlede jaar het tot miljoene rande se skade en selfs lewensverlies gelei.

Vakbondverteenwoordigers het gesê egter as boere nie voor môre ’n behoorlike loonaanbod maak nie, sal die staking onbepaald hervat word.

Landbou-organisasies het gesê hulle sal nie toegee aan eise of dreigemente van werknemers of vakbondorganisasies nie.

Dr. Theo de Jager, visepresident van AgriSA, het gesê dié organisasie se lede voel daar moet gehou word by die amptelike prosedures waarvolgens lone vasgestel word. “Ons kan nie buite dié prosesse gaan nie. As ons dit doen, sit ons elke jaar met soortgelyke staking­aksies.”

Plaaswerkers se daglone is reeds deur die minister van arbeid tot einde Maart vanjaar op R69,42 per dag vasgestel. Vakbonde sê werkers soek egter ’n minimum dagloon van R150.

Die departement van arbeid en ander rolspelers is tans besig met ’n sektorale vasstellingsproses wat ’n nuwe minimum loon vir die landboubedryf vasstel.

Enige nuwe loon sal egter waarskynlik eers op 1 April in werking kan tree. Vakbonde en plaaswerkerorganisasies eis egter dat ’n hoër minimum loon dadelik van krag moet wees.

Tony Ehrenreich, Wes-Kaapse sekretaris van Cosatu, het gesê die sektorale vasstellingsproses sal net help om lone vir die nuwe jaar (van April) vas te stel.

“Maar niks verhoed werkers om nou vir beter lone te onderhandel nie. Enigiemand kan onderhandel. Die boere maak nou baie geld, maar die werkers moet met die minimum klaarkom.”

Cosatu het gister met die departement van arbeid vergader.

Musa Zondi, woordvoerder vir die minister van arbeid, het gesê ’n oplossing moet deur onderhandelings gevind word. Hy het gesê die departement meen die onderhandelingsproses buite die sektorale vasstellingsproses is in orde.

“Die landboubedryf is nie soos ander bedrywe nie. Net sowat 6% van werkers behoort aan vakbonde, dus is dit moeilik om te bepaal wat werkers se behoeftes is.”

De Jager het gesê Agri SA se lede het aangedui hulle is bereid om “die hou nou op die neus te vat”.

“Die boere besef te goed as die amptelike prosesse nou ondermyn word, kan dié soort stakings dikwels onbeheerd uitbreek, soos ’n mens nou sien in ander sektore soos die mynbousektor. Die streep moet egter nou in die sand getrek word.”

- Die Burger

Lees Rapport se kommentaar beleid

Lewer kommentaar op hierdie artikel
1 reaksie
Lewer kommentaar
Kommentaar 0 oorblywende karakters

binne rapport

Weer
Ksd: 13-20°C Sunny. Mild. Pta: 11-22°C Sunny. Mild.
Jhb: 7-16°C Sunny. Refreshingly cool. Bfn: 7-16°C Sunny. Cool.
Dbn: 13-23°C Showers late. Morning clouds. Mild. PE: 11-20°C Heavy rain. Morning clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Spesiale aanbiedinge vir Moedersdag!

Bederf Ma met dié ongelooflike spesiale aanbiedinge wat haar hart sal laat vermurwe. Koop nou!

Parfuumwinskopies vir Moedersdag!

Bederf Ma met spesiale parfuumwinskopies en geskenkpakke vir Moedersdag. Aanbod geldig solank voorraad beskikbaar is. Koop nou!

Oefen sonder dat dit ’n plaas se prys kos

Tot 30% afslag op alle toerusting vir joga, om jou fiksheid te verbeter en jou spiere sterker te maak. Aanbod geldig solank voorraad beskikbaar is. Koop nou!

RYOBI-gereedskap

Gee uiting aan jou innerlike DDS-geesdrif met RYOBI-gereedskap. Koop nou!

Spesiale aanbiedinge vir Moedersdag!

Bederf Ma met dié ongelooflike spesiale aanbiedinge wat haar hart sal laat vermurwe. Koop nou!

Besoek www.kalahari.com vir miljoene boeke, musiek, DVD's, games & meer!