‘Boeremag-lokval’

2012-10-09 10:11

Polisie-spioene het glo bewyse geplant, Boeremaglede uitgelok en aangehits om misdrywe te pleeg, word in ­nuwe beëdigde verklarings beweer.

Verder word beweer die beskuldigdes en hul regsverteenwoordigers is tydens aanhouding deur misdaadintelligensie afgeluister.

Altesame 20 Boeremag-samesweerders is reeds aan hoogverraad skuldig bevind in die hooggeregshof in Pretoria.

Prof. Pierre de Vos, ’n grondwetkenner, sê indien die bewerings onder eed die waarheid is, kan die Boeremag-saak nietig verklaar word. Die beskuldigdes kan dan selfs vrygelaat word.

Die hofsaak duur al nege jaar en kos sowat R100 miljoen. Die hofrekord beloop 50 000 bladsye en bewysstukke is in verskeie stoorkamers verpak. Die staat het sover 159 getuies geroep.

Media24 se ondersoekspan het onafhanklik ’n afskrif van ’n beëdigde verklaring deur ’n voormalige intelligensie-eenheid-offisier bekom waarin spesifieke bewerings gemaak word.

Dít sluit in polisie-onderduimsheid en die beskikbaarstelling van plofstowwe aan die samesweerders.

’n Vooraanstaande advokaat van Pretoria het die afgelope week bevestig hy tree op vir “senior en betroubare” polisielede wat in beëdigde verklarings uiteensit hoe misdaadintelligensie die Boeremag-beskuldigdes aangehits, mislei en uitgelok het.

Die advokaat, wat as gevolg van die sensitiwiteit van die saak anoniem wil bly, het gesê hy het die owerheid reeds ingelig en die verklarings aan hulle oorhandig.

Media24 se ondersoekspan het ’n beëdigde verklaring in sy besit wat in Augustus deur kapt. Deon Loots, ’n voormalige misdaadintelligensie-offisier, gemaak is.

Hierin word huidige en voormalige misdaadintelligensie-offisiere uitgewys wat volgens Loots ’n veldtog teen die Boeremag gevoer het.

Hy beweer ook afluistertoestelle is geplant in die beskuldigdes se selle en vertrekke waar hulle met hul regsverteenwoordigers gekonsulteer het.

Hy sê die polisielede – almal wit – wou hul toekoms by die “nuwe bestuur” van die polisie verseker en het die Boeremag-ondersoek hiervoor gebruik.

Loots sê in sy verklaring dat hy sedert 1994 namens misdaadintelligensie die regtervleuel ondersoek het.

Hy het die polisie-agent JC Smit gewerf en hanteer wat die Boeremag ge-infiltreer het en die hoofstaatsgetuie was. Sy getuienis is deur die regter as geloofwaardig beskryf.

Loots sê hy glo nie al die Boeremag-lede was onskuldig nie, maar dat die groep deur misdaadintelligensie se agente uitgelok en aangehits is.

Hy sê die berugte “Dokument 12”, wat deur die hof bestempel is as die Boeremag se meesterplan vir ’n gewelddadige staatsgreep deur regses, is op sy eie rekenaar getik en aan geskaaf voordat dit aan die Boeremag gegee is.

Die hof het bevind die Boeremag-leier, Mike du Toit, was in besit van “Dokument 12” en dat hy dit bespreek en onder ander samesweerders versprei het.
“Die Boeremag was aangedryf, georkestreer en beheer deur polisielede.

“Regses was aangehits om die regte klimaat te skep,” sê Loots.

Paul Kruger, ’n prokureur wat vir 13 van die Boeremaglede optree, sê die verdedigingspan het heeltyd vermoed dat daar na hul samesprekings geluister is.

’n Afluistertoestel is in Desember 2003 in die sel van die beskuldigde Lets Pretorius in die Pretoria-Sentraal-gevangenis se maksimum veiligheidsafdeling gevind. Kruger het ’n beëdigde verklaring bekom waarin ’n tronkbewaarder dit bevestig het.

Twee kenners het ook bevestig dat dit ’n hoogs gesofistikeerde en sensitiewe toestel is wat in goeie werkende toestand was.

* Toe hy die afgelope week gevra is waarom hy nou eers besluit het om die beëdigde verklaring te maak, het Loots gesê dat hy jare lank probeer het om sy bewerings onder die aandag van sy meerderes te bring, maar telkens weggewys is.
Die polisie het onderneem om teen eergister op die bewerings te reageer, maar hulle het tot gisteraand in gebreke gebly om kommentaar te lewer.

* Lees ook hier.

Lees Rapport se kommentaarbeleid

Lewer kommentaar op hierdie artikel
42 reaksies
Kommentaar is gesluit vir hierdie artikel

binne rapport

Weer
Ksd: 11-14°C Numerous showers. Morning clouds. Cool. Pta: 7-26°C Sunny. Pleasantly warm.
Jhb: 9-21°C Sunny. Mild. Bfn: 2-15°C Mostly sunny. Refreshingly cool.
Dbn: 12-23°C Partly cloudy. Mild. PE: 10-21°C Showery. Mostly cloudy. Mild.
7-dag-voorspelling...

Betrekkinge - Vind jou droomwerk

call centre

Randburg
ADY STAFFING

Tool & Die Maker

Durban Southern Suburbs
Ubusha Recruitment (Pty) Ltd

Sales Administrator

Johannesburg
Corporate Business Security, a well established electronic security business based in JHB requires a
R9 000 - R11 000 Per Month

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!