‘Boeremag-saak was nooit regverdig’

2012-10-08 07:09

Die voormalige misdaadintelligensie-offisier kapt. Deon Loots beweer die polisie het ’n Boeremag-insypelaar opgelei in die gebruik van plofstof met die doel dat hy dit later aan die hoogverraad-samesweerders sou oordra.

Loots was die werwer en hanteerder van die polisie-agent JC Smit, wat die Boeremag geïnfiltreer en later hoofstaatsgetuie geword het.

Loots sê Smit was in sy (Loots se) huis opgelei in hoe om plofstof te gebruik. Die doel daarvan was dat hy die Boeremaglede moes wys hoe om plofstof te vervaardig en gebruik.

’n Bom wat die Boeremag gemaak en geplant het, het die dood van ’n vrou veroorsaak.

Loots werp meer lig op “Dokument 12”, die meesterplan wat die kern van die saak teen die aangeklaagdes is en as die bloudruk van die samesweerders beskou word.

“Die dokument was sedert die aanvang van die ondersoek op my skootrekenaar aangepas en verander en deur ’n ander polisieman reggeskaaf. Die dokument het nie onder die regses ontstaan nie, maar is aan hulle opgedis,” sê Loots in ’n beëdigde verklaring.

Hy sê afluistertoestelle en mini-video-opnemers is in die selle van die beskuldigdes, die hofselle en die konsultasiekamers geïnstalleer om hulle te monitor. Volgens hom is ’n senior polisie-offisier na die VSA om die jongste tegnologie hiervoor aan te koop.

“Ek het persoonlik die monitors dopgehou terwyl die aangeklaagdes die saak en getuienis met hul regsverteenwoordigers bespreek het.”

Hy sê alles was op ’n rekenaar en is versend na ’n plek wat in misdaadintelligensie se hoofkantoor in Erasmuskloof in Pretoria as die “oorlogskamer” bekend gestaan het.
Loots sê dit het die vervolgingseenheid in staat gestel om altyd een stap voor die verdediging te wees en sodoende hul strategie teen te werk.

“Die saak was nooit regverdig nie en die vertrouensposisie tussen aangeklaagde en regsverteenwoordiger was hierdeur geskend,” sê Loots.

Hy sê geen van die staatsgetuies, veral die agente en polisiemanne, het hul eie beëdigde verklarings opgestel nie. Die weergawes is volgens hom deur ’n senior intelligensie-offisier verander om te sorg dat dit die gebeure bevestig. Daarna moes hulle dit soos “papegaaie” onderteken.

Loots sê hy het die polisie aan die einde van 2001 verlaat, maar het aangebly as die agent wat Smit hanteer het. Sy huwelik met ’n ander offisier het hom toegelaat om tot 2010 te weet wat in die binnesirkel aangaan.

Lees Rapport se kommentaar beleid

Lewer kommentaar op hierdie artikel
98 reaksies
Kommentaar is gesluit vir hierdie artikel

binne rapport

Weer
Ksd: 16-26°C Sunny. Warm. Pta: 12-21°C Showers early. Mostly cloudy. Mild.
Jhb: 8-18°C Morning clouds. Mild. Bfn: 8-21°C Broken clouds. Mild.
Dbn: 14-22°C More sun than clouds. Mild. PE: 13-23°C Sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Storieman Omnibus 6

Storieman 6 van Leon Rousseau. Beskikbaar 30 April. Plaas jou voorafbestelling nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

kalahari.com se #1 topverkoperproduk

gobii se e-leser + GRATIS muurlaaier en kunsleeromhulsel nou R599, bespaar R340. Aanbod geldig solank voorraad beskikbaar is. Koop nou!

25% op nuwe en topverkoperflieks

Kies uit gewildste titels soos Despicable Me 2, Gravity, Frozen, The Hunger Games: Catching Fire en nog baie meer. Aanbod geldig solank voorraad beskikbaar is. Koop nou!

Nuwe boekuitreikings!

Kom loer na die opwindende boeke wat ons so pas uitgepak het. Titels sluit in David & Goliath van Malcom Gladwell, The Goldfinch van Donna Tartt en nog baie meer. Koop nou!

DVD’s vir minder as R100

Kry hierdie epiese trefferflieks vir minder as R100. Titels sluit in Frozen, Despicable Me 2, About Time, The Animal Communicator en nog baie meer. Koop nou!

Besoek www.kalahari.com vir miljoene boeke, musiek, DVD's, games & meer!