Borrie dokter oud-Bok glo perdfris

2010-02-13 23:17

Hy is blakend gesond met die hulp van sy daaglikse dosis kruie en speserye, sê die oud-Springbok Rob Louw.

Lesersfoto’s Stuur vir ons jou foto's  ·  Stuur vir ons jou foto's

Die oud-Springbok-rugbyspeler Rob Louw – tot onlangs toe nog ernstig siek weens kanker – eet borrie om te lewe.

In November en Desember verlede jaar is Louw (54) met die hulp van die sakemagnaat Johann Rupert in Houston, Texas, vir metastatiese melanoom, ’n aggressiewe velkanker, behandel.

Die personeel by die M.D Anderson-kankersentrum het hom vertel van ’n “wonderboek” oor kankerbestryding – Anticancer: A New Way of Life, deur David Servan-Schreiber.

Louw het dit gelees en dit het sy lewe verander.

Hy is nou terug by die huis en oënskynlik springlewendig en gesond – en hy skryf dit toe aan die boek.

“Dit gaan goed en ek is positief. Ek word volgende week weer getoets of ek kankervry is,” sê hy.

Louw het die afgelope Vrydag na sy huis in Durbanville teruggekeer nadat hy ’n paar dae iewers aan die kus gaan branderplankry het.

Servan-Schreiber se raad – om veral borrie, asook swartpeper en groentee – by jou daaglikse dieet in te sluit, is ’n leefwyse vir die hele Louw-gesin.

“Ons eet so twee, drie keer per week kerrie, hoofsaaklik om die borrie in te kry,” vertel Louw. “Ons hou in elk geval baie van kerrie.”

En dan is daar Louw se “perfekte kon­kok­sie – nie lekker nie, maar goed vir ’n mens”: Dis om soggens vroeg groentee, gemeng met borrie en swartpeper, te drink. Die tee moet minstens 10 minute trek, sê hy.

“Gooi ’n bietjie lemoen by as dit te sleg is. Of gooi die borrie en swartpeper in sop of by vis.”

Louw se oudste dogter, Roxy, ’n model en kranige branderplankryer, drink daagliks saam met haar pa dié mengsel. Die swartpeper help glo dat jou liggaam die borrie beter absorbeer.

Volgens Louw het ’n kankernavorser aan hom vertel navorsing word nou gedoen oor borrie se kankerwerende eienskappe.

Daar is ook bevind die voorkoms van kanker in Indië is laag, moontlik vanweë die ruim gebruik van dié spesery daar.

Servan-Schreiber se boek is soos ’n gesondheidsbybel in hul huis, sê Louw se vrou, Azille.

Sy vertel Servan-Schreiber, ’n wetenskaplike en dokter, het 15 jaar gelede breinkanker opgedoen.

Saam met die mediese wetenskap, het hy besluit, moet die liggaam se natuur­like vermoë om kanker te beveg ook ingespan word.

Servan-Schreiber verduidelik in besonderhede hoe en waarop kankerselle floreer, soos onder meer witmeel en verfynde suiker, en watter voedingstowwe die groei daarvan teëwerk.

“Dit draai alles om die liggaam se immuunstelsel en hoe om dit op te bou. Kankerselle is in ons almal teenwoordig en ons moet verhinder dat dit floreer,” sê Azille.

Oor witsuiker en witmeel voel Rob sterk. “Los dit uit. Dis dodelik.”

Dit is geen wondermiddel, waarsku kenner
Borrie is nie ’n wondermiddel teen siektes nie. So ’n aanspraak sou sensasioneel en pseudo-wetenskaplik wees “omdat die sogenaamde gesondheidsvoordele van kruiemiddels altyd gesien moet word binne die konteks van ’n gebalanseerde dieet en lewenstyl,” sê dr. Dawie van Velden, deeltydse lektor aan die fakulteit gesondheidswetenskappe aan die Universiteit van Stellenbosch.
Van Velden is ’n kenner van holistiese gesondheidsorg en ’n wetenskapsverslaggewer.
“?’n Dieet wat ryk is aan plantaardige produkte beskerm die mens teen chroniese siektes soos kardiovaskulêre siektes, kanker en diabetes,” verduidelik hy. “Dit stimuleer genesing en bevat anti-inflammatoriese en anti-karsinogeniese eienskappe.”
Van Velden sê hartsiektes word nie veroorsaak deur cholesterol nie, “maar daar is êrens in die liggaam ’n inflammatoriese reaksie aanwesig wat byvoorbeeld die endoteel van die bloedvate beskadig”.
Volgens hom hang die uitwerking van voedingstowwe op die liggaam ook af van ’n persoon se genetiese samestelling.
“Dis gevaarlik om dieet-komponente in isolasie te sien. Die verskillende fito-chemikalieë werk sinergisties saam om gesondheid te bevorder.
“Die mediese wetenskap skep die indruk dat ‘mono-intervensie’, soos farmakologiese medisyne, siektes kan genees.
“Voeding werk net nie so nie. Dit is dus ’n kombinasie van verskillende faktore wat ’n rol kan speel in die uitwerking wat dit op die liggaam het.”
Borrie blyk wel voordelige eienskappe te hê, sê Van Velden, maar is geensins ’n “wondermiddel” soos dit dikwels deur tradisionele genesers beskryf word nie.

- Rapport

Lees Rapport se kommentaarbeleid

Lewer kommentaar op hierdie artikel
22 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 12-20°C Sunny. Mild. Pta: 6-23°C Sunny. Mild.
Jhb: 4-18°C Sunny. Mild. Bfn: 3-22°C Sunny. Mild.
Dbn: 10-25°C Sunny. Mild. PE: 15-26°C Sunny. Warm.
7-dag-voorspelling...

Betrekkinge - Vind jou droomwerk

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!