Breytenbach bedryf g’n stalle, hoor tugverhoor

2012-07-28 23:56

Die geskorste teenkorrupsie-advokaat Glynnis Breytenbach word daarvan aangekla dat sy ’n “perdestal-onderneming” bedryf het.

Maar dié “onderneming” is teen ’n verlies bedryf: Breytenbach het na ’n vriend se perd gekyk en R1 000 per maand uit haar eie sak betaal om die perd te voer.

Die perd is intussen dood.

Dit was een van die onthullings die afgelope week deur adv. Wim Tren­gove SC, wat Breytenbach in haar tugverhoor verteenwoordig, in vuurwarm kruisondervraging van die ondersoeker Hercules Wasserman.

City Press, Rapport se susterkoerant, verneem Wasserman se getuienis is die ruggraat van die nasionale vervolgingsgesag (NVG) se saak teen Breytenbach.

Nóg die waarnemende NVG-hoof, adv. Nomgcobo Jiba, wat Breytenbach se skorsingsbrief geteken het, nóg Breytenbach se baas, adv. Lawrence Mrwebi, gaan teen haar getuig.

Twee van die aanklagte teen Breytenbach hou verband daarmee dat sy nie haar ongemagtigde inkomste uit die “bedryf van ’n perdestal-onderneming” en die verhuring van ’n woonstel geopenbaar het nie.

Trengove het gesê Breytenbach het die perd op stal gehou vir ’n vriend se seun en “sy het hulle net R1 000 gevra, want dit was al wat hulle kon bekostig”.

“Dit het adv. Breytenbach in werklikheid R2 000 per maand gekos (om die perd op stal te hou),” het Trengove gesê.

Hy het dit aan Wasserman gestel dat die aanklagte “simptomaties was van die ywer” waarmee die NVG Breytenbach vervolg het.

Trengove het Wasserman ook daarvan beskuldig dat hy deur Breytenbach se e-posse gegaan het om verdere aanklagte teen haar te vind.

Hy het gesê aanklagte met betrekking tot die media en haar ekstra inkomste het niks te doen gehad met die klag oor Imperial Crown Trading (ICT) nie.

Breytenbach word daarvan beskuldig dat sy NVG-beleid oortree het deur hulp te aanvaar van adv. Mike Hellens, wat vir die klaer – Kumba Iron Ore – in die ICT-ondersoek opgetree het.

Breytenbach beweer egter dat die 15 dissiplinêre klagtes teen haar ’n poging is om die voormalige misdaadintelligensiehoof Richard Mdluli teen vervolging te beskerm.

Wasserman het in kruisverhoor verskeie kere verwys na “regsamptenare” wat nog sal getuig oor die opstel van die aanklagte en die verdere ondersoek van ’n klag teen Breytenbach deur ICT.

Die oorspronklike getuielys bevat net die name van Wasserman, twee ondergeskikte ondersoekers, die NVG se kommunikasiehoof, Bulelwa Makeke, ICT se regsverteenwoordiger, Ronnie Mendelow, en die ICT-direkteur Archie Luhlabo.

Die NVG behou hom egter die reg voor om verdere getuies te roep.

Wasserman het onder meer die volgende in kruisondervraging toegegee:
* E-posse tussen Breytenbach en die Beeld-joernalis Sonja Carstens – wat meestal oor welsyngeldinsameling gehandel het – het nie enige amptelike inligting oor die NVG bevat nie;
* Wasserman weet nie hoekom ­Jiba Breytenbach se skorsingsbrief geteken het twee dae voor die NVG se spertyd vir Breytenbach om op die beskuldigings teen haar te reageer nie;
* Breytenbach is nie deur die NVG-bestuur besonderhede gegee oor die rede vir haar skorsing nie;
* ’n Berig dat sy media-onderhoude toegestaan het wat die NVG gebruik het om aanklagte teen Breytenbach te regverdig, was eintlik gegrond op wat Breytenbach in ’n beëdigde verklaring vir die arbeidshof gesê het; en
* ’n Forensiese verslag wat die NVG verkry het, wys dat geen inligting voor 30 April, toe Breytenbach geskors is, van haar skootrekenaar geskrap is nie.

Lees Rapport se kommentaarbeleid

Lewer kommentaar op hierdie artikel
15 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 17-25°C Sunny. Mild. Pta: 5-23°C Sunny. Mild.
Jhb: 4-18°C Sunny. Mild. Bfn: 2-21°C Sunny. Mild.
Dbn: 8-22°C Morning clouds. Cool. PE: 13-25°C Sunny. Pleasantly warm.
7-dag-voorspelling...

Betrekkinge - Vind jou droomwerk

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!