Bulle slagpale toe; Nuweland reg vir ’n riller

2012-07-23 05:52

Die ou vraag van wat gebeur as ’n onstuitbare krag ’n onbeweeglike voorwerp teëkom, sal Saterdag op Nuweland beantwoord word wanneer die Sharks die Stormers in Superrugby se halfeindronde aandurf.

Dis ’n Nuwelandse riller-stryd tussen twee Suid-Afrikaanse spanne met die voorspelbare uitkoms dat een plaaslike span klaar seker is van ’n plek in die eindstryd van die Super-reeks.

Die Sharks het hul vorm gevind toe dit saak maak en die Reds gister in Brisbane gemaklik met 30-17 afgestof.

Die ander halfeindstryd sal ’n Nieu-Seelandse derby wees, met die Cru­saders wat die Chiefs in Hamilton sal pak nadat hulle die Bulls gister met ­28-13 slagpale toe gestuur het.

Een man wat onder g’n illusies verkeer dat die Sharks Saterdag ’n paar moeilike vrae van die Stormers se snoep verdediging sal vra nie, is die Kaapse streekspan se afrigter, Allister Coetzee.

Coetzee se griep was gister drie dae oud en hy is bra verlig dat hy môre perdfris sal wees vir ’n week van drama.

“Dit was ’n ongelooflike vertoning deur die Sharks. Hulle het van die begin af ingeklim en hulself ’n kans gegee. Hulle het hulle nie vermoei met stories van vlugflouheid en dies meer nie en ek is seker hulle gaan ook nie die komende week wag om te kyk wat ons doen nie.

“Ek is bly vir die Sharks se onthalwe, maar op die speelveld is dit vir ons om ’t ewe teen wie ons moet speel. Teen die tyd dat jy by die halfeindronde van so ’n uitkloptoernooi kom, is daar orals kwaliteit.

“Ek dink nie daar’s veel te kies tussen die Sharks en die Cru­saders nie: Die een span is Springbokke net waar jy kyk en die ander wemel van die All Blacks,” sê hy.

Dis einste die Sharks en die Cru­saders wat vanjaar met die Stormers kon afreken en eersgenoemde was die enigste span wat drie drieë teen die snoepste verdediging in die kompetisie kon druk.

Saterdag sal óf die Sharks-krag nie meer onwrikbaar wees nie óf die Stormers-verdediging nie meer onbeweeglik nie, maar wat vas staan, is dat die vonke gaan spat voor ons uitvind.

Die Sharks se verdediging teen die Reds was van prima gehalte en die Australiese span het gehik soos hy gelak is.

Keegan Daniel, Sharks-kaptein, het agterna gesê sy span se verdediging het die verskil gemaak. “Dit is wat wedstryde wen en die manne het hul lywe op die spel geplaas. Dit was baie fisiek met harde slae in ’n harde wedstryd.

“Ek dink die spelers sien uit na die stryd teen die Stormers. Ons het laas daar sleg verloor, maar hierdie is eindstryde en as jy met een punt wen, wen jy met ’n punt.”

Lees Rapport se kommentaarbeleid

Lewer kommentaar op hierdie artikel
5 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 13-15°C Numerous showers. More sun than clouds. Cool. Pta: 13-32°C Sunny. Pleasantly warm.
Jhb: 14-26°C Sunny. Pleasantly warm. Bfn: 7-18°C Sunny. Mild.
Dbn: 17-35°C Showers late. Afternoon clouds. Hot. PE: 14-21°C Partly sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!