Charlene inspireer

2012-08-06 06:00

Prins Albert en prinses Charlene wens Graham Hill, Le Clos se afrigter, geluk. Foto: Elite/Jean Catuffe

Lesersfoto’s Stuur vir ons jou foto's  ·  Stuur vir ons jou foto's

Twee weke se skaafwerk in Monaco en ’n tikkie koninklike inspirasie was die sleutel tot Cameron van der Burgh en Chad le Clos se heldedade in die Olimpiese swembad.

So glo dr. Henning Gericke, een van die land se bekendste sportsielkundiges, nadat Van der Burgh (24) en Le Clos (20) die afgelope week die land se eerste goue medaljes op die Spele in Londen gewen het.

Van der Burgh het Sondagaand ’n wêreldrekord van ­58.46 s in die eindstryd van die 100 m-borsslag opgestel, waarna Le Clos Dinsdagaand op dramatiese wyse met ­Michael Phelps in die 200 m-vlinderslag afgereken het.

Le Clos se tyd van 1 minuut en 52.95 sekondes het sy eie Afrika-rekord met meer as ’n sekonde verpletter, maar was net vyf honderdstes van ’n sekonde vinniger as die Amerikaanse swemsensasie s’n.

Hy het eergisteraand boonop Suid-Afrika se eerste silwermedalje gewen toe die einste Phelps hom in die eindstryd van die 100?m-vlinderslag geklop het.

“Cameron en Chad het uiteenlopende uitdagings gehad.

“Cameron was onder geweldige druk, want feitlik almal het verwag hy sal ’n medalje wen, terwyl min mense vir Chad ’n kans gegee het omdat hy nog so jonk is en boonop teen Phelps sou deelneem,” het ­Gericke aan Rapport gesê.

“Wat hulle egter gemeen gehad het, was dat hulle geestelik taai genoeg was om dié uitdagings te bowe te kom.”

Gericke, wat ook die Springbokke se kopdokter was toe hulle die Wêreldbeker in 2007 vir die tweede keer verower het, werk reeds die afgelope nege maande met Van der Burgh en was sowat drie weke gelede saam met die swemspan in Monaco waar hulle vir oulaas geslyp het vir dié skouspel – op uitnodiging van prinses Charlene Wittstock.

Wittstock was deel van Suid-Afrika se vroue-aflosspan wat by die Spele in 2000 in Sydney ’n vyfde plek behaal het in die 4?x?100-wisselslag.

Sy het dié span begin vanjaar genooi om hul voorbereiding in Monaco af te sluit.

“Behalwe dat sy vir die hele oefenkamp betaal het, was haar teenwoordigheid langs die swembad en haar geselsies met die swemmers van onskatbare waarde,” het Gericke gesê.

“Die feit dat sy weet wat dit verg om by ’n Spele te swem en raad kon gee, het ’n baie kalmerende invloed op die ouens gehad.

“Sy het ongelooflik baie moeite gedoen vir die swemmers – van die oomblik dat hulle daar aangekom het tot die afskeidsgeleentheid wat sy ten duurste vir hulle gereël het.”

Volgens Gericke was een van die grootste uitdagings om die groep van 20 deelnemers, van wie heelparty in die VSA woon, in ’n span saam te snoer.

“Ons het hard en eerlik met mekaar gepraat oor ons verwagtinge by die Spele en ook oor waar dinge in die verlede skeefgeloop het,” het Gericke gesê.

“In Beijing (in 2008, toe Suid-Afrika nie ’n enkele swemmedalje kon verower nie) het die ouens onder mekaar baklei en daar was geen teken van spangees nie.

“Dié keer was daar geen jaloesie of afguns nie en die ouens het mekaar heelhartig ondersteun,” het Gericke gesê.

Volgens Graham Hill, Le Clos se afrigter, het die Monaco-uitstappie “wondere verrig” vir die span se selfvertroue, berig Marizanne Kok.

Hill was Wittstock se afrigter toe sy destyds in Sydney geswem het.

“Ek kan prins Albert en prinses Charlene nie genoeg bedank nie,” het Hill gesê.

“My verhouding met Charlene was soos die een wat ek nou met Chad het – ons het mekaar goed verstaan en dit is steeds so.”

Lees Rapport se kommentaar beleid

Lewer kommentaar op hierdie artikel
1 reaksie
Lewer kommentaar
Kommentaar 0 oorblywende karakters

binne rapport

Weer
Ksd: 13-20°C Sunny. Mild. Pta: 10-24°C Sunny. Mild.
Jhb: 7-16°C Sunny. Refreshingly cool. Bfn: 6-16°C Mostly sunny. Cool.
Dbn: 17-22°C Morning clouds. Mild. PE: 11-20°C Heavy rain. Morning clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Spesiale aanbiedinge vir Moedersdag!

Bederf Ma met dié ongelooflike spesiale aanbiedinge wat haar hart sal laat vermurwe. Koop nou!

Parfuumwinskopies vir Moedersdag!

Bederf Ma met spesiale parfuumwinskopies en geskenkpakke vir Moedersdag. Aanbod geldig solank voorraad beskikbaar is. Koop nou!

Oefen sonder dat dit ’n plaas se prys kos

Tot 30% afslag op alle toerusting vir joga, om jou fiksheid te verbeter en jou spiere sterker te maak. Aanbod geldig solank voorraad beskikbaar is. Koop nou!

RYOBI-gereedskap

Gee uiting aan jou innerlike DDS-geesdrif met RYOBI-gereedskap. Koop nou!

Spesiale aanbiedinge vir Moedersdag!

Bederf Ma met dié ongelooflike spesiale aanbiedinge wat haar hart sal laat vermurwe. Koop nou!

Besoek www.kalahari.com vir miljoene boeke, musiek, DVD's, games & meer!