‘DG moet skuld kry as SunSpace deure sluit’

2012-09-09 01:06

Dié fot van Soma in Japan is deur SunSpace se SumbandilaSat op 5 April 2011 geneem nadat ’n tsoenami die gebied getref het.

Lesersfoto’s Stuur vir ons jou foto's  ·  Stuur vir ons jou foto's

Suid-Afrika se enigste mikrosatellietmaatskappy – SunSpace op Stellenbosch – se dae is getel.

Dié maatskappy sluit waarskynlik einde vandeesmaand sy deure weens ’n reusagtige begrotingstekort, waaronder R45 miljoen aan agterstallige salarisse.

Die skuld vir “dié verlies aan wetenskaplike kundigheid moet voor die deur van die direkteur-generaal (DG) van die nasionale departement van wetenskap en tegnologie gelê word,” sê die DA se skaduminister van wetenskap en tegnologie, dr. Junita Kloppers-Lourens.

Volgens haar het die kabinet in Februarie 2010 die aanskaf van ’n meerderheidsaandeel deur die regering in SunSpace goedgekeur, met die opdrag aan die DG, dr. Phil Mjwara, dat sy departement dié transaksie moet beklink.

Die maatskappy Deloitte het daarna, in opdrag van die minister van wetenskap en tegnologie, Naledi Pandor, ’n transaksieverslag saamgestel en ’n aandeelhouding in SunSpace van tussen 55% en 60% is goedgekeur.
“Dr. Mjwara het deurgaans versuim om dit te doen,” sê Kloppers-Lourens.

Sy het die afgelope week in die parlement antwoorde geëis oor waarom Mjwara “voete gesleep het” met dié saak.

Dié vertraging “of klaarblyklike onwilligheid om die kabinetsbesluit uit te voer, het veroorsaak dat SunSpace, wat in 2009 altesame 93 werknemers, insluitende ingenieurs, wetenskap­likes en tegnici in diens gehad het, nou sit met 43 vakante poste. SunSpace kan nie meer salarisse betaal nie.

“Die maandelikse salarisrekening is tans R2,3 miljoen. Die agterstallige betalings oor 22 maande kom op R45 miljoen te staan. Van die personeel wat die maatskappy verlaat het, het sewe ingenieurs geëmigreer. SunSpace loop die gevaar om einde vandeesmaand sy deure te sluit.”

Dit kom nadat Pandor, asook die voorsitter van die Suid-Afrikaanse Nasionale Ruimteagentskap (Sansa), dr. Sandile Malinga, al herhaaldelik die behoud van die maatskappy en die spesialiskennis van sy werkers bepleit het.

Pandor het in Mei vanjaar ’n verdere satellietontwikkelingsprogram, in samewerking met SunSpace, aangekondig toe sy gesê het R100 miljoen gaan beskikbaar gestel word vir die ARMC-projek (African Resource Management Constellation), ’n projek vir ’n Afrika-konstellasie van mikrosatelliete waarin Suid-Afrika, Algerië, Kenia en Nigerië reeds ingekoop het.

Kloppers-Lourens sê geen finansiering hiervoor is egter sedertdien verskaf nie.

“Nou sal dit minstens R400 miljoen kos om SunSpace te red en om Suid-Afrika se verbintenis tot die mikrosatellietkonstellasie uit te voer.”

Sy sê Mjwara beantwoord ook geen telefoonoproepe of e-posse oor die ARMC-projek nie.

Prof. Christo Viljoen, direkteur van SunSpace en voorsitter van die departement elektriese en elektroniese ingenieurswese aan die US toe die Sunsat-satellietprojek begin is, het by navraag gesê Pandor “sal persoonlik verantwoordelikheid moet neem as die inheemse mikrosatellietbedryf in duie stort weens dr. Mjwara se vertragingstaktieke.

“Dit sal Sansa se steun van die ARMC-projek vir gemeenskapsopheffing in Afrika tien tot twaalf jaar terugsit, afgesien van die boodskap wat dit uitstuur dat ons regering nie bereid is om inheemse hoëvlak-tegnologie en ingenieurswese te bevorder nie. Suid-Afrika se tien swart ruimte-ingenieurs wat deur SunSpace opgelei is, sal in die buiteland werk moet soek.”

Mjwara het by navraag gesê sy departement is nooit gevra om ’n sakeplan vir SunSpace op te stel nie.

“Die kabinetsopdrag was dat die departement die kabinet moet adviseer oor die haalbaarheid van ’n regeringsaandeel, onderhewig aan die voorlegging van ’n sakeplan deur SunSpace.

“My departement het R36?miljoen van die nasionale tesourie gekry vir satellietontwikkeling in 2012/’13. Die 2013/’14-begroting hiervoor is R27 miljoen en vir 2014/’15 R57 miljoen.”

Lees Rapport se kommentaarbeleid

Lewer kommentaar op hierdie artikel
14 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 10-18°C High level clouds. Mild. Pta: 2-21°C Sunny. Mild.
Jhb: 3-16°C Sunny. Refreshingly cool. Bfn: 0-19°C Morning clouds. Mild.
Dbn: 7-22°C Sunny. Mild. PE: 11-18°C High level clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Good Morning, Mr Mandela van Zelda la Grange

Good Morning, Mr Mandela vertel die uitsonderlike verhaal van hoe ’n jong vrou se lewe, oortuiginge, vooroordele en alles waarin sy eens geglo het verander is deur die grootste man van haar tyd. Nou R221. Plaas jou voorafbestelling nou!

Bespaar 25% op die gewildste 25 boeke!

Kry 25% afslag op die topverkoperboeke, wat insluit Low-Carb Living for Families, The Book Thief, How to Train Your Dragon en nog baie meer. Koop nou!

Tot 60% afslag met die opruimingsverkoping!

Bespaar tot 60% op toestelle, boeke, elektroniese ware, speelgoed, flieks en nog baie meer. Aanbod geldig solank voorraad beskikbaar is. Koop nou!

Nuwe Afrikaanse uitreikings

Sien jy uit na die nuutse Afikaanse titels? ’n Vuurwarm verskeidenheid boeke is beskikbaar by kalahari.com. Bestel nou!

Soos gesien op TV – Nuwe gobii-slimfone vanaf R999!

’n Kamera aan die voor- en agterkant, tweeledige SIM-verrigting en 200MB se GRATIS Cell C-data elke maand vir 12 maande, is maar net ’n paar van die eienskappe van dié slimfone. Kry joune nou! Koop hier.

Besoek www.kalahari.com vir miljoene boeke, musiek, DVD's, games & meer!