Dallas: Hallo, ou vriende!

2012-09-03 05:57

Johan Stemmet sê wanneer hy in sy Mercedes-Benz 450 SL-sportmotor klim, dan dink hy aan die eerste reeks van Dallas waarin dié spesifieke motors gebruik is.

“Ek het my Dallas-karretjie van 1980 af. My Benz is al 32 jaar oud en vandag omtrent niks werd nie, maar dis net vir die sentiment.

“Ek het dit juis onlangs laat restoureer en dis nou my gunstelingdingetjie ...”





Die Noot vir noot-aanbieder sê hy het ongelukkig Dinsdagaand se eerste episode van die nuwe Dallas-reeks misgeloop, maar voortaan is hy beslis voor die kassie.

“Die beste van toentertyd se Dallas was die motors.

“En ek is baie spyt hulle ry nie meer vandag die 450 SL nie. Ek het dan nog myne,” lag hy.

Stemmet sê hy was in sy 20’s toe dié gewilde reeks destyds uitgesaai is.

“Almal het van Victoria Principal as Pamela gehou, sy was maar die gunsteling.

“Cliff Barnes was die loser. En dan Sue Ellen ... as sy nie warm was nie, het sy drooggemaak.”

Die veteraan-aktrise Wilna Snyman sê sy is so jammer sy het Dinsdagaand se episode misgeloop.

“Ek onthou hoe die eerste Dallas saam met die begin van televisie was ... en albei was ’n groot gebeurtenis! Vir ons was Dallas ‘larger than life’.”

Snyman sê as sy nou terugdink, onthou sy haar fassinasie met Sue Ellen se mond.

“Sy het altyd gimnastiek met haar lippe uitgevoer.

“JR was ’n tipiese skarminkel. En Bobby ... ja, dié outjie was so mooi.”

Die aktrise sê sy gaan beslis die nuwe reeks kyk as sy die kans kry, net ter wille van die ou dae.

Die nuusleser Riaan Cruywagen kon nie wag om Dinsdagaand Dallas te kyk nie.

“Ek is ’n nostalgie-vraat! Dit was te heerlik om weer die ou storielyn te kon raaksien en die ou blikskottel van ’n JR op sy beste te sien – toe daar oor geld gepraat word, toe kom hy sommer tot ontwaking.”

Volgens Cruywagen is dit duidelik dat die nefies John Ross en Christopher die hoofkarakters gaan word.

“Ek was verbaas om te sien hoe goed en herkenbaar die meeste van die lot nog lyk. Dis net Lucy wat so oud geraak het ...”

Die nuusleser sê ook in die ou Dallas was dit “slap Mercedesse, nou is dit blink Ferrari’s”.

Michelle Botes, bekend as die bose Cherel de Villiers-Haines in SABC3 se Isidingo, beskryf die Dallas-akteurs as ikone.

“Hulle het die seepwêreld oopgemaak!

“Ek het ongelukkig nie vandeesweek se episode gekyk nie, maar ek gaan voortaan ’n punt daarvan maak om wel op ’n Dinsdagaand voor die televisie te wees.”

***

Die doings en die screwings van die Ewings ...

Dit was die ou Dallas – die Amerikaanse sepie wat Suid-Afrikaners drie dekades gelede op Dinsdagaande voor hul TV’s laat stoom het.

Die Ewings was soos familie en die familieplaas Southfork in Dallas was die bekendste plaas in Suid-Afrika.

Johan Prinsloo, tans die uitvoerende hoof van SWD-rugby, vertel hy het destyds as bestuurder vir Ster-Kinekor in Johannesburg gewerk.

“Ek onthou daardie jare was ons teaters verskriklik stil as Dallas saans uitgesaai is. Jy hoef net na die gebrek aan kaartjieverkope te gekyk het om te weet daar buitekant gaan iets groot aan.”

Hy sê hy verbeel hom selfs die fliekkaartjies was goedkoper op Dallas-aande.

Die plattelanders vertel weer hoe kerkraadsvergaderings vroeër klaargemaak het sodat die kerkraadslede betyds was om die Ewings se doen en late te aanskou.

Jan Pickard, die destydse president van die Westelike Provinsie Rugbyunie, het met die unie se maandvergaderings op Dinsdagaande die vergadering vroeg verdaag sodat die plattelandse klubverteenwoordigers betyds by die huis sou wees vir die Dallas-uitsending.

Suid-Afrikaners kan Dinsdagaande die nuwe reeks op M-Net volg.

Lees Rapport se kommentaarbeleid

Lewer kommentaar op hierdie artikel
5 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 11-19°C Sunny. Mild. Pta: 2-19°C Sunny. Mild.
Jhb: 0-14°C Sunny. Refreshingly cool. Bfn: -2-15°C Sunny. Refreshingly cool.
Dbn: 14-19°C Mostly sunny. Cool. PE: 7-17°C More sun than clouds. Cool.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!