‘De Klerk sit pot mis oor ANC, kommunisme’

2012-07-28 23:56

Oudpres. FW de Klerk sit die pot mis.

Prof. Dirk Kotzé, ’n politieke ontleder aan Unisa, meen De Klerk se aanname dat die ANC met sy nasionale demokratiese revolusie (NDR) die land in die rigting van ’n kommunistiese staat dwing, is verkeerd.

Volgens Kotzé leun die ANC se huidige denkrigting eerder sterker na dié van ’n ontwikkelings- as ’n kommunistiese staat.

De Klerk het die aanname gemaak tydens ’n konferensie wat die FW de Klerk-stigting Woensdag in Johannesburg oor die ANC se onlangse beleidskonferensie aangebied het.

Ook dr. Blade Nzimande, SAKP-leier, het Vrydag aangevoer De Klerk se uitlatings is “niks anders nie as ’n poging om die klassieke ‘rooi gevaar-taktiek’ van sy nou ontbinde Nasionale Party te laat herleef”.

De Klerk het Suid-Afrikaners aangemoedig om tot en met die ANC se nasionale kongres in Desember meer intensief aan die beleidsdebatte deel te neem omdat dit nie geïgnoreer kan word nie.

“Die beleids- en leiersbesluite wat in Mangaung geneem word, sal die toekoms van die land jare lank raak.”

Volgens De Klerk is nasionale beleid in Suid-Afrika tans by ’n kruispad: “Ons kan eerder die pad na ekonomiese groei en maatskaplike geregtigheid, soos die Nasionale Beplanningskommissie uitstippel, volg óf die een van die ‘tweede fase’ wat die doelwitte van die NDR nastreef.”

De Klerk meen die NDR is ’n “baie gevaarlike ideologie”.

“Dit is gevaarlik omdat dit ons op ’n sosialistiese pad wil plaas. Kommunisme is ’n uitgediende ideologie. Dit kan net pyn en lyding bring soos in destydse kommunistiese lande.

“Die ANC wil met die NDR, veral met die SAKP wat nou ’n leiersrol in die regerende alliansie vertolk, hê ons moet ’n kommunistiese staat word.”

Nzimande skryf Vrydag in die SAKP se aanlyn-joernaal, Umsebenzi Online, egter De Klerk wil met sy uitlatings “nog ’n ou apartheid-toertjie – dat die ANC van ’n afstand deur die SAKP beheer word – aanblaas. Jy kan nie ’n ou hond nuwe toertjies leer nie.”

Nzimande sê die SAKP sal sy sosialistiese waardes en idees so wyd moontlik onder Suid-Afrikaners versprei en aanhou om kapitalisme as ’n stelsel te kritiseer.

Volgens Kotzé moet die ANC se beleid nie in ’n sosialistiese konteks gesien word nie.

“Die ANC se denkrigting met die NDR is eerder ’n ontwikkelingstaat waar die regering grootskaals by die landsekonomie betrokke raak.”

Hy meen dit is nie ’n slegte idee nie; dieselfde gebeur tans in Suid-Korea, Maleisië, Singapoer, Taiwan, Indië en Brasilië. “Ek dink die ANC kyk na dié lande en sien watter ekonomiese suksesse tans daar beleef word.”

Kotzé meen hoewel SAKP-leiers aktief in die regering dien, word die party se streng sosialistiese beleid deur die ANC s’n gekoöpteer.

Lees Rapport se kommentaarbeleid

Lewer kommentaar op hierdie artikel
185 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 13-16°C Passing showers. Afternoon clouds. Cool. Pta: 4-20°C Sunny. Mild.
Jhb: 5-14°C Sunny. Refreshingly cool. Bfn: 0-10°C Sunny. Cool.
Dbn: 10-18°C More sun than clouds. Cool. PE: 11-18°C Rain early. More sun than clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Tablet Asus Nexus 7'' 3G met 32GB nou R1 999

Kry die Nexus 7”-tablet met Wifi & 3G vir slegs R1 999 en bespaar R500! Aanbod geldig solank voorraad beskikbaar is. Koop nou!

Plaas ’n voorafbestelling vir die Xbox One

Die vermaaksentrum wat jou alles-in-een bied – regstreekse TV, flieks, sosiale netwerke en speletjies. Plaas jou voorafbestelling nou!

Tot 50% afslag op haarsorgprodukte!

Bespaar tot 50% op professionele haarsorgprodukte by kalahari.com. Aanbod geldig solank voorraad beskikbaar is. Koop nou!

Nuwe e-boeke beskikbaar!

Maak jou gereed vir ’n lekker leeservaring wat e-boeke insluit soos Good Morning, Mr Mandela; Laaste dans, Drienie; Die brug na Haven en nog baie meer. Koop nou!

Hisense Infinity Prime-slimfoon

Bespaar R1 000 op die Hisense Infinity Prime 1-slimfoon. Nou R1 999. Aanbod geldig solank voorraad beskikbaar is. Koop nou!