Departement van openbare werk nie

2012-10-13 23:19

Die verbeterings aan pres. Jacob Zuma se private tuiste by Nkandla in Zoeloeland was nie net peperduur nie, dit het heel moontlik ook met bedrog en korrupsie gepaardgegaan.

Ouditeure met top-veiligheidsklaring gaan dié verbeterings deur die departement van openbare werke ter waarde van meer as R200 miljoen nou ondersoek.

Die begroting vir die konstruksiewerk by Nkandla, asook verbeterings aan ministeriële ampswonings, is vervat in die departement se prestige-portefeulje, wat projekte van miljarde rande insluit.

Jeremy Cronin, adjunkminister van openbare werke, het die afgelope week in die parlement teenoor LP’s erken sy departement “is in groot moeilikheid”.

“Die OG het ’n ouditmening (vir die 2011-’12-boekjaar) weerhou. Daar is ernstige korrupsie en aanklagte teen senior personeellede. Ons is wanfunksioneel. Ons kan die moontlikheid dat die onkostes (by Nkandla) opgeblaas is, nie uitsluit nie,” het Cronin gesê.

Hoewel Paul Serote, uitvoerende hoof van die OG-kantoor, hom nie oor die Nkandla-projek wou uitspreek nie, het hy bevestig daar is geen finansiële beheer by openbare werke nie. Die Wet op Openbare Finansiële Bestuur (PFMA) en regulasies vir tender- en verkrygingsprosedures “word oor die algemeen oortree”.

Die omvang van die finansiële wanbestuur in openbare werke en sy vier entiteite is grotesk:

* Die departement se eie ouditeure het in die 2011-’12-boekjaar R422 miljoen se onreëlmatige besteding in die finansiële state geopenbaar, maar die OG het tydens hul oudit nóg R906 miljoen se onreëlmatige transaksies blootgelê. Die totaal is R1,3 miljard.

* Voorts het die departement R44,2 miljoen se nuttelose en vrugtelose uitgawes gelys, maar die OG het nóg R194?miljoen se nuttelose en vrugtelose uitgawes uitgesnuffel. Al dié soort uitgawes vir die boekjaar beloop dus meer as R238,4 miljoen.

* ’n Verdere R24 miljoen se besteding was ongemagtig.

Anchen Dreyer, DA-LP en woordvoerder oor openbare werke, sê dit is “skokkend”.

Sy voer aan Thulas Nxesi, die minister wat ’n jaar gelede by die afgedankte Gwen Mahlangu-Nkabinde oorgeneem het, het nog nie veel uitgerig nie.

“Miskien is dié departement onherstelbaar. Miskien moet dit ontbind en van voor af opgebou word.”

Cronin sê dít is onmoontlik.

“Jy kan nie oor begin as jy nie weet waarmee jy sit nie. Ons weet nie eens watter bates ons het nie en dit waarvan ons weet, word nie onderhou nie.”

Nxesi het in ’n verslag aan die portefeuljekomitee oor openbare werke gesê hulle het die spesiale ondersoekeenheid R30 miljoen betaal om korrupsie te ondersoek.

Volgens hom het hy te laat by dié departement aangesluit om ’n wesenlike verskil in die genoemde boekjaar te maak.

Lees Rapport se kommentaar beleid

Lewer kommentaar op hierdie artikel
18 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 17-24°C Sunny. Mild. Pta: 11-26°C Sunny. Pleasantly warm.
Jhb: 10-21°C Sunny. Mild. Bfn: 8-25°C Mostly sunny. Mild.
Dbn: 17-28°C More sun than clouds. Warm. PE: 15-22°C Morning clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Gewilde nuwe flieks

Frozen, The Hobbit: The Desolation of Smaug, Thor: The Dark World, Leon Schuster: Schuks! Your Country Needs You en nog baie meer. Koop nou!

25% afslag op topverkoperboeke!

The Real Meal Revolution van Tim Noakes, Jeffrey Archer se Be Careful What You Wish For, Man’s Search for Meaning van Victor E. Frankl en nog baie meer titels. Koop nou!

Baie eiers in een mandjie!

Speletjie-pakkette: 2 Super Hits-speletjies vir R99, 3 Disney-speletjies vir R99 en nog meer + eksklusiewe pakkette vir toebehore – slegs beskikbaar op kalahari.com. Terwyl voorraad beskikbaar is. Koop nou!

Tot 30% afslag op toestelle & huisware

Bespaar tot 30% op toestelle en huisware dié Paasfees. Aanbod geldig solank voorraad beskikbaar is. Koop nou.

Storieman Omnibus 6

Storieman 6 van Leon Rousseau. Beskikbaar 30 April. Plaas jou voorafbestelling nou!

gobii se 7” Kleur LCD e-leser nou R399

Kry kalahari.com se topverkoperproduk vir slegs R399 en kry gratis e-boekkoopbewyse ter waarde van R120. Koop nou!

Besoek www.kalahari.com vir miljoene boeke, musiek, DVD's, games & meer!