Derick: ‘Dis als my skuld’

2012-10-22 05:16

Derick en Karlien

Lesersfoto’s Stuur vir ons jou foto's  ·  Stuur vir ons jou foto's

Ja, dis verby.

Die verlowing is verbreek, die sprokiestroue is afgelas en die verloofring is teruggegee.

Loftus se “liefling” Derick Hougaard (29) en die Jakkals trou met wolf se vrou-sangeres Karlien van Jaarsveld (26) is nie meer saam nie.

Derick neem volle verantwoordelikheid daarvoor dat die verhouding skipbreuk gely het.

Hy sê: “Dis 100% my skuld. Ek het ’n geweldige kruispad in my lewe bereik met rugby en dit vat baie uit my uit.”

Sy sê: “Met die aanloop tot ons troudag het ons verskille gehad wat fataal is vir enige huwelik. Ek wil nie trou en dan skei nie. Dit moet vir ewig wees.”

Karlien en Derick het met Rapport vir die eerste keer openlik en eerlik gepraat oor die troue wat afgestel is en die verloofring wat teruggegee is.

“Ek wil net ’n einde maak aan al die stories wat nou opgemaak word,” sê Karlien.

“Daar is geen skandaal nie. Geen derde party nie. Dit was net nie die Here se wil dat ons trou nie. Klaar.”

Van kwade gevoelens tussen die twee is daar nie sprake nie.

Die twee het immers Dinsdagaand nog saam gaan uiteet. Hulle het in 2011 begin uitgaan en in April vanjaar verloof geraak.

’n Troudag was vir volgende maand beplan en Derick het vir hom en sy trouvrou ’n huis gekoop.

“Ek het baie daarna uitgesien om in die huis te bly,” sê Karlien. “Ek het nog gehelp om die huis te versier. Maar ek het besef die Here het ’n plan met ons. My wil en die Here se wil verskil.”

’n Maand gelede het die twee ’n verklaring op Facebook geplaas waarin hulle gesê het die troue is uitgestel.

Maar die tonge was los toe Karlien verlede naweek by die Afrikaans is groot-konserte op die verhoog was – sonder ’n verloofring.

“Sou dit in God se plan wees dat ons wél gaan trou, dan is dit so,” sê sy. “Ons het verskille en is nie nou reg vir trou nie.

“’n Troue gaan nie net oor hoe mooi jy lyk en of jy die grootste troue kan hou nie. As ons ewige trou voor God sweer, sal ons dit reg doen,” sê Karlien.

“Wanneer jy trou moet daar sekerheid wees dat dit vir ewig en altyd is. Ek wil nie skei nie.

“Ek wag om te hoor wat die Here se plan met ons is. Die Here sal vir my my trouman stuur, of dit nou Derick is of iemand anders, net Hy weet.”

Karlien sê Derick is ’n wonderlike vriend.

“Hy het ’n pragtige hart.”

Derick sê oor Karlien: “Sy is die beste mens wat ek ken.”

Hy bly erg hoopvol dat hulle ’n toekoms saam het.

“As ek die res van my lewe met haar kan deurbring, sal ek die gelukkigste mens in die wêreld wees,” sê Derick.

“Ek weet alles sal uitwerk soos Jesus dit wil hê.”

Karlien begin in Januarie volgende jaar skiet aan ’n nuwe rolprent, As jy kan sing, waarin sy teenoor haar sanger-broer, Bobby van Jaarsveld, speel.

Haar volgende CD behoort teen Maart klaar te wees. Sy vertel tydens die Afrikaans is groot-konserte was dit die eerste keer dat sy die verhoog met so baie bekende sangers gedeel het.

“Ek is nog altyd geïnspireer deur mense soos Juanita (du Plessis), Theuns (Jordaan) en Steve (Hofmeyr). Dit was ongelooflik.”

Lees Rapport se kommentaarbeleid

Lewer kommentaar op hierdie artikel
29 reaksies
Kommentaar is gesluit vir hierdie artikel

binne rapport

Weer
Ksd: 11-18°C Sunny. Mild. Pta: 11-24°C Showers late. More sun than clouds. Mild.
Jhb: 7-19°C Showery. Afternoon clouds. Mild. Bfn: 2-22°C Sunny. Mild.
Dbn: 14-20°C Partly cloudy. Cool. PE: 9-18°C Morning clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kamptoerusting!

Ons het al die kamptoerusting wat jy nodig het teen pryse wat jou kop sal wegblaas. Gaan loer nou daarna!

Wees voorbereid vir Nasionale Braaidag!

Dit is nooit te vroeg om te begin voorberei vir Braaidag nie. Tref voorbereidings met al ons ongelooflike braai-gereedskap. Koop nou!

Koop 3 boeke & betaal vir 2

Die goedkoopste van die 3 boeke sal gratis wees. Aanbod geldig solank voorraad beskikbaar is. Bepalings en voorwaardes geld. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Winskopie van die week!

Hisense se 40” ten volle HD LED-televisie nou R3999. Aanbod geldig solank voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!