Dié foutiewe MIV-toetse is steeds in SA

2012-07-07 23:31

Die omstrede MIV-toetse wat weer deur die regering aangekoop is nadat hulle deur die Wêreldgesondheidsorganisasie (WGO) verbied is, is reeds sedert Mei in openbare hospitale beskikbaar.

Dit het die afgelope week aan die lig gekom die regering het weer ’n tender toegeken aan Pantech om 4,5 miljoen SD Bioline-toetse te verskaf.

SD Bioline is in Januarie vanjaar op die WGO se swartlys geplaas omdat dit nie korrekte resultate lewer vir MIV-toetse nie. Die WGO het regerings gewaarsku om nie enige verdere pogings aan te wend om dié produk te koop nie.

“Enige beplande aankope van die produk moet gekanselleer word en geen nuwe aankope moet gedoen word tot verdere kennisgewing nie,” het die WGO in ’n inligtingstuk op 6 Januarie gesê.

Die plaaslike kantoor van die WGO het die afgelope week aan Rapport bevestig die produk is steeds op die WGO se swartlys.

Dr. Aaron Motsoaledi, minister van gesondheid, was onder die indruk die toetse is nog nie beskikbaar in openbare hospitale nie en het voorgeneem om die gebruik daarvan te staak.

“Hierdie produk gaan nie verder onder my gesag versprei word nie,” het hy gesê.

Die tesourie, wat die tender in Maart aan Pantech toegeken het, het gesê die produk is getoets en goedgekeur deur die plaaslike Nasionale Instituut vir Oordraagbare Siektes (Nios) en daarom is die tender goedgekeur.

Volgens Vuyo Mkhize, Pantech-woordvoerder, wou die maatskappy nie “die baba met die badwater uitgooi” net omdat die WGO sommige individuele toetse as foutief bevind het nie.

“Daar was geen rede om ’n produk wat aan die maatskappy jare van betroubare diens gelewer het, nou weg te gooi nie,” het Mkhize gesê.

Pantech, wat in Durban gesetel is, het die afgelope agt jaar die produk aan die regering verskaf, maar het nou slegs ’n derde van die tender gewen.

Die res van die tender is toegeken aan Mbuso Medical Supplies van Randfontein wat die verbeterde toets, Abon, verskaf.
Mkhize het gesê daar is “slegs 66 000 foutiewe toetse uit miljoene” gevind, so dit is nie nodig om die produk in sy geheel te onttrek nie.

Tog het die maatskappy op die regering se aandrang sy produkte in Februarie onttrek ná die WGO se bevinding oor SD Bioline.
Pantech verkoop steeds die toetse aan die publiek. Op hul webwerf was SD Bioline teen ’n “afslagprys” van R399 beskikbaar, maar teen gister is die lys van afslagprodukte van die webwerf verwyder. Hulle verskaf die produk aan die staat teen slegs R4,94.

Lees Rapport se kommentaarbeleid

Lewer kommentaar op hierdie artikel
4 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 15-22°C Sunny. Mild. Pta: 4-19°C Sunny. Mild.
Jhb: 3-15°C Sunny. Cool. Bfn: 0-19°C Sunny. Mild.
Dbn: 9-26°C Sunny. Mild. PE: 8-26°C Sunny. Pleasantly warm.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Tablet Asus Nexus 7'' 3G met 32GB nou R1 999

Kry die Nexus 7”-tablet met Wifi & 3G vir slegs R1 999 en bespaar R500! Aanbod geldig solank voorraad beskikbaar is. Koop nou!

Plaas ’n voorafbestelling vir die Xbox One

Die vermaaksentrum wat jou alles-in-een bied – regstreekse TV, flieks, sosiale netwerke en speletjies. Plaas jou voorafbestelling nou!

Tot 50% afslag op haarsorgprodukte!

Bespaar tot 50% op professionele haarsorgprodukte by kalahari.com. Aanbod geldig solank voorraad beskikbaar is. Koop nou!

Nuwe e-boeke beskikbaar!

Maak jou gereed vir ’n lekker leeservaring wat e-boeke insluit soos Good Morning, Mr Mandela; Laaste dans, Drienie; Die brug na Haven en nog baie meer. Koop nou!

Hisense Infinity Prime-slimfoon

Bespaar R1 000 op die Hisense Infinity Prime 1-slimfoon. Nou R1 999. Aanbod geldig solank voorraad beskikbaar is. Koop nou!