‘Dis oor ANC sy kaders inspan’

2012-07-28 23:56

Terence Nombembe

Lesersfoto’s Stuur vir ons jou foto's  ·  Stuur vir ons jou foto's

Munisipaliteite het die afgelope boekjaar tot R295 miljoen bestee om hul finansiële state in orde te kry, maar steeds het net 13 uit 283 skoon oudits gekry.

Dié syfers is vervat in die munisipale ouditverslag wat Terence Nombembe, ouditeur-generaal, die afgelope week bekend gestel het. Luidens die verslag kon die presiese werk waarvoor die konsultante betaal is nie onafhanklik geverifieer word nie.

Nie een van die drie grootste metropole – Johannesburg, Kaapstad en Durban – het skoon oudits gekry nie.

Die 13 wat wel die paal gehaal het, is klein en medium- plaaslike en distriksmunisipaliteite in KwaZulu-Natal, Limpopo, Mpumalanga en die Wes-Kaap.

Nie een munisipaliteit in Gauteng, die Oos-Kaap, die Vrystaat, die Noord-Kaap of Noordwes kon die mas opkom nie.

Nombembe het in ’n onderhoud met Rapport egter te kenne gegee munisipaliteite verkeer nie in ’n krisis nie.

Hy skryf die swak prestasie toe aan ’n gebrek aan vaardighede, wat ’n regstreekse gevolg is van die ANC se beleid van kader-ontplooiïng. Volgens hom ontbreek die politieke wil by politieke leiers om munisipaliteite aanspreeklik te hou.

Sleutelpersoneellede in sowat 70% van die munisipaliteite is luidens die verslag nie gekwalifiseerd om die finansies te behartig nie en by talle munisipaliteite word die verkrygingsprosesse nie gemonitor nie.

Meer as R14,5 miljard is bestee aan ongemagtigde, onreëlmatige, nuttelose en verkwiste uitgawes. Voorts is R814 miljoen se kontrakte aan munisipale werknemers, ander staatsamptenare en familielede van munisipale amptenare toegeken.

Tot R3,5 miljard se aankope is ook nie geoudit nie omdat daar geen ondersteunende dokumentasie beskikbaar was nie.

Nombembe sê sy kantoor het daarom voorgestel dat administrateurs aangestel word om ’n oog te hou oor elke transaksie in die verkrygingsproses. Volgens hom is munisipaliteite ook nie konsekwent met hul finansies nie.

“Die Stad Kaapstad se administrasie het die laaste jare baie goed gevaar. Hulle het egter die monitering van hul verkrygingsprosesse verslap, soos by die meeste munisipaliteite gebeur.”

Die verslag beveel aan politieke leiers soos burgemeesters en raadslede moet op maandelikse finansiële state aandring en verseker daar word reg deur die jaar aan die rekeningkundige vereistes voldoen.

Prof. Deon Scott, ’n munisipale kenner aan Unisa, sê die OG se bevindings skets ’n mismoedige prentjie oor die stand van munisipale regering.

“Ons het wonderlike wetgewing, maar dit word nie toegepas nie omdat daar geen doeltreffende dissiplinêre stelsel is om teen amptenare en politici op te tree nie. Die OG en ander wetstoepassers se hande is afgekap,” sê Scott.

“Dit speel alles af teen die agtergrond van kader-ontplooiing met die fokus op politieke lojaliteit. Kennis of kundigheid speel nie meer ’n rol nie.”

Jackson Mthembu, ANC-woordvoerder, sê die ANC is bekommerd.

“Ons doen ’n beroep op munisipaliteite om die bestaande regeringsvoorskrifte te volg en aan die aanspreeklikheidsmaatreëls te voldoen.”

Lees Rapport se kommentaarbeleid

Lewer kommentaar op hierdie artikel
21 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 12-21°C Sunny. Mild. Pta: 1-20°C Sunny. Mild.
Jhb: 2-15°C Sunny. Refreshingly cool. Bfn: 2-18°C Sunny. Mild.
Dbn: 14-21°C Mostly sunny. Cool. PE: 8-18°C Sunny. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Magical Massinga

Spend 5 nights at the gorgeous Massinga Beach Lodge in Mozambique and only pay for 4 from R13 220 per person sharing. Includes return flights, accommodation, transfers and romantic turndown.Book now!

Kalahari.com - doen vandag jou inkopies aanlyn

Kry tot 25% afslag op die 25 gewildste media-produkte!

Bespaar tot 25% op die jongste topverkopers van boeke, flieks, speletjies en musiek. Aanbod geldig solank voorraad beskikbaar is. Koop nou!

Bespaar R700 op die Hisense LED TV

Kry die Hisense 32” HD LED TV vir slegs R2499. Aanbod geldig solank voorraad beskikbaar is. Koop nou!

Nuwe musiek-CD’s & DVD’s teen R99 elk

Kry gewilde nuwe musiek-CD’s en DVD’s teen R99 elk. Aanbod geldig solank voorraad beskikbaar is. Koop nou!

Soos gesien op TV – Nuwe boeke teen slegs R199 elk

Kry besparings wat jou kop sal wegblaas op nuwe boektitels. Aanbod geldig solank voorraad beskikbaar is. Koop nou!

Bespaar tot 40% op modetoebehore

Bespaar tot 40% op uitgesoekte handsakke, beursies, horlosies, juwele en nog baie meer. Aanbod geldig solank voorraad beskikbaar is. Koop nou!

The Real Meal Revolution (boek & e-boek)

Die doel van The Real Meal Revolution is om jou lewe te verander deur jou eetgewoontes te leer wat jou in beheer plaas van jou gewig en jou gesondheid. Bestel nou!

Besoek www.kalahari.com vir miljoene boeke, musiek, DVD's, games & meer!