Div se nuwe rol: ’n akteur

2012-08-04 23:40

Die sanger Brendt Wayne begin binnekort werk aan Brendt Wayne – When I Was a Young Boy.| Foto: Jaco Marais

Lesersfoto’s Stuur vir ons jou foto's  ·  Stuur vir ons jou foto's

Peter de Villiers, die vorige Springbok-afrigter, het menige keer voor kameras en TV-ligte “opgetree”.

Nou gaan die breedsprakige De Villiers wéér voor die kamera verskyn, maar dié keer sal hy moet hou by ’n teks.

Hy hou sy lyf akteur in die fliek Brendt Wayne – When I Was a ­Young Boy.

Hoewel die verfilming eers in Februarie volgende jaar begin, begin voorbereidingswerk aan die projek binnekort.

Brendt Wayne – When I Was a Young Boy is losweg gegrond op die lewensverhaal van die Stellenbosse sanger Brendt Wayne (28).

De Villiers beskryf Wayne as “’n baie goeie mens”.

“Daai kind is baie voor sy tyd. Hy is gemeenskapsgerig en hy wil hê die jeug moet groei.”

Die fliek vertel die verhaal van ’n jong seun wat vir musiek leef en dan ’n platejoggie in ’n nagklub word.

Daar raak hy deurmekaar met dwelms en hy maak ’n meisie swanger. Die platejoggie gaan werk dan in Londen, waar hy so deur musiek begeester raak dat hy terugkom en almal se lewe daarmee wil aanraak.

“Die dwelms en swanger meisie is fiksie,” sê Wayne.

De Villiers gaan in die fliek verskyn as ’n fiktiewe karakter wat in die koerant van Wayne se projek lees en dan as borg betrokke wil raak.

Die gewese Bok-breier sê hy hou van uitdagings en is dus opgewonde om sy lyf akteur te hou.

“Ek sal maar eers kyk hoe alles werk. Ek wil eers al die feite hê voordat ek te opgewonde raak.”

Sal hy in nog ’n fliek speel as dié een ’n sukses is?

“Ek weet nie hoe die Here my lei nie; Hy sal weet wat oor my pad moet kom.”

Wayne sê hy wil graag dié storie vertel sodat almal kan besef hulle kan ’n verskil in ander se lewe maak.

When I Was a Young Boy is ook die naam van ’n liedjie op Wayne se album Beginning of Hope.

Die voormalige Bok-afrigter en Wayne het mekaar vroeër vanjaar ontmoet toe hulle saam in die musiekvideo Klaar gekla van Francois Louw verskyn het.

“Ek en oom Peter het dadelik goed oor die weg gekom en toe ek met die planne vir my fliek begin, het ek hom gebel.

“Hy het dadelik ingestem om ook daarin te speel,” sê Wayne.

Die Top Billing-aanbieder Greg Kriek gaan saam met Wayne die teks skryf en die regie behartig. Wayne sal self die hoofrol vertolk.

Dominic Neill, tans een van die top-10 in Idols, en die voormalige Idols-finalis Mathew Moolman maak deel van die rolverdeling uit.

Die verfilming gaan in Stellenbosch, Kaapstad en Londen gedoen word.

Lees Rapport se kommentaar beleid

Lewer kommentaar op hierdie artikel
9 reaksies
Lewer kommentaar
Kommentaar 0 oorblywende karakters

binne rapport

Weer
Ksd: 13-21°C Sunny. Mild. Pta: 10-23°C Sunny. Mild.
Jhb: 8-17°C Sunny. Mild. Bfn: 7-16°C Sunny. Cool.
Dbn: 15-22°C Widely scattered tstorms. Broken clouds. Cool. PE: 11-19°C Heavy rain. Morning clouds. Mild.
7-dag-voorspelling...

Betrekkinge - Vind jou droomwerk

Eiendomme - Vind 'n nuwe huis

Reis - Besoek, Bespreek, Laat Waai!

Escape winter, head to Mauritius

Escape winter by spending 7 nights in Mauritius' tropical bliss from R13 215 per person sharing. Includes return flights, airport transfers and accommodation.Book now!

Kalahari.com - doen vandag jou inkopies aanlyn

Spesiale aanbiedinge vir Moedersdag!

Bederf Ma met dié ongelooflike spesiale aanbiedinge wat haar hart sal laat vermurwe. Koop nou!

Parfuumwinskopies vir Moedersdag!

Bederf Ma met spesiale parfuumwinskopies en geskenkpakke vir Moedersdag. Aanbod geldig solank voorraad beskikbaar is. Koop nou!

Oefen sonder dat dit ’n plaas se prys kos

Tot 30% afslag op alle toerusting vir joga, om jou fiksheid te verbeter en jou spiere sterker te maak. Aanbod geldig solank voorraad beskikbaar is. Koop nou!

RYOBI-gereedskap

Gee uiting aan jou innerlike DDS-geesdrif met RYOBI-gereedskap. Koop nou!

Gewilde nuwe flieks

Frozen, The Hobbit: The Desolation of Smaug, Thor: The Dark World, Leon Schuster: Schuks! Your Country Needs You en nog baie meer. Koop nou!

Uitverkoping vir 24 uur – 30% afslag op skoonheidsprodukte

Slegs vandag – kry 30% op alle produkte vir haarversorging, velversorging, uitgesoekte skoonheidsprodukte en parfuum. Aanbod geldig tot middernag 24 April. Terwyl voorraad beskikbaar is. Koop nou!

Besoek www.kalahari.com vir miljoene boeke, musiek, DVD's, games & meer!